1 PETER 3:7 - DAÜLANGPÜ LAIHING (BSI)

⁷ Bahathü, hapa aihük mü ammi laophülei nyüha mü nyushingkü bamshi angtuh, hatü wong nekohpü yangnyu shei dhüm shuoh-ei, hatü yangnyu kü phahji thintho kü jomao am mü chemi mükjüp yahpü am shei ieyeilemei noteituh; shejüang ammi phoppü kü meheyao bangpü nechongkahen.

1 PETER 3:7 Referans Kwoze

KOLOSI 3:19

Bahathü, ammei shembünyüthü kü bamtuh hatü jom kü nemei-i teno.

EPHESIA 5:33

Am peüi laophülei nyüha kü laophü kü kei bamtuh, hatü shembünyüi laophülei baha kü dhüm shuohtuh.

1 KORINT 7:3

Baha hüki laophülei nyüha kü shuohhen jiüpü shuohhen vongbong hatü hapakei nyühai laophülei baha kü shuohtuh.

MATHI 18:19

Shao hingmei ngei am kü enyeih, kahdoknyülei shennyak nyi mongjemtü mehe yühenshang vangsho leipü Opa-i ha am kü dükhen.

1 THESALONIKA 4:4

daülangi hatü dhüm kohshi nyuhen mü am peüi laophülei iy hi phai ungei tuhhen nyinghen vongbong,

EPHESIA 6:18

Hepak peü kü phoppü hatü yüpü lemphü kü Laangha kü phoptuh. Ha vaipü nangkü mükpaonathashi nyutuh hatü düngei daülangpüthü shingvaishi phopei nyutuh.

EPHESIA 3:6

ha lappai, Kung amao aihük mü mükjüp yahpü am, büm hük kü aihük phaihan, hatü shahjangmei homei Khrista Jisu kü lahpü kü hean yahpü am leipeih.

JOB SHAHSHA APPÜ 42:8

Hanangkü shaang mohoh chebaong nyet, mi chebaongha nyet yah-ei ngei chongphopü Job touei heihtuh, hatü amphongi laophü shing moila shuohtuh, hatü ngelei chongphobü Jobi am shingvaishi phophen; mehenangkü ammei ngadou shangshi ngei nephahji-i nedükhen shingvaishi ngei ha moila yahhen; mehenangkü amphongi ngei chongphopü Jobi keiha ngei nang mehe jiü, ha ne-eang” shei e.

TITUS 3:7

hanangkü phahjipai jen dahshakhüei nedohnetenpü yangnyu monglempü kü mükjüp yahpü am leihüpeih. Hapa shah-ü hingshangpü.

EPHESIA 4:30

Angei leipü nyih shingvaishi am kü füoshang shüngpü Kahvang Laangha Daülangpü mongtemanghü.

HEBREW 1:14

Vangsho phongshanthü peü Kahvang chongphopü laanghathü, yemleipü mükjüp danghenthü touei büpai chongphohen nangkü shompüthü nevaipü je?

1 PETER 3:1

Nyühathü, ha aihük mü amphongi laophülei baha phangkü nyutuh; shejüang jom hanei Kahvangei shah kü hingnelemjao, shah ne-e-i ammei dükhiling meipü homei jom mong lepei leiaokhen;