1 SAMUEL 13:2 - DAÜLANGPÜ LAIHING (BSI)

² Sauli Israel am khong kübü shennyak haja jem mon je; haja nyiyü Saul mü phaüshang kahmük Bethel kü Mikhmashlei, hatü haja hükü Benjamin jat amei kahdok Gibeahlei Jonathan mü tuh; aopüthü kemei büpai shemei leitükkem.

1 SAMUEL 13:2 Referans Kwoze

1 SAMUEL 10:26

Saul-ao jomei shem Gibeahlei, hatü büpa mü Kahvangi mong kü thonghüpü vehokbüthü mü chemi lei.

1 SAMUEL 14:31

Ha nyih Israel ami Philistia am Mikhmash kübü Aijalon thahshi jüpheikü veshanthü aeipai shomeiyingei nyu.

1 SAMUEL 13:5

Philistia ami Israel am mü hokhen shingvaishi koyei khari haja hapüan, koyei kü uotü hokhen shennyak haja vok, hatü veshanthü yungching bhihhiphang kei thaitü aongei Beth-Aven heongphi Mikhmashlei baümtap veteke.

1 SAMUEL 13:23

Shaang Philistia am veshan khong hükü Mikhmash beilem kü yomhen shom.

2 SAMUEL 21:6

büpalei hapeüthü jom nyet hamei lak kü yahshih, hatü hami Shembüpalei kahshang Gibeonei Shembüpa touei jühen hih” shei e. Ongpai, “Ngei jom yepei yahphahen hih” shei e.

1 SAMUEL 15:34

Hapheikü Samuel-ü Ramahlei aongdai, hatü Saul-ü Gibeahlei büpalei shemei aongdai.

1 SAMUEL 14:52

Saulei den kemei Philistia am mü shahyaki hok, hatü mechem Sauli wongkoh monglongpü shennyak eehenshang büpai veshan vaihen jehamteke.

1 SAMUEL 14:5

Yaongvak hükü apshaphi Mikhmash lemei meeshi, hatü hükpayü pehephi Geba lemei meeshi shiüteke.

1 SAMUEL 8:11

Büpai, “Am shak kü vanglem lemhen ongpai hapakei dükphahen: ‘Büpai ammei yeshangthü yah-ei büpalei koyei khari hatü koyeithü müteihühen, hatü jomphongü büpalei koyei khari shekü thepju kü deishihhen.

SHAHPHENBÜTHÜ 19:12

Shejao büpalei shembüpai büpa kü, “Israel am nevaipü kung amei chingei nepaümpih. Jeni hapa ching peih-ei maani daiyei Gibeah ngoishah” shei e,

JOSHUA 18:28

Zela, Haeleph, Jebus amei chingnyü (hapayü Jerusalem), Gibeah hatü Kiriath jila anpüali mü jomei chingthü nyu. Hathüyü Benjamin jat phang phangei mükjüp nyuteke.

1 SAMUEL 10:5

Hapheikü nüng Philistia amei shangdü nyupü Gibeath-Elohimei aonghen hatü halei nüng jila lemei yiüjajü moidü leipü thibüthü khong hük harp, tambourin, liping, hatü kongkoih vüngei hatü teteivanei yiüküpü nüngi ponghen.

1 SAMUEL 13:1

Mechem Saul ong vaipa, hahepak kü büpayü vangbong hapüan behe nyu, hatü Israel kü büpai vangbong pinyipünyi vanglem lemteke.

1 SAMUEL 13:11

Samueli jangei, “Nüngi mehe dükpa?” shei phe. Sauli, “Nanglakthü yandaipü eeyei hatü nüngao tetpü hepak kü jiüshi nepei, Philistia am Mikhmashlei thaipü eeyei,

1 SAMUEL 13:15

Samuel Gilgal leipü layaongei leidai. Aopü nanglakthü kemei veshanthü mü omhen Saul phei mü, hatü jom Gilgal leipü Benjamin kahdok Gibeah lemei aong. Sauli büpa mü nyupü shennyakthü ieshingkü kho vok hükshing mon nyu.

1 SAMUEL 13:16

Philistia am Mikhmashlei baümtap vetü nyushingkü Saul, cheha Jonathan hatü jiji mü nyupü shennyakthü kemei Benjamin amei kahdok Gebalei nyu.

1 SAMUEL 26:2

Hanangkü Saul layaongei Israel am veshan haja jem mütü David yemnüng Ziph amei jahpanei dai.

2 SAMUEL 20:1

Shaang Benjamin am Bikrilei cheha Sheba longi nebahnevaipü shennyak halei nyu. Büpai amit vüngtü lenei, “Ham David mü phaihan neshiüpih, Jesselei cheha mü hean neshiüpih! Ashakshem mongei nyupüthü peü, Oh Israel!” shei e.

JOSHUA 22:6

Hapheikü Joshua-i jom kü moihimantü leishih, hatü jom jomei shemei leidai.

1 SAMUEL 24:3

Büpai lem namei nyupü mi shem yaongsha hükei peiyei nyiumeiyei nyu. David hatü büpalei shennyakthüyü yaongsha mongpalei uoshi nyuteke.

2 SAMUEL 23:29

Netophah am Baanahlei cheha Heleb; Benjamin kahdok Gibeah leipü Ribailei cheha Ittai;

EZRA 2:27

Mikhmash am 122.

NEHEMIAH 11:31

Benjamin jat nanglakthü Geba, Mikhmash, Ai, Bethel hatü yopaipü chingthü,