1 SAMUEL 10:1 - DAÜLANGPÜ LAIHING (BSI)

¹ Hahepak kü Samueli mainga shong yah-ei Saulei shangjing kü nyioei om kü jüptü, “Shembüpai nüng Israel nanglak shak kü vanglem lemhen jeteke” shei e. Nüngi Shembüpalei nanglak shak kü vanglem lemhen hatü nüngi peü lem kübü vepathülei lak kübü jomphong yanghen. Shembüpai nüng büpalei nanglak shak kü vanglem lemhen jepü nyangeihepü ha nyukahen.

1 SAMUEL 10:1 Referans Kwoze

1 SAMUEL 16:13

Hanangkü Samueli mainga shong yah-ei büpalei chejei ami eeshi mainga-i phuteke, hatü ha nyih mü pangei Shembüpalei laangha David kü pei. Hapheikü Samuel Ramahlei leidai.

MENVIH KESHO 78:71

büpai mi yomei nyupü kübü Jakob nanglak kü ong vaihen, Kahvang nanglakthülei mi yombü vaihen jepeih.

1 SAMUEL 9:16

“Ngenyih hapa hepak kü ngei Benjamin kahdok leipü shennyak hük shomphahen. Ngelei Israel nanglakthü shak kü vanglem lemhen thiteiphuei jetuh; büpai ngelei nanglakthü Philistia amei lak kübü yanghen. Ngei ngelei nanglakthü ponghahpü eetepih; mehenangkü jom theppü ngei ngoiteke” shei e.

MENVIH KESHO 2:12

Büpa mongshihpai nüng dailemei mahtükmang kü Chehalei la kü jüptuh; mehenangkü büpa mongshih lomi vamkahen. Büpa kü loipüthü peü moihiman.

PHONGSHANTHÜ DOU 13:21

Hapheikü nanglakthüi ong hük yüpeih, hatü Kahvangi Benjamin phang kübü Kishlei cheha Saul, ong vaihen shuohpeih, hatü büpai bong pinyi ong vaipeih.

1 SAMUEL 26:11

Shejao Shembüpai jepü shennyak kü lakhünghen Shembüpai nemongnyih. Shejoong büpalei shoshelei haongpü phung hatü yungshong yahtuh hatü daishah” shei e.

SHAHKÜP 32:9

Mehenangkü Shembüpalei heanü büpalei nanglakthü nyüke; Jakobü büpalei mükjüp nyüke.

2 ONGPATHÜ 20:5

“Nüng nyokei leituh, hatü ngelei nanglakthü mübü Hezekiah kü hei etuh, ‘Shembüpa, ambü Davidei Kahvangi hapakei enyüke: Nüngi phoppü ngei dantepih, hatü nüngei mükphi ngei eetepih; ngei nüng meihühen hih. Nyih jempabü kü nüngi Shembüpalei shemei aonghen.

2 ONGPATHÜ 9:1

Hahepak kü Elisha thibüi thibüthü khong kübü thibü hük nyükei büpa kü, “Shünglok loktuh, hatü hapa mainga shong yah-ei Ramoth-Gileadei daituh,

SHAKEI VAMPÜ 5:8

Mechem büpai laidü yahpa, yemmü nyupü yemha ali hatü behethü hapüali-i Mi Cheha touei aümei sha, hatü jom peüei harp, hon shung kü ayingshü maei shihtü nyu, hathüyü daülangpüthüi phoppü nyuteke.

HEBREW 2:10

Kahvang, üpa shing hatü üpa homei kahdoknyü nyunya, hapeüthü longi müknyinshekhang touei mühen shingvaishi jomei yemleipüba shangpong homei changhüshahühen jiüpü nyuteke.

1 THESALONIKA 5:26

Daülangpü om kü jüpteipai jeihinaü hatü nyahinaüthü peü kü selam shuohtuh.

HOSEA 13:2

Shaang jomi nyeinya mang thahnyüke; Jomi jom shing nyiam hatü ngin yah-ei jomei sholi kü peipükei jomei laki lajei lingnyüke. Hathü nanglakthüi, “Üami jakpü moila shuohnya, mohoh chehalei ju kü jüptuh” shei enyüke.

JEREMIAH 10:16

Jakob Kahvangü hathü kei nevai; mehenangkü büpayü lemphü Lingbü; büpalei mükjüp jat Israel amao omei Shembüpa Kahvangü büpalei men.

MENVIH KESHO 135:4

Mehenangkü Shembüpai Jakobü laophü shing, hatü Israelü büpalei lompü vaishi jelangteke.

1 ONGPATHÜ 19:18

Shejao Israel kü Baal kahvang kü aümei nekhümpü, hatü jomphongei jui hapa kü nejüppü jom haja nyet yangei tuhhen” shei e.

2 SAMUEL 19:39

Hapheikü David hatü nanglakthü peü Jordan homei lei. Ongpai Barzillai kü om kü jüptü moihimanshuoh, hatü büpa laophülei shemei leidai.

2 SAMUEL 5:2

Shelei Saul hamei ong vaipü hepak kü thepjulei Israel veshanthü müei daipeyü nüng hih. Shembüpai nüng kü Israel nanglakthü mi yomhenü nüng vaihen, Israel shak kü vanglem lemhenü nüng vaihen shei epeih” shei e.

