1 PETER 3:18 - DAÜLANGPÜ LAIHING (BSI)

¹⁸ Mehenangkü Khristayao mang nangkü den shing chem mon shangpong; am Kahvang touei müei leihen nangkü daülangpü hük nedaünelangpüthü shingvaishi diteke. Büpa phai kü dihü, shejao laangha kü yem leihü,

1 PETER 3:18 Referans Kwoze

HEBREW 9:28

hapa keiha Khrista-ao nanglak longilei mang yah-ei lüdaihen shingvaishi chem mon moila shuohpeih. Büpa nyipabü yiükahen, hayü mangthü mü eteihen nangkü nevai, shejao büpa omdanpüthü kü yemleipü koei yiükahen.

HEBREW 9:26

Hakei vailangmeyü kahdoknyü linghinüng Khrista leiyei leiyei shangponghen vaipeih. Shejao shaang büpai hapa dohpü den kü büpa laophü nying moila shuohpai mang yaktükhen shingvaishi den shing chem mon peipeih.

2 KORINT 5:21

Mehenangkü büpa kü jen Kahvang daülangshemshepü leihen shingvaishi jenei men kü büpai mang nenyingpü hük mang leihüteke.

1 PETER 4:6

Ha tata kü didaipüthