1 SAMUEL 10:24 - DAÜLANGPÜ LAIHING (BSI)

²⁴ Samueli nanglakthü peü kü, “Shembüpai jepü shennyakü büpa hih. Nanglakthü peü khong kü büpa keipü üpayao neshiüpih” shei e. Hahepak kü nanglakthüi lenei, “Ongpa yangnyu shoshoshi nyutuh!” shei e.

1 SAMUEL 10:24 Referans Kwoze

1 ONGPATHÜ 1:39

Ngongpa Zadoki ashakshem mongeipü mainga shong yah-ei Solomon kü phuteke, hatü jomi amit vüngtü nanglakthü peüi, “Solomon ongpa yangnyu shoshoshi nyutuh!” shei len,

1 ONGPATHÜ 1:25

Shinnyih büpa yiüei mohohbaongthü, nitshüpü mohoh chehathü hatü mi longi yah-ei moila shuohteke, hatü büpai ongpathülei hapeüthü peü, veshan mübü Joab, hatü ngongpa Abiathar, hathü büpa touei hahyingei, ‘Adonijah ongpa yangnyu shoshotuh!’ shei enyüke.

2 SAMUEL 21:6

büpalei hapeüthü jom nyet hamei lak kü yahshih, hatü hami Shembüpalei kahshang Gibeonei Shembüpa touei jühen hih” shei e. Ongpai, “Ngei jom yepei yahphahen hih” shei e.

SHAHKÜP 17:15

Amphong shak kü ong vaihen jepü shennyakü Shembüpa, ammei Kahvangi jephopü shennyak vaihühen kentuh. Büpayü ammei jeihinaü khong kübü vaihen vongbong, shejao Israel am nevaipü kung shennyak hüki am shak kü ong tevaihü.

2 ONGPATHÜ 11:12

Hapheikü Jehoiada-i ongpalei ha Joash müei ngai, hatü büpa kü ong athen thenhütü büpai büpa kü vangpüshuwpü lai hük shuoh-ei ong vaihen je. Jomi büpa ong vaihen je, hatü, “Ongpa, yangnyu shoshoshi nyutuh!” shei lak apei len.

MATHI 21:9

Büpa shekü kampü hatü phei kü müpü khongi hapakei len: “Hosanna David Ha! Shembüpalei men kü peipüba moihiman! Peü mü shaopüba kü men longtuh.”

1 ONGPATHÜ 1:34

Halei ngongpa Zadok hatü Nathan thibü nyi homei büpa Israel kü ong vaihen thiteiphuei jetuh. Amit vüngtuh hatü, ‘Solomon ongpa yangnyu shoshoshi nyutuh!’ shei lentuh.

1 ONGPATHÜ 1:21

Hei nevaijema, ngelei shembü ongpa nüng didaipü mü chemi ngei hatü hapeü Solomon henjiyü nemeipü am heshap leitükhen khih’ ” shei e.

1 SAMUEL 9:2

Büpalei hapeü meni, Saul shei mentü longi nethe meishi nyu. Israel am khong kü büpa mü nyeishi nethe meipü shennyak hükao nenyu; büpayü lebü peü mü shao lushi nyu.

1 SAMUEL 12:1

Samueli Israel nanglak peü kü, “Ammi epü lemphü kü ngei bangtepih, hatü am kü ongao hük jeyei shuohtepih.

1 SAMUEL 12:13

Veituh, ammi naei phepü, ammi jehahpü ongpayü ha khih. Veituh, Shembüpai am kü ong hük shuohteke.

2 SAMUEL 16:16

Hahepak kü Ark am Davidei mongjempa Hushai-i Absalom touei peiyei, “Ongpa den lushi nyutuh! Ongpa den lushi nyutuh!” shei e.

2 SHÜPPÜKENGPÜ 23:11

Hapheikü büpai ongpalei cheha müei deiyei ong athen thenhü, hatü büpa kü vangpüshuwpü shuoh; jomi büpayü ongpa shei len hatü Jehoiada hatü chehathüi büpa thiteiphuei yah, hatü, “Ongpa yangnyu shoshoshi nyutuh!” shei len.

1 SAMUEL 11:15

Hanangkü nanglakthü kemei Gilgalei aongei Shembüpa touei Saul-ü ongpa shei jeteke. Halei jomi Shembüpa kü mongjempü moila shuoh, hatü halei Saul hatü nanglakthü longi mongongtei.