1 SAMUEL 10:23 - DAÜLANGPÜ LAIHING (BSI)

²³ Hanangkü jomphong mokei heih-ei Saul müei deiyei nanglakthü touei yaonghüjü büpayü mih peü mü shao lushi nyuteke.

1 SAMUEL 10:23 Referans Kwoze

1 SAMUEL 9:2

Büpalei hapeü meni, Saul shei mentü longi nethe meishi nyu. Israel am khong kü büpa mü nyeishi nethe meipü shennyak hükao nenyu; büpayü lebü peü mü shao lushi nyu.

1 SAMUEL 17:4

Hatü Gath am shennyak hükei meni Goliath Philistia amei baümtap mongeipü vam. Büpalei shao kü feet shü mü lakkham hük lushi nyu.

1 SAMUEL 16:7

Shejao Shembüpai Samuel kü, “Nüngi büpalei dhe nevaijü bümhishao meipü kü tevei; mehenangkü ngei büpa yaktüktih. Shembüpa ngeiyü hangkui veipükei neveinyih. Shennyaki shakdok kü veinyeih, shejao Shembüpa ngeiyü mongdang kü veinyeih shei e.”

KAHBHAO 3:24

Büpai hapa shennyak changtükpheikü yangnyu pü philei üpaiyao neheihhen shingvaishi heong philei cherubim hatü nyeleppü awlom vampü yanlu hük tuhphong.

1 SAMUEL 9:1

Benjamin am shemmeipa, shongnyü shennyak hükei meni, Kish shei nyu. Büpayü Benjamin am Aphiahlei cheha Bekorath, Bekorathlei cheha Zeror, Zerorlei cheha Abielei cheha nyuteke.