1 PETER 4:11 - DAÜLANGPÜ LAIHING (BSI)

¹¹ Üpai chongvennya, Kahvang shah kü epükei chongventuh. Üpai chongphonya, Kahvangi shuohpü wongi chongphotuh; shejüang doulem peü kü Jisu Khrista homei Kahvang müknyinshekhanghen. Büpa kü müknyinshekhang hatü ngan den den kü lompü vaihütuh. Amen.

1 PETER 4:11 Referans Kwoze

1 KORINT 10:31

Hanangkü hahjao yingjao nevaijü nüngi mehe mehe dükhenshang, lemphüli Kahvang müknyinshekhang shingvaishi düktuh.

EPHESIA 6:10

Shompülei, Shembüpa kü hatü büpalei ngan kü wong kohtuh.

1 PETER 4:10

Kahvangei phahji longpü kü khei vaibü meipü hük keiha ammi mehe mehe thintho dangtepa, hapai hüki hük chongphoteituh.

PHONGSHANTHÜ DOU 7:38

Büpayü jahpanei khong mü jenei bühipathü mü hatü Sinai Kahshangei büpa kü shah eshuohpü vangsho phongshan mü nyu, hatü jen kü shuohhen vanyangyem shah büpai yah.

EPHESIA 4:29

Ammei ju kübü shahten tevamhü, shejao nanglaki napükei jom linghen nangkü mehe nadang nyu, ha etuh, shejüang ammei shahthü bangpü am kü nanglei vaihen.

ROM SHAHSHA APPÜ 3:2

Lem peü kü longi nyüpeih! Shongpüba kü jom kü Kahvangei shah shuohpeih.

JAKOB 1:19

Ngei bampü jeihinaüthü, ha nyingtuh: Peüi danhen shülangtuh, youngmü etuh, mongshih youngmü vamtuh;

KOLOSI 4:6

Ammi peü kü mekei shahnyok shuohhen ha nyinghen shingvaishi ammei shah-engeüshei kü phahji hatü hüm kei vüngnyangi nyuhütuh.

1 KORINT 12:4

Shaang thinthothü lem laolao nyüpeih, shejao Laangha hük mon;

1 PETER 2:5

amphongao yangnyuyem yaong keiha daülangpü ngongli vaihen hatü Jisu Khrista homei Kahvangi yah-aokbenüng laangha moila shuohhen nangkü am nyingi laangha shem vepü kü noteihütuh.

JUD SHAHSHA APPÜ 1:25

Jisu Khrista jenei Shembüpa homei Kahvang jen Yemleipüba kü mon denshem peü kü, shaang hatü dohpü neshiüi müknyinshekhang, dhüm, ngan, hatü wong nyute. Amen.

HEBREW 5:12

Shaang keiyü amphongü nyuhbüthü leidaitü nyuhen jiüpeih, shejao shaang thahshi am kü lapjapü Kahvang shah nyuhhen hanei am nanyüke. Amphongü vaanpü hahying nevai, amma nanyüke.

1 TIMOTI 6:16

büpa monha nemahnemenpü, hatü üpaiyao nenei neheih-aokpü vangngai kü nyunyeih; üpaiyao büpa ne-ee hatü ne-eeaokhen, büpa kü dhüm hatü wong düngei nyute. Amen.

1 TIMOTI 1:17

Shaang dohpü neshiüpü, ongpa, nemahnemenpü, ne-eeaokpü büpa mon Kahvang kü dhüm hatü müknyinshekhang den den kü nyute, Amen.

1 KORINT 3:10

Kahvangi ngei kü shuohpü phahji aimü lahhinpü shem vebü keiha ngei chongnyiam lingtepih, hatü ha shangkü hanei ami venyüke. Shejao shem vebü peüi hapa shangkü mekei venya kenhinghen vongbong.

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

DANIEL 7:14

Hangkuli peüi, jatphüi hatü shahlem laolao epü peüi büpa chongphohen shingvaishi büpa kü vanglem lemhen wong hi ngan, dhüm hatü longhiong hean shuohteke. Büpa vanglem lempü nedohneteni denden nyuhen, hatü büpalei ongching mechemao nemahnechahhen.

ISAIAH 8:20

Shahkungnyü vaijao, denpü vaijao jomi hapa shah keiha ne-ejema, jom kü vangngai neshiü.

MENVIH KESHO 145:13

Nüngei ongchingü nedohnetenpü ongching, hatü nüng vanglem lempü hüdenhalenshi nyunyeih. Shembüpai büpalei shahthü peü jiüshi düknyeih, hatü büpai phahjipai douthü peü düknyeih.

1 PETER 5:11

Den den kü ngan kemei büpa lompü vaihütuh. Amen.

