1 SAMUEL 1:23 - DAÜLANGPÜ LAIHING (BSI)

²³ Elkanah-i chenyüha kü, “Nüng kü meipükei düktuh. Naü dhong mangli thahshi shemei nyutuh; Shembüpai nüngi lahpü nyemjiühüma” shei e. Hanangkü Hannah shemei nyu, hatü naü manglong thahshi jungteke.

1 SAMUEL 1:23 Referans Kwoze

2 SAMUEL 7:25

Shaang, Oh Shembüpa Kahvang, nüngi nüngei chongphobü hatü büpalei shemong nang nüngi lah-ei epü keiha den kü hapa jiühütuh.

LUK SHAHSHA APPÜ 11:27

Mechem Jisui ha eyei nyupa, khong leipü nyüha hük ngeü vamei büpa kü, “Nüng kopü naü uoshing hatü nüngi yingpü amma moihimantuh” shei e.

MATHI 24:19

Hathü nyih kü büm nekongi nyupü hatü naüja nyupü nyüthü onyükei!

ISAIAH 44:26

Shejao mechem ngelei chongphobüi teteivanei ehen, mechem ngelei küpjan shakei vamhühen shingvaishi ngelei chongphobü shomhen, Ngei hathü tetshahvanshah hatü küpjanthü jiühünyeih. Shennyakthü shao chingchingei nyuhen shei ngei Jerusalem kü enyeih, hatü Judah chingnyüthüao shao ne-ei leiyei linghen, hatü beneilangei nyupü shao ngei lingei leihen.

MENVIH KESHO 22:9

Shejao nüngi ngei vom mongeipü ngaiteke; ngei onyülei amma yingei nyushiyao nüngi ngei yangei tuhteke.

1 SAMUEL 1:17

Hahepak kü Eli-i, “Nyiushemmei kü shemei leituh, hatü Israel Kahvangi mehe shingvaishi nüngi büpa kü phe, ha nüng kü yahphahen” shei e.

BHEI-IE 30:12

Shejao pinnyülei chepahai pinnyüi lahpü danei hapa dükhen nemongjema, pinnyüi hapa dükhen napü neshiü. Chepahai hapa lahpü dükhen nemongpü nangkü Shembüpai ha shingvaishi pinnyü kü mang tükhen.

1 SAMUEL 14:36

Hapheikü Sauli, “Jeni Philistia am touei nyak kü yiüshah, hatü jomei mophimo kemei yahshah, hatü hükao yemmü netuh-i ngenep dhom thahshi jüshah” shei e. Jomi, “Nüng kü meipükei dükshah” shei e. Shejao ngongpai, “Jeni shongei Kahvang kü pheshah” shei e.

1 SAMUEL 14:40

Hahepak kü Sauli Israel am peü kü, “Am antolei yaongshi chongkei, hatü Jonathan henji hamü yaonghen hih” shei e. Jomi, “Nüng kü meipükei düktuh” shei e.

1 ONGPATHÜ 3:21

Nepnüng paoei ngelei naü kü amma yingnüng veishuohjü naü didaitü chongküpeih. Shejao mechem ngei naü kü nepnüng vangngai kü hingei veipa, hapa naü-ü ngei bühpü naü nevai-i chongküpeih” shei e.