1 SAMUEL 1:18 - DAÜLANGPÜ LAIHING (BSI)

¹⁸ Pinnyüi, “Nüng chongphobüi nüng touei phahji nyemdangma” shei e. Hapheikü pinnyü shemei leiyei hahying, hatü hajük kü pinnyü mongshang dhe nekoh-i nyu.

1 SAMUEL 1:18 Referans Kwoze

RUTH 2:13

“Nüngi ngei kü longi bampü huteke, ngelei shembü” shei pinnyüi e. “Nüngi ngei nyiushem meihü hatü ngei nüng chongphopü nelathü mü hükkeipü nevaijao nüngi ngei mü inyainyiami bampai eteke.”

ROM SHAHSHA APPÜ 15:13

Ammi büpa kü hinglempai monglempü Kahvangi am kü mongong hatü chingmei-i am mahühen, shejüang Laangha Daülangpü ngani am kü monglempü aüh-ei yenhühen.

CHONGVENBÜ 9:7

Daituh, mongongshi hahying hahtuh, hatü mongongshi yingtuh; mehenangkü nüngi mehe düknya, Kahvangi shelei mebü mongpü nyüpeih.

JOHAN 16:24

Shaang thahshi ammi ngelei men kü meheyao mangyü. Ammei mongong changhühen shingvaishi ammi yütuh hatü ha danghen.

KAHBHAO 33:15

Hanangkü Esau-i, “Shejema ngelei shennyak hanei nüng mü tuhphapeih” shei e. Shejao büpai, “Mehekei nüngi ngei kü hajük shinshangei deihnya?” shei e.

KAHBHAO 33:8

Esau-i, “Ngei heüpü khongü meheang?” shei e. Jakobi, “Hathüyü nüngi phahjiyei nyemdeihpha shei shuohpeih” shei e.

KAHBHAO 32:5

ngei mohoh, gadu, mi, nyüha hatü baha aathü longi nyüpeih, hatü ngei ngelei shembü touei nüngi shinshangei nyemdeihpha shei hapa ehen shompeih’ ” shei ehen eteke.

KAHBHAO 32:6

Phongmokbüthü Jakob touei leiyei, “Hamphong anjei Esau touei peitih hatü büpa mü shennyak kho ali mütü nüng mü pongteinüng heihkünyüke” shei e.

RUTH 2:2

Nyih hük Moab am Ruth-i Naomi kü, “Üami ngei kü shinshangei deihphahenshang ngei jomei kahlei shaei hahdhei yemei aongküpeih” shei e. Naomi-i pinnyü kü, “Lamei, shatuh” shei e.

MENVIH KESHO 34:6

Taopai nyük, hatü Shembüpai büpai nyükpü dan; büpai shanghah peü kübü büpa yang.