1 SAMUEL 24:6

hatü büpalei shennyakthü kü “Ngelei shembü, Shembüpai jepü kü ngei hapakei dükhen, hatü ngei büpa khüei lak nohenü büpai nemongnyih; mehenangkü büpayü Shembüpai jepeih” shei e.

1 SAMUEL 13:14

shejao shaang nüngei ongching shenei nenyuhen; Shembüpai laophüi monghahpü shennyak hük yemteke, hatü Shembüpai laophülei nanglak shak kü vanglem lemhen büpa je; mehenangkü Shembüpai nüng kü epü shahkung nedükang” shei e.

1 SAMUEL 8:19

Shejao nanglakthüi Samueli epü kü nebangi, “Nevaipih! Hami ong hük nanyüpeih.

1 SAMUEL 8:9

Hanangkü shaang jomi epü kü bangtuh, shejao jom shak kü vanglem lemhen ongi jom kü mehe dükhen ha jom kü mongkü ponghen mü shahvüng yah-eishuoh” shei e.

1 SAMUEL 2:10

Üami Shembüpa khüei yaongnya lomohhen. Büpai jom khüei vangsho leipü vangmuk khunghen; Shembüpai kahdok junghijang ngoishi shahphenhen. Büpai laophülei ong kü wong shuohhen, hatü laophüi thiteiphuei jepü kü ngan shuohhen.

MÜLANGPÜ 30:23

“Vong meipü hathü douthü yahtuh: Vong büpü myrrh meli dok vok, vong büpü cinnamon meli dok jem, vong büpü cane meli dok jem,

1 SAMUEL 9:27

Jomphong chingjung ngoiyaki Samueli Saul kü, “Naü kü nüng shekü kamei nyemnyukününg eyeishuoh” shei e, hatü naü leidai, hatü Samueli, “Kahvang leipü shahjang ngei nüng kü ephanüng nüng kansho hük dankütuh” shei e.

1 SAMUEL 12:3

Ngei hammü nyüpeih. Ngei lemhük dangkao pungei dükei nyujema Shembüpa, hatü büpai jepü ongpa touei ngei khüei denpü shuohtuh. Ngei üamei mohoh nevaijü gadu dangkao yahlangphüla? Nevaijü ngei üam kü lueilemei nevaijü ühingei nyüpa? Üpalei lak kübü ngei yawhdou yahpai ngelei mük phüngei nyüpa? Ngei hathü hük dangkao dükei nyujema shemhen” shei e.

1 SAMUEL 15:1

Samueli Saul kü, “Büpalei Israel nanglakthü shak kü nüng ong vaihühen thiteiphuei jehen Shembüpai ngei shompeih; hanangkü shaang SHEMBÜPAleipü shah bangtuh.

1 SAMUEL 16:1

Shembüpai Samuel kü, “Ngei Saul Israel amei ong hean kübü yaktükpheikü nüngi meshük lushi büpa nangkü thepeiyoungei nyuhenang? Nüngi shong kü olive mainga maei shihtuh hatü Bethlehem am Jesse touei ngei nüng shomhen; mehenangkü büpalei hapeüthü khongkü ong vaihen hük ngei jepeih” shei e.

1 SAMUEL 26:9

Shejao Davidi Abishai kü, “Büpa tejü; üpai Shembüpai jepü ong kü lak hethenshang, büpa pungpü nevaihen je?” shei e.

2 SAMUEL 1:14

Davidi büpa kü, “Shembüpai jepü shennyak hük kü lak shihhen nüng nenyemang je?” shei e,

1 ONGPATHÜ 1:34

Halei ngongpa Zadok hatü Nathan thibü nyi homei büpa Israel kü ong vaihen thiteiphuei jetuh. Amit vüngtuh hatü, ‘Solomon ongpa yangnyu shoshoshi nyutuh!’ shei lentuh.

EZEKIEL 16:13

Hanangkü am kü hon hi ngin mon owhüpeih; ammei ashakvihayü nyemin ashak, hoipü ashak hatü laongnyim ashak mon ümhüpeih. Ammei hahyingü atta, nyahjiü hatü mainga nyuhampeih. Amü longi nela meishi onglanyü vaihen den ngoishi longpeih.

1 SAMUEL 15:17

Samueli, “Nüngi laophü nyingi dangkao maanpü am shei nyingjao nüng Israel kü shangjing neleihüangpü je? Shembüpai nüng Israel amei ong vaihen jepeih.

2 SAMUEL 20:19

“Ngeiyü Israel kü chingmei, hatü shahhing kü bampü khongkü hük hih; nüngi Israel kü nyü vaipü chingnyü hük mangtüknüng khenyu je? Mehekei nüngi Shembüpalei mükjüp lühtüknüng khenya?” shei e.

2 ONGPATHÜ 9:12

Jomi, “Hayü shahshem khih. Ham kao eshih!” shei e. Büpai ngei kü, “Shembüpai hapakei enyüke: Nüngü Israel kü ong vaihen jepü khih” shei ephopeih.