1 SAMUEL 12:22 - DAÜLANGPÜ LAIHING (BSI)

²² Mehenangkü Shembüpai laophülei nanglak büpalei men longpü men kü neyakphongpih; mehenangkü amphongü büpalei nanglak leihühenü Shembüpai monghahpü dou hih.

1 SAMUEL 12:22 Referans Kwoze

PHILIPPI 1:6

Üpai am touei doumei chongpang, hapa Jisu Khristalei nyih thahshi kü temhen shei ngei monglempü nyüpeih.

MENVIH KESHO 106:8

Shejao büpalei thamapü dou nyinghühen shingvaishi büpai büpalei men kü jomyangpeih.

SHAHKÜP 14:2

mehenangkü amphongü Shembüpa tou kü daülangpü nanglakthü nyüke. Kahdok shak kübü hangkuli peü khongkü Shembüpai amphongü büpa lompü vaihen jepeih.

1 ONGPATHÜ 6:13

Ngei Israel nanglakthü mü nyuhen, hatü ngei jomphong netuhphongpih” shei e.

ROM SHAHSHA APPÜ 11:29

mehenangkü Kahvangei thintho hatü büpai nyükpü yahlangnüng neaok.

JEREMIAH 14:21

Nüngei men kü ham tengümtük; Nüngei müknyinshekhang ong uoshing dhüm neshiüi teleitük; Ham mü nüngi vangteipü deih-ei dangtuh, hatü ha temangtük.

JOSHUA 7:9

Kanan am hatü lebü kahmükthü kübü shennyakthüi hapa jung danlanghen, hatü jomi ham shonlanghen hatü hamei men kahdoknyü kübü thittükhen khih. Nüngei men longpü nyuhen shingvaishi nüngi mehe dükhenang?” shei e.

EPHESIA 1:12

Shejüang jenphong üam Khrista kü shongei monglemhen nyüpa, büpalei müknyinshekhang kü vihei jen nyuhen.

EZEKIEL 20:14

Shejao ngei ngelei men kü, jatthü eeshi ngelei men netenhen shingvaishi, jomi eeshi ngei Israel am müei lüdaipü nangkü ngei ha nedükpeih.

EZEKIEL 20:9

Shejao ngei ngelei men kü, jom mü nyupü jatthüi eeshi ngelei men netenhühen, hatü jomi eeshi ngei jomphong Ijip leipü müei leihen shei nyinghütükpü nangkü ngei ha nedükpeih.

ISAIAH 43:25

Ngelei men kü ammei mang thitei yaktükpeyü Ngei, hapayü, Büpa hih, hatü ngei ammei mang hajük kü deih-ei nelepih.

MENVIH KESHO 94:14

Mehenangkü Shembüpai laophülei nanglak netuhphonghen; büpai laophülei mükjüp neyakphonghen.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

MATHI 11:26

Hih, Opa, hapayü nüngi mongpü hük nyuteke.

1 KORINT 4:7

Mih mü hayaoha kei am üpai lingpa? Ammi nedangpü kü angpü üpa nyüpa? Hatü ammi ha dangjü thintho hük nevaipü keiha mehekei ammi changmeinya?

2 SHÜPPÜKENGPÜ 15:2

Büpai Asa mü pongteinüng heih-ei, “Ngei epü banghümao, Asa, Judah hatü Benjamin am peü. Am Shembüpa mü nyupü thahshi büpayao am mü nyüke. Ammi büpa yemjema, ammi büpa danghen, shejao ammi büpa yaktükjema, büpaiyao am yaktükhen.

MÜLANGPÜ 32:12

Mehekei Ijip ami, ‘Jomü kahshangei jütükkemhen, hatü kahdok shak kübü li hümtükhen nangkü nemeipü küpjani müei deipeih’ shei ehühenang? Nüng mongshih anpü kübü, hatü nüngei nanglakthü kü shanghah koei peihen nyupü kübü mong leituh.

EPHESIA 1:6

Büpalei müknyinshekhang phahji hatü büpai bampü Ha kü jen kü ang kübü thintho shuohpü shingvaishi Kahvang men longshah.

JOHAN 15:16

Ammi ngei neje, shejao ngei amphong jepeih. Am daiyei betjük jükhen, hatü den kü nyuhen betjük jükhen shingvaishi ngei amphong jepeih; shejüang ngelei men kü ammi mehe mehe Opa kü yühenshang büpai ha am kü shuohhen.

MALAKI 1:2

Shembüpai enyüke, “Ngei am kü bamnyüpeih.” Shejao, “Nüngi ham kü mekei bamnya?” shei ammi enyüke. Esau-ü Jakobei chejei nevaipü je? shei Shembüpai enyüke. Halangmao ngei Jakob kü bam,

YOUNG LAI 5:20

Mehekei nüngi chemjalak kü ham betükpa? Mehekei nüngi nyih luangi ham yakphongpa?

