1 SAMUEL 12:2 - DAÜLANGPÜ LAIHING (BSI)

² Sheyü am mühen ammei ong hük nyüke. Sheyü ngeiyü viüei shosho pungdaiteke, hatü ngelei hapeüthü hammü am mü nyüke. Ngei hashih mebü shaang thahshi ammei mübü vaiyei heihteke.

1 SAMUEL 12:2 Referans Kwoze

1 SAMUEL 8:5

jomi büpa kü, “Nüng sheyü viüdaiteke, hatü anhanyi-i nüngei lem kü nekamnyu; hanangkü lebü jatthüi angpükei ham mühen shingvaishi ong hük jeshih” shei e.

1 SAMUEL 8:20

Shejüang hamao lebü jatthü keiha, ham müphahen hatü ham shekü daiyei vehok hokkahen” shei e.

1 SAMUEL 8:1

Mechem Samuel viüdaipa, büpai büpalei chehathü shahphenbüthü vaihen je.

1 SAMUEL 8:3

Shejao cheha nyi-i büpalei lem kü nekam. Jiji-i laophü shümoh meihen lem yemei dai, hatü yawhdou yah-ei shahhing ne-e-i shahphenteke.

BHEI-IE 27:17

jom she kü daihen hatü leihen, hatü Shembüpalei nanglakthü mi yombü neshiüpü mikhong kei nenyuhen shingvaishi jom müei daihen hatü müei leihen shennyak hük jeshih” shei eteke.

2 PETER 1:14

Sheyü ngei didaihen lomi ngoikahen shei ngei nyingnyüke, hatü hayü jenei Shembüpa Jisu Khristai lekei ngei kü ephütepih.

2 TIMOTI 4:6

Ngei shingvaishiyü jakpü moila yiü langpükei leidaiteke, hatü ngelei yangnyu lüdaihen hepak ngoiteke.

MENVIH KESHO 71:18

Ngoikahen denja pheiha kü nüngei nganhilong jung ngei mangbaong thahshi, ngei viüei shosho pungdaijao nüngi ngei teyakphongma, Oh Kahvang.

1 SAMUEL 3:16

Shejao Eli-i Samuel kü nyükei, “Ngelei hapeü Samuel!” shei nyük. Büpai, “Ngei hammü nyüpeih” shei e.

1 SAMUEL 3:13

Mehenangkü den shingvaishi ngei jomei shemong kü hanghi shuohhen shei ngei büpa kü etüktih, hatü hapa mangü büpai nyingei nyüpeih; mehenangkü büpalei cheha nyi-i Kahvang ne-ienelemi dükpeih hatü büpai ha kü tah shei ne-epeih.

1 SAMUEL 2:29

Nanglakthü kü yüpü jakpü moila hatü lebü moilathü kü mehekei hahnemei, hatü ngei kü dhüm shuohhen nangjeiyei Israel ami shuohpü moila kübü hean meipü üh-ei anhanyi kü-ang dhüm shuohnya?

1 SAMUEL 2:22

Shaang Eliyü longi viüei behe leidai. Büpalei cheha nyi-i Israel am peü kü nopü hatü ashakshem shadenei chongphopü nyühathü mü mükbongjuyung dükpü jung danteke.

1 SAMUEL 3:10

Shaang Shembüpa peiyei yaongtü sheleipü keiha, “Samuel! Samuel!” shei nyük. Hatü Samueli, “Eshih, nüngei chongphobüi bangnyüpeih” shei e.

JOSHUA 23:1

Hepak longi daipheikü Shembüpai Israel am kü jom shinei nyupü vepathü peü kübü nyiumei shuoh, hatü hahepak kü Joshuayü longi viüdaitü nyu,

JOSHUA 23:2

hatü büpai Israel am behethü, mübüthü, shahphenbüthü, hatü lakchongbüthü nyükei jom kü eteke, “Ngeiyü sheyü viüdai, hatü bong longi daiteke.