1 PETER 5:4 - DAÜLANGPÜ LAIHING (BSI)

⁴ Mechem Mi yombü Longpü peihen, mechemao chang neleihen müknyinshekhang athen danghen.

1 PETER 5:4 Referans Kwoze

JAKOB 1:12

Dokpü peishingkü üpai hinglemei nyu, büpa moihiman. Hapa keipü dokpü kü aokpü shennyak kü Shembüpai büpa kü bampüthü kü shuohhen lahpü yangnyu athen shuohhen.

1 KORINT 9:25

Ngapüthüi longi ungei-aeiyei nyuh-ei mannyüpeih; jomi hapayü mahdaihen chüyük danghen shingvaishi düknyüpeih, shejao jenü nemahbenüng hük danghen shingvaishi düknyüpeih.

1 JOHAN 3:2

Bampü küphüthü, shaang jenphongü Kahvangei hapeüthü nyüke; hatü jen mehe vaihen shao-üng shakei mangvam. Jeni nyingpeyü ha khih: mechem büpa shakei vamhenshang, jenphongü büpa kei nyuhen; mehenangkü büpa mekei nyu, hapakei jeni büpa eehen.

2 TIMOTI 4:8

Shaang mü leitü ngei shingvaishi daülangshemshepü ong athen hük shahhing shahphenpü Shembüpai hapa nyih ngei kü shuohhen temei nyüke, hatü hayü ngei kü mon nevai, shejao büpa yiükahen ongyangei danpüthü peü kü shuohhen.

1 PETER 1:4

hatü nemahnemenpü, nesheihpü, hatü nekaupü mükjüp hük am shing vangsholei jaoshi nyüke;

SHAKEI VAMPÜ 3:11

Ngei lomi peikünyeih, hatü ammi ammei lakei mehe nyu ha kü wongshongi shümtuh, shejüang üpaiyao ammei athen neyahlanghen.

SHAKEI VAMPÜ 2:10

Am mepa shangponghen nyu, ha kü tenyem. Am kü dokhen shingvaishi kahshih-i am hanei yah-ei khoklatei shükhen mü nyüke lituh, hatü nyih an shing am shangponghen. Dipü thahshi hinglemtuh, hatü ngei am kü yangnyu athen shuohhen.

1 PETER 2:25

Mehenangkü amphongü mi keiha lemnyongei daiyei nyuteke, shejao shaang mi yombü hatü ammei laangha yombü touei nyokei leiteke.

DANIEL 12:3

Kenhingpüthü vangsho nyangnyangpükei nyahen hatü üami mih longi daülangshemshepü touei müei lei, hathüyü denden kü lithathü kei nyaahen.

ISAIAH 40:11

Mi yombü hük keiha büpai laophülei mi haümnyeih; büpai mi chehathü laophülei laki mongdang kukei deiyei paümnyeih; Büpai mi chenyüthü youngmü atei leinyüpeih.

1 PETER 5:2

Am kü yomhen tuhpü Kahvangei mikhong kü veiyei haümtuh; hapayü kangeishungei nevai, shejao Kahvangi dükhahhüpükei monghumpai düktuh; lop kü kenei nevai, shejao chongphohüei chongphotuh.

HEBREW 13:20

Shaang chingmei Kahvang üpai jenei Jisu Khrista, Mi yombü longpü, nedohnetenpü vangpüshuwpü iy homei dipü kübü yangei leishih,

EZEKIEL 37:24

Ngei chongphobü David keipü ong hüki jom kü ong vaihühen, hatü jom peü shak kü mi yombü hük mon nyuhen. Jomi ngelei shahkungnyü phei mühen, hatü ngelei vanglemthü kenhingei noteihen.

MENVIH KESHO 23:1

Ngeiyü mi, Shembüpayü mi yombü; Ngei mepaiyao netaohen.

ZEKHARIAH 13:7

“Paotuh, Oh yanlu, ngelei dou dükpü mi yombüthü khüei” shei Jeiyong Shembüpai enyüke. Mi yombü kü bheituh, hatü mithü nyaidaiphahen; Ngei ngelei lak nanglakthü khüei nohen.

SHAKEI VAMPÜ 1:7

Veituh, büpa phum mü yiükünyüke; peüei müki büpa eehen; büpa kü phungi hümpüthüi dangkao eehen; hatü büpa tata kü kahdoknyü jatthü peü mahng thephen. Hapa keiha ha nyuhen! Amen.

JOHAN 10:11

Ngeiyü mi yombü meipü. Mi yombü meipai mithü shingvaishi laophülei yangnyu lanei shuohnyeih.

EZEKIEL 34:23

Ngei jom shak kü mi yombü hük, ngei chongphobü David tuhhen, büpai jom kü ühyinghen hatü büpa jomei mi yombü vaihen.