1 SAMUEL 11:1 - DAÜLANGPÜ LAIHING (BSI)

¹ Lenyang hük shing daiphei kü Ammon ongpa Nahash aongei Jabesh Gilead shüm, hatü Jabesh am nanglakthüi Nahash kü, “Chingmei lingshah, hatü hami am chongphoshah” shei e.

1 SAMUEL 11:1 Referans Kwoze

1 SAMUEL 12:12

Shejao mechem Ammon am Nahash ongpa am mü hokhen layaongpü eepa, ammi ngei kü, ‘Shembüpa, ammei Kahvangü ammei ongpa vailangmao ha tuhphongtü, ham kü ong hük yahshihnyuhen’ shei eteke.

EZEKIEL 17:13

Büpai ongpalei shem am hük yah-ei büpa mü vangpüshuwpü hük lingei büpai lahhü. Büpai shao kahmük kübü mübüthü müei lüdaiteke.

1 ONGPATHÜ 20:34

Ben-Hadadi büpa kü, “Opai ampa leipü aetpü jilathü peü ngei nyokei yahphahen hih, hatü opai Samarialei dükpükei nüngi Damaskalei hat aptuh” shei e. Israel ongpa Ahabi, “Hathü lahpü nangkü ngei nüng yangei leishihhen hih” shei e. Hanangkü Ahabi büpa mü hapa lahteitü leishihteke.

SHAHPHENBÜTHÜ 21:8

Hahepak kü jomphongi, “Mizpahlei Shembüpa touei thaishingkü neompü Israel jat khongkü nyüla?” shei phe. Hahepak kü jomphongi Jabesh-Gilead kübü üpayao shahthai shingei neomangpih shei nying.

KAHBHAO 26:28

Jomphongi büpa kü, “Shembüpa nüng mü nyüke shei hami veiaoknyüke; hanangkü jen aa kü vangteipü nyushah; hami nüng mü vangteishuwteipü lingshah,

JOB SHAHSHA APPÜ 41:4

Düngei nüng chongphobü leihen shingvaishi büpai nüng mü vangeishuwpü linghen je?

MÜLANGPÜ 23:32

Ammi jom hatü jomei kahvang mü vangpüshuwpü meheyao nelinghen.

ISAIAH 36:16

Hezekiah-i epü kü tebang. Assyria ongpai hapakei enyüke: Ngei mü chingmei lingtuh, hatü ngei touei peikei, shejüang peüi laophülei nyalingngupai kah leipü nyalingngupai, hatü adhajük hahhen, hatü laophülei yungkuk leipü yung yingaokhen.

SHAHPHENBÜTHÜ 10:7

büpai jom kü mongshih, hatü Philistia hatü Ammon ami jom neütük,

SHAHKÜP 23:3

Ammon am nevaijü Moab am nevaijü jomei hühihathü üpaiyao denshem an thahshi Shembüpalei nanglakthü khong kü omhen neaok.

1 SAMUEL 14:47

Sauli Israel kü ong vaipheikü büpai peü philemei vepathü mü hok: Moab, Ammon, Edom, Zobah ongpathü hatü Philistia am mü hok. Melemei büpa hokhen, büpai aokpü dang.

2 SAMUEL 10:1

Hepak kansho hük angpheikü Ammon ongpa didaitü büpalei cheha Hanuni büpa kü jeiyei ong vai.

2 SAMUEL 10:2

Davidi, “Chepa Nahash-i ngei kü bampü hupü keiha ngeiyao Nahashlei cheha Hanun mü bamteishi nyuhen hih” shei deih. Hanangkü Davidi chepa mü mekei bamteishi nyu, büpa mao bamteihen jung eyei phongmokbü hanei shom. Mechem Davidei phongmokbüthü Ammon kahdok ngoijapa,

2 SAMUEL 17:27

Mechem David Mahanaim ngoijapa, Ammon am Rabbah leipü Nahashlei cheha Shobi, Lodebar leipü Makirlei cheha Ammiel, hatü Rogelim leipü Gilead am Barzillai,

JEREMIAH 40:11

Mechem Moab, Ammon, Edom hatü lebü kahmükthü peü kübü Hebrew ami Babylon ongpai Judah kahdokei shennyak aoei tuhpüja, hatü jom kü governor vaihen Ahikamei cheha Gedaliah jepüja shei danpa,

JEREMIAH 40:14

büpa kü, “Nethaniahlei cheha Ishmael-ü nüng jühen shingvaishi Ammon amei ongpa Baalis-i shompü nenyingpü je?” shei e. Shejao Ahikamei cheha Gedaliah-i ha kü hingnelem.

SHAHPHENBÜTHÜ 11:4

Kanja hük angpheikü Ammon ami Israel am khüei hok.

2 SAMUEL 2:5

Davidi Jabesh-Gilead am touei phongmokbüthü shomei jomphong kü, “Ammi ammei ongpa Saul kü dhüm huei büpalei mahng vüpü nangkü Shembüpai am kü moihimantuh.

1 SHÜPPÜKENGPÜ 10:11

Mechem Jabesh-gileadei nyupüthüi Saul kü Philistia ami dükpü jung lemphü danpa,

1 SHÜPPÜKENGPÜ 10:12

jomei monglongpü veshanthü heih-ei Saul hatü chehathülei mahng Jabeshlei yahei leiteke. Hapheikü jomi hathülei mahng longkhampü phangei vüei tuh hatü nyih nyet shüaeiyungle.