JEREMIAH 14:7

Hamei mangi ham kü denpü shuohlangmao, Oh Shembüpa, nüngei men kü lemhük dükshih. Mehenangkü hamei mang ahshi longshi, hami nüng khüei mang thahteke.

ISAIAH 48:11

Ngei ngelei men kü ha düknyüpeih, mehekei ngelei men tentükhen? Ngelei müknyinshekhang ngei lebü kü neshuohhen.

ISAIAH 42:16

Ngei mükphüngpüthü jomi chemao nekampü lem kü mühen; Ngei jom touei vangnyakü vangngai leitükhen, hatü nemeipü lemthü lemnyeü meishi lingtükhen. Ngei dükhen dou-ü hathü, hatü ngei jom netuhphongpih.

ISAIAH 41:17

Mechem taopa hatü ne-angpüthüi yung yemhen, hatü ha nedangi yung lepai jomei üng üdaihenshang, Ngei, Shembüpai jom kü janghen, Ngei, Israel Kahvangi jom netuhphongpih.

ISAIAH 37:35

Mehenangkü ngelei men kü hatü ngelei chongphobü Davidei men kü ngei hapa chingnyü honglangtü yanghen”

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

2 ONGPATHÜ 21:14

Ngelei mükjüp yahhen aopü nanglakthüao yaktükhen, hatü jomei vepathülei lak kü shuohtükhen. Jomphongü jomei vepathülei lak kü aonghen, hatü jomei kahmük kübü lemphüli aetlanghen;

SHAHKÜP 31:17

Ha nyih ngei jom kü mongshihhen hatü jom yaktükhen; ngelei dhe jom toueipü jodaihen hatü jom mahtükhen. Shanghah longi jom kü peihen hatü hapa nyih ngei, jomei Kahvang, jom mü nenyupü nangkü hapa shanghah peipü khih shei nyinghen.

SHAHKÜP 9:5

Hapayü am changpüshapü hatü daülangpü kü hapa kahdok am kü shuohnyu nevai, shejao ha jatthüi mang thahpü nangkü, hatü ammei bühipa Abraham, Isak hatü Jakob hathü kü lahpü jiühühen nangkü Shembüpa, ammei Kahvangi jom changtükpeih.

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

ROM SHAHSHA APPÜ 11:1

Shejema ngei pheshah, Kahvangi laophülei nanglak yaktükpü je? Lanshei nevai! Ngeiyao Israel am, Abraham kübü li, Benjamin phang kübü nanglak hük.

SHAHKÜP 7:6

Mehenangkü amphongü Shembüpa, ammei Kahvang touei daülangpü nanglakthü nyüke. Shembüpa, ammei Kahvangi kahdok shak kü nyupü hangkuli peü mü amphongü büpalei lompü hayaoha nanglak vaihen jelangpeih.

SHAHKÜP 31:6

Am wongkoh monglongtuh. Ammi jom kü tenyem nevaijü tehan; mehenangkü Shembüpa, ammei Kahvang am mü daikahen; büpai am netuhphongpih.”

1 ONGPATHÜ 8:57

Shembüpa jenei Kahvang, jenei bühipa mü nyupü keiha jen mao nyukahen; büpai jen netuhphongpih nevaijü neyakphongpih.

SHAHKÜP 31:8

Shembüpa, büpa nyingi am shekü daihen hatü am mü nyuhen; büpai mechemao am netuhphonghen. Hanangkü am tenyem, tehan.”

2 ONGPATHÜ 14:27

Shembüpai vangsho phangkü Israel amei men thitei yaktükhen hih shei eyei nenyupü nangkü büpai Joashlei chepa Jeroboamei lak homei jom yangteke.

NEHEMIAH 9:17

jomi ven nedan, hatü jom touei yashanpü douthü dükpü peü betük, shejao jomei ngaümvang vaanei aa laphen kü Ijiplei nyokei leihen tem. Shejao nüngü mang tükpü, phahji yahyangpü, mongshih youngmü vampü, hatü bampü kü changshishashi nyupü Kahvang, hatü nüngi jom netuhphong.

ISAIAH 43:7

ngelei müknyinshekhang shingvaishi ngei lingpü, ngei shükpüthü, üam ngelei men kü nyük, hathü leishihtuh shei ehen.

ISAIAH 49:15

Hümlungnyüi laophülei amma kü jüppü naü be-aokhen je? hatü laophüi bühhahpü hapeü kü nebamhen je? Nyüi laophülei hapeü bebenüng paoh vailangmao ngei nüng nebetükpih.

ISAIAH 63:8

“Hingmei, jomü ngelei nanglakthü, jomi ngei kü ne-ühingphapih” shei Shembüpai enyüke, hatü büpayü jom Yangbü leiteke.

JEREMIAH 14:9

Mehekei nüngü ü-athamapü shennyak kei, veshan hük yanghen neaoki wong kemdaipükei nyunya? Nüngü ham mü nyüpeih, Oh Shembüpa, hamü nüngei nanglakthü, nüngi ham tetuhphong.