1 PETER 4:2 - DAÜLANGPÜ LAIHING (BSI)

² Shaang mü leitü ammei aopü kahdoknyü yangnyu-ü hangkui lümpü kü nevai, shejao Kahvangi mongpü kü nyutuh.

1 PETER 4:2 Referans Kwoze

1 PETER 1:14

Ven danpü hashihthü keiha nenyingi shelei am kü nyupü ten yahhahhüpü kü tevukdai.

EPHESIA 6:6

ammi hayü jomi veipü hepak kü jomi mong hahhühen shingvaishi nevai, shejao Khristalei aa leshi mongdang leipü vamei Kahvangi mongpü düktuh.

ROM SHAHSHA APPÜ 6:11

Hanangkü ammiyao mang kü didaishuohpeih hatü Khrista Jisu kü Kahvang kü yemmü nyüpeih shei deihhen vongbong.

2 KORINT 5:15

Üam yemmü nyu, hajük kü laophü shing nenyuhen, shejao üpa di hatü jom peü shing yangei lei, büpa nangkü nyuhen shingvaishi büpa peü shing diteke.

EPHESIA 2:3

Chem jen peüi phai-i mongpü aimü jom mü nyuei, phai hatü mongi vaüpü phei müei nyu, hatü jenphongü nyingnyoi kü-üng Kahvang mongshih ponghahhen hapeüthü nyuteke.

ROM SHAHSHA APPÜ 6:2

Lanshei nevai! Mekei etü jeni mang kü didaishuoh pheikü jeni ha kü nedoh-i nyuei daihen?

EPHESIA 4:17

Shaang ngei Shembüpalei men kü ha kangei enyeih: am hajük kü Kung am nyupükei yahlak neshiüpü chudeih mongdang jüktü tenyu.

ROM SHAHSHA APPÜ 14:7

Jen nyingi jen shing nenyunyih, hatü jen nyingi jen shing nedinyih.

1 PETER 2:1

Hanangkü am kübü ten dükpü, lueilempü, akhümmong-üm, mükhühpü, hatü ten epü lemphü tuhphongtuh,

MENVIH KESHO 143:10

Nüngi mongpü dükhen nyuhshih; mehenangkü nüngü ngelei Kahvang. Nüngei laangha meipai ngei lemmei kü mülangtuh.

JOHAN 7:17

Üpai Kahvangi mongpü dükhen shei mongei nyu, büpai hapayü Kahvang leipü hi ngei nyingkü deihtü ehahnya nyinghen hih.

MARK 7:21

Mehenangkü shennyakei mongeipü ten deihpü, iyjeiphaileipü, gühpü, jüteipü,

MARK 3:35

Üami Opai mongpü düknya, hathüyü ngelei jeihinaü, nyahinaü hatü nyü hih” shei e.

HOSEA 6:7

Shejao Adami keiha, jomi vangtükpü mangtük, halei jomi ngei kü hingnelem.

1 JOHAN 2:17

Kahdoknyü hatü hapai yahhahhüpü peihdainyüke, shejao Kahvangi mongpü dükpüthü den kü nyunyeih.

JAKOB 1:18

Jenphong büpai lingpü peü mü shongpü betjük leihen shingvaishi büpalei mükhong jiühüei büpai jen shahhing shah-i bühpeih.

HEBREW 13:21

büpai am mei lemphü kü büpai mongpü dükhen changhüshahühen, shejüang Jisu Khrista homei büpai mong hahbenüng büpai jen homei dükhen, büpa kü den den kü müknyinshekhang vaituh. Amen.

1 THESALONIKA 5:18

hepak vangpan peü kü menvih shuohtuh; mehenangkü hayü am shingvaishi Khrista Jisu kü Kahvangi mongpü nyüke.

KOLOSI 1:9

Ha vaipü nangkü hami ha danpü nyih kübü hami am shingvaishi laangha kihikon hatü nyingpühingpü peü kü Kahvangi mongpü nyingpühingpai am mahen nangkü yüei phoppü nedohnyih.

EPHESIA 5:17

Hanangkü am ngashi tenyu, shejao Shembüpai mongpü mehe, ha nyingtuh.

ROM SHAHSHA APPÜ 12:2

Ammi hapa kahdoknyü kü tevukdai shejao ammei mong ja leipai jeilei yeiyatuh, shejüang Kahvangi mehe mong, mehe mei, mehe yah-aokbenüng hatü changpüshapü nyüpa, ha baong hanei nyingaokhen.

ROM SHAHSHA APPÜ 7:4

Ha aimü ngelei küphüthü, shahkungnyü nang keyü Khristalei büm homei amphong didaishuohteke; mehenangkü amphongü Khristalei büm kü phaihan hük nyüke, hatü jen Kahvang shingvaishi betjük jükhen nangkü amphong lebü hük, dipü kübü yangei leipübalei lompü nyüke.

JOHAN 1:13

Jomphongü iy nevaijü phai-i mongpü nevaijü hangku-i mongpü kü bühpü nevai, shejao Kahvangi bühpüthü.

MATHI 21:31

Henyi aa kü üpai chepai mongpü dükpa? Jomphongi, “Hashongpai” shei e. Jisui jomphong kü, “Hingmei ngei am kü enyeih, lat thaipüthü hatü büm yupüthü am shekü vangsho ongchingei shüdainyüke.

MATHI 12:50

Mehenangkü üami vangsholei nyupü Opa-i mongpü düknya, jomphongü ngelei jeihinaü, nyahinaü hatü nyü” shei eteke.

MATHI 7:21

Ngei kü, “Shembüpa, Shembüpa” shei nyükpü peüi vangsho chingei neshüaokpih, shejao vangsholei nyupü Opai mongpü dükpü shennyak mon shüaokhen.

KOLOSI 4:12

Amphong khong kübü Jisu Khrista chongphopü Epaphras-i selamja. Am behe leiyei Kahvangi mongpü lemphü meishi mongkü ponghen shingvaishi am nangkü büpai düngei phopnyanyüke.

KOLOSI 3:3

mehenangkü am diteke, hatü ammei yangnyu-ü Khrista mü Kahvang kü joshi nyüke.

MATHI 20:4

hatü büpai jomphong kü, “Amphongao ngelei nyalingngupai kahlei shatuh, hatü am kao jiüpü aimü nanglat shuohhen” shei e. Hanangkü jomphongao shateke.