1 SAMUEL 1:26 - DAÜLANGPÜ LAIHING (BSI)

²⁶ Pinnyüi büpa kü, “Oh ngelei shembü, nüng touei yaongtü phopei nyupü nyühayü ngei hih, nüngi deihnyüla? shei phe.

1 SAMUEL 1:26 Referans Kwoze

2 ONGPATHÜ 4:30

Hahepak kü naüei chenyüi, “Vanyangyem Shembüpalei men kü hatü nüng kü vangei enyeih, ngei nüng tuhtü neleipih” shei e. Hanangkü büpa layaongei pinnyü phei müei lei.

2 ONGPATHÜ 2:6

Hapheikü Elijah-i Elisha kü, “Nüng hatouei chongkei, Shembüpai ngei Jordanei deishihnyu khih” shei e. Shejao Elisha-i, “Vanyangyem Shembüpa, hatü nüngei men kü enyeih, ngei nüng netuhphongpih” shei e. Hanangkü jiji chemi dai.

2 ONGPATHÜ 2:4

Hapheikü Elijah-i büpa kü, “Nüng hatouei chongkei, Shembüpai ngei Jerikolei deishihnyu khih” shei e. Shejao Elisha-i, “Vanyangyem Shembüpa, hatü nüngei men kü ngei enyeih, ngei nüng netuhphongpih” shei e. Hanangkü jiji chemi Jerikolei yiü.

2 ONGPATHÜ 2:2

Elijah-i Elisha kü, “Nüng hatouei chongkei; mehenangkü Shembüpai ngei Bethelei deishihnyu khih” shei e. Shejao Elisha-i, “Vanyangyem Shembüpa, hatü nüngei men kü enyeih, ngei nüng netuhphongpih” shei e. Hanangkü jiji chemi Bethelei yiü.

2 SAMUEL 11:11

Uriah-i David kü, “Vangpüshuwpü Pela, Israel hatü Judah am kemei ashakshemei nyüke, hatü ngelei mübü Joab hatü ngelei shembülei chongphobüthü kemei koshoyalei baümtap vetü nyüke. Mekei etü ngei shemei leiyei hah-ei yingei shembünyü mü paümhenang? Nüng yemmü nyupü thahshi hatü nüngei laangha nyupü thahshi ngei hapakei mechemao nedükpih” shei e.

1 SAMUEL 20:3

Shejao Davidi lah-ei, “Nüngi meshük ngei kü kennya ha ampai nyingei nyüke, hatü büpai, ‘Jonathan kü ha nenyinghüpih, hei nevaijema büpa hanghihen’ shei deihnyüke. Shejao vanyangyem Shembüpalei men kü, hatü nüng yemmü nyupü thahshi ngei hatü dihen nyi aa kü lakham hük mon nyüke” shei e.

1 SAMUEL 17:55

Davidi Goliath mü hoknüng lüdaipü eeyei Sauli büpalei veshan mübü Abner kü, “Hapa naü üpalei cheha ang?” shei phe. Abneri, “Oh ongpa, ngei nenyingang” shei e.

2 SAMUEL 14:19

Ongpai, “Hathü shahhidou kü Joabei ju shüei nyüpü hiang?” shei phe. Hapa nyühai jangei, “Ngelei shembü ongpa yemmü nyupü thahshi ngelei shembü ongpai epü kübü üpayao nyonghidah kü lepteihen neaokpih. Hih, hapayü nüngei chongphobü Joabi hapa dükhen ephopeih hatü büpai-üng ngei mehe ehen kemei ephopeih.

KAHBHAO 42:15

“Amphong keyü hapakei dokhen: Ongpalei men kü ngei vangei enyeih; amphongei naüshompa hatouei mangyiü thahshi amphong haleipü neleihen.

1 SAMUEL 25:26

“Hanangkü shaang ngelei shembü, nüngei laki bhüh yemei iy yenhen kübü Shembüpai shoungei tuhpü khih. Nüngei vepathü üami nüng kü nemeipü dükhen yemnya, jomphongao Nabal kei hanghihen.

1 SHÜPPÜKENGPÜ 4:10

Jabez-i Israel Kahvang kü, “Oh Kahvang, nüngi ngei kü moihimanshih hatü ngelei kahmük viong dahüshih! Nüngei laklu wong longpü ngei mü chongkei hatü ngei shanghah vongshüh peü kübü nüngi yangshih!” shei phop, hatü büpai mehe yiü, ha Kahvangi büpa kü shuoh.