JAKOB 1:26

Hanei ami laophü nyingi vaipü am shei deihjema, hatü laophülei yei neshümaokjema, büpa vaipeyü angsha, hatü laophü nying luhahnyüke.

PHILIPPI 2:11

hatü Pa Kahvang kü müknyinshekhang shuoh-ei jubenyeijaang peüi Jisu Khristayü Shembüpa shei lahhen.

EPHESIA 5:20

Düngei Pa Kahvang kü hatü lemphü shing jenei Shembüpa Jisu Khristalei men kü menvih shuohtuh.

1 KORINT 6:20

Mehenangkü amphongü bhei shuohtü shakpeih; hanangkü ammei büm kü Kahvang müknyinshekhanghütuh.

ROM SHAHSHA APPÜ 11:36

Mehenangkü douthü peü büpa leipü hatü büpa homei hatü büpa kü nyüpeih. Büpa kü düngei müknyinshekhang vaituh. Amen.

DANIEL 4:34

Mechem vangbong nyet peihpa, ngei, Nebukadnezzar vangsho philei ngangei vei, hatü ngei kü deih-aokhen chudeih peiküteke. Ngei Jaipüba Kahvang kü men long hatü denden nyupü büpa kü dhüm hatü müknyinshekhang shuohteke. Büpa vanglem lempü denden kü nyuhen, büpalei ongching hüdenhalenshi nyuhen.

DANIEL 4:3

Büpalei yashanyale meshük longpüang! Büpalei thamapü dou mekei wong kohpüang! Büpalei ongchingü nedohnetenpü ongching nyüke; büpa vanglem lempü hüdenhalenshi nyuhen.

JEREMIAH 23:22

Shejao jom paoh ngelei thaihiyu kü omlangmeyü jomi nanglakthü kü ngelei shah ehen, hatü jomei nemeipü lem hatü douten kübü lepei leihah shepeih.

PHILIPPI 1:11

hatü Kahvang müknyinshekhang hatü menvih shingvaishi Jisu Khrista homei peipü daülangshemshepü betjük maei nyuhen shingvaishi nyüke.

2 KORINT 9:13

Ammi dükpü hapa dousho homei Khristalei shahjangmei kü lah-ei ammi ven danpü hatü ammi jom mü hatü mih peü mü nekaungi hanteipü homei ammi Kahvang müknyinshekhangnyüke.

ROM SHAHSHA APPÜ 16:27

hapa Jisu Khrista homei kon kohpü Kahvang kü düngei müknyinshekhang vaituh! Amen.

JOHAN 13:31

Mechem büpa vamdaipa, Jisui, “Shaang Shennyak Ha müknyinshekhangteke, hatü büpa kü Kahvang müknyinshekhangteke.

ROM SHAHSHA APPÜ 12:3

Mehenangkü ammi deihhen jiüpü mü nyeishi laophü nyingi longi shaoshi tedeih shei ngei kü shuohpü phahji homei ngei am peü kü enyeih, shejao Kahvangi shuohpü hinglempü kü shettü ha aimü jiüshangpü shahphen yahhen deih-ei dangtuh.

2 KORINT 2:17

Lebüthü kei hami Kahvangei shah ham nanglei shingvaishi bhei yoshi neyunyih; shejao Khrista kü hamphongi shüeinyiükei, Kahvang leipü shompü shennyakthü kei büpa touei yaongshi enyeih.

EPHESIA 1:19

hatü jen hinglempüthü shingvaishi büpalei ngan longpai dou dükpü aimü shetei neaokpü büpalei longpü ngan mehe nyu, ha nyingaokhen.

1 THESALONIKA 2:4

shejao shahjangmei kohen Kahvangi mongei jepü shennyakthü keiha enyeih. Hami shennyakthü nevai, jenei mongdang dokpü Kahvang mongmeihühen khenyeih.

TITUS 2:1

Shejao nüng payü nyuhpüvenpü kü mehe jiütei, ha nyuhtuh.

TITUS 2:15

Hathü dou nüngi nyuhtuh. Nüng kü shuohpü wong kempai noei nangthongtuh, hatü loheishuoh. Üpaiyao nüng kü ne-ienelemi noteihen mü tenyu.

HEBREW 13:7

Am kü Kahvangei shah ephopü ammei mübüthü deih-ei dangtuh; jomei yangnyu nyuhichong kübü vampü deih-ei dangtuh hatü jom hinglempü kapituh.

1 PETER 2:12

Kung am touei ammi dhüm kohshi düktuh; jomi am kü ten dükpü am shei ejao büpa shahphenhen yiüshingkü jomi ammei dhüm kohbenüng doumei eeyei Kahvang müknyinshekhanghen.

1 PETER 4:16

Shejao Khristan hük keiha am shangpongjema, hapayü veüpong kei tedeih, shejao ammi hapa men kopü nangkü Kahvang men vihtuh.