1 PETER 4:18 - DAÜLANGPÜ LAIHING (BSI)

¹⁸ Laihingi ha enyüke: “Daülangpüthü dangkao yanghen wongjema, Kahvang nenyingpü mangthü mehe leihen?”

1 PETER 4:18 Referans Kwoze

KANDOK 11:31

Kahdoknyülei daülangpüthüi jomei lat dangjema, Kahvang nenyingpü mangthüi mekei etü hanghi nedanghen.

EZEKIEL 18:24

Shejao mechem daülangpü shennyak hük mang lemei nyokei daiyei mang thah-ei mangthüi dükpü jiühitnalai douthü dükei daihenshang, hapa shennyak yemmü nyuaokhen je? Hapa shennyaki dükpü daülangpü dou hükao deih-ei nedangpih; mehenangkü hapa shennyaki hingnelempü hatü büpai thahpü mangthü nangkü büpa dihen.

LUK SHAHSHA APPÜ 23:31

Mehenangkü jomi püthüng kü ha dükjema, püdi kü mehe dükhen?”

JUD SHAHSHA APPÜ 1:15

büpai Kahvang nenyingpü lem kü Kahvang nenyingpü dou dükpüthü peü kü, hatü Kahvang nenyingpü mangthüi büpa khüei epü shahlong peü kü shahphenhen.”

1 KORINT 10:12

Hanangkü am wong kohshi yaongshi nyüpeih shei deihjema, am nedohen thashimashi nyutuh.

ROM SHAHSHA APPÜ 1:18

Mehenangkü Kahvang nenyingpü hatü mangthü üami jomei mang homei shahhing bangtük, hathü khüei vangsho leipü Kahvang mongshih shakei vamteke.

PHONGSHANTHÜ DOU 14:22

Halei jiji-i vaipüthülei laangha wong kohhü, hatü “Shüveidoidei longi homei jen Kahvang ongchingei shüaokhen” shei vaipü kü nedoh-i nyuhen nangthongei e.

2 PETER 3:7

Shejao hapa aihük shah-i shaangpü vangsho hatü kahdoknyü mahtükhen shahphenpü nyih mangngoi thahshi Kahvang nenyingpüthü aw kü jakhen tuh-ei nyüke.

1 PETER 5:8

Am nyingi ungei-aeituh, thaeimaei nyutuh. Ngüngei nyupü mailang keiha ammei vepa Kahshih am shonei hanei am lühnüng longteinyüke.

ROM SHAHSHA APPÜ 5:8

Shejao Kahvangi bampü jen kü büpai hupeyü jen nedoh-i mang kü nyushi Khrista jen shingvaishi dipeih.

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

JEREMIAH 25:29

Veituh, ngelei men kü nyükpü hapa chingnyü kü shanghah koei peikünyeih, hatü am nehanghi-i nyuaokhen je? Am hangnehi-i nenyupih; mehenangkü ngei kahdoknyülei nyupüthü peü touei yan kü nyüknyüpeih shei Jeiyong Shembüpai enyüke.

HEBREW 4:1

Hanangkü büpalei nyiushemmei touei shühen lahpü shaang thahshi nyupü nangkü am üpaiyao hapa nethah-i nenyuhen shingvaishi jen kenhingshah.

ROM SHAHSHA APPÜ 5:6

Mechem jen wong nekoh-i nyupa, hepak jiüpü kü Khrista mangthü shingvaishi dipeih.

KAHBHAO 13:13

Shaang Sodom amü ahshi nemei, hatü Shembüpa khüei mang longi thah.

PHONGSHANTHÜ DOU 27:24

ngei kü, ‘Paul, nüng tenyem, nüng Rom ongpa touei peiyei yaonghen, hatü Kahvangi nüng mü chemi daipüthü peü kü yanghen shuohteke.’

LUK SHAHSHA APPÜ 15:1

Shaang lat thaibüthü hatü mangthü peü büpai epü banghen yopailei pei.

1 SAMUEL 15:18

Hatü büpai nüng kangpü dousho hük kü, ‘Daituh, hatü Amalek am jütüktuh, jom hep shei mangmahkem thahshi hoktuh’ shei etü shompeih.

PHONGSHANTHÜ DOU 27:31

Hahepak kü Pauli veshan kho hük shak kü mübü hatü veshanthü kü, “Jahas yüpbüthü ha mongei nenyujema amphong yanghen neaokpih” shei eteke.

1 TIMOTI 1:9

Ha lappai shahkungnyü-ü neshaipüthü shingvaishi netem shei nyingnyüke, shejao shahkung mangpü, ven nedanpü, Kahvang nenyingpü hatü mangthü, nedaünelangpü hatü sheihdaipü, laophülei nyü nevaijü pa jüpüthü, shennyak jüpüthü,

JAKOB 5:6

Am khüei neyaongpü daülangpüthü ammi nyonghüei jüteke.