1 PETER 5:1 - DAÜLANGPÜ LAIHING (BSI)

¹ Shaang ngei behe hük hatü Khrista shangpongpü kü denbü hük keiha hatü shakei vamkahen müknyinshekhang kü hean yahbü hük keiha, ngei am khong kübü behethü kü mongnang thongnyeih.

1 PETER 5:1 Referans Kwoze

LUK SHAHSHA APPÜ 24:48

Amphongü hathü jung denbüthü.

SHAKEI VAMPÜ 1:9

Ngei, Johan, Jisu nangkü shüveipü hatü ongching hatü munenpü kü am mü hean yahpü ammei jeihinaü, Kahvangei shah hatü Jisu jung denpü nangkü Patmos shei epü shübaongei nyuteke.

2 JOHAN 1:1

Behe leipü jelangpü nyüha hatü pinnyülei hapeüthü touei: Am kü ngei hatü ngei mon nevai shahhing nyingpüthü peüi shahhing kü bamnyeih;

1 PETER 5:4

Mechem Mi yombü Longpü peihen, mechemao chang neleihen müknyinshekhang athen danghen.

1 JOHAN 3:2

Bampü küphüthü, shaang jenphongü Kahvangei hapeüthü nyüke; hatü jen mehe vaihen shao-üng shakei mangvam. Jeni nyingpeyü ha khih: mechem büpa shakei vamhenshang, jenphongü büpa kei nyuhen; mehenangkü büpa mekei nyu, hapakei jeni büpa eehen.

1 PETER 1:7

Honü mahdaihen dou vaijao awi doknyüpeih. Am hinglempeyü hon mao nyeinya douvang vaipü nangkü mechem Jisu Khrista shakei vamhen, menvih, müknyinshekhang, hatü dhüm kohshi eehen shingvaishi kentuh.

PHONGSHANTHÜ DOU 14:23

Jiji-i attoi ieyei kü jom shing behethü jepheikü phoppü hatü shüaeiyunglepai vaipüthü Shembüpa kü lanei shuoh.

PHONGSHANTHÜ DOU 11:30

jomi hayü Barnabas hatü Saul nyi mü shomei attoi behethü kü dükteke.

1 PETER 1:12

Thihivamthüi jom shing chongphonyu nevai, shejao vangsho leipü shompü Laangha Daülangpai am kü shahjangmei chongvenpü ami am kü shaang ephopü douthü jung epai jomi am chongphoteke. Hathü dou vangsho phongshanthüi dangkao veihen ongyangnyüke.

PHILEMON 1:9

ngei bampü kü laphentü nüng kü khümei enyeih– hatü ngei, Pauli hapayü pajei hük leshi hatü Khrista Jisu kü khoklatei küppü hük keiha enyeih.

TITUS 1:5

Hanangkü dükhen aopü douthü shüpeikenghen hatü ngei epükei jila peüei behethü jehen shingvaishi ngei nüngü Cretelei tuhphongpeih:

2 TIMOTI 4:8

Shaang mü leitü ngei shingvaishi daülangshemshepü ong athen hük shahhing shahphenpü Shembüpai hapa nyih ngei kü shuohhen temei nyüke, hatü hayü ngei kü mon nevai, shejao büpa yiükahen ongyangei danpüthü peü kü shuohhen.

1 TIMOTI 5:19

Denpü nyi jem nenyupheikü behe hük khüei nyonghühen teyaong.

1 TIMOTI 5:1

Nüngi behe kü shahwong te-e, shejao nüngi ampa kü kei etuh, hatü naü-eethü kü jeihinaü kü kei,

PHILIPPI 1:19

mehenangkü ammi phoppü hatü Jisu Khristalei Laanghai sheühpü homei ngei mehe ponghah, ha kübü yanghen shei ngei nying.

2 KORINT 5:1

Jen nyupü kahdoknyü leipü ashakshem tendaijema, laki nevepü Kahvang leipü shem hük vangsholei den kü nyüpeih shei jeni nyingei nyüke.

PHONGSHANTHÜ DOU 21:18

Nyihphei Pauli Jakob thümnüng dai, hatü behethü peü omshi nyu.

PHONGSHANTHÜ DOU 20:28

Am laophü nyingi hatü Laangha Daülangpai amphong veibü vaihen tuhpü mithü peü thaeimaei yomtuh; laophülei Halei iy homei shakei tuhpü Kahvangei attoi kü mi yomtuh.

PHONGSHANTHÜ DOU 20:17

Miletus leipü büpai Ephesia leipü attoi behethü kü büpa mü pongtuh shei shah shom.

PHONGSHANTHÜ DOU 15:6

Phongshanthü hatü behethü chemi ha jung eteihen thai.

PHONGSHANTHÜ DOU 15:4

Mechem jom Jerusalem ngoijapa, attoi am, phongshanthü hatü behethüi jom mongongshi yah, hatü Kahvangi jom kü dükpü shah-om peü shuoh.

PHONGSHANTHÜ DOU 2:32

Kahvangi hapa Jisu yangei leishih, hatü hamphong peü hapa shahhing denbüthü hih.

PHONGSHANTHÜ DOU 1:22

Johani baptükpü kübü pangei jen toueipü büpa manganlangpü nyih thahshi nyupü shennyak hük jehen vongbong khih. Mehenangkü hathü khongkü jepü hükü jenphong mü büpa yangei leipü kü denbü vaihen vongbong” shei Peteri eteke.

PHONGSHANTHÜ DOU 1:8

Shejao mechem Laangha Daülangpü am kü peikahen, ammi ngan yahhen, hatü amphongü Jerusalem, Judea hatü Samaria peü kü hatü kahdoknyü dohpü ngoishi ngelei denbüthü vaihen.”

2 KORINT 5:8

Hih, ham monglempü nyüpeih, hatü hapa büm kübü yanei daiyei Shembüpa mü shemei nyuhenang lümei deihnyüke.

PHONGSHANTHÜ DOU 3:15

hatü ammi yangnyu Lingbü jütükpeih, shejao Kahvangi büpa yangei leishihpeih.

HEBREW 12:1

Hanangkü jen shinei denbüthü khong longpü nyupü nangkü jen kü lem bangpü lemphü hatü jen kü yeppü mang peü yaktükshah, hatü jen sheshalei mokhen nyupü lemshong kü mong shuoh-ei mokshah.

1 PETER 4:13

Shejao Khrista shangpongpü kü hean yahnyeih shei deihpai mongmeituh; shejüang büpalei müknyinshekhang shakei vamshingkü am mongmeihen hatü mongongpai lenhen.

3 JOHAN 1:1

Behe-i shahhing kü bampü Gaius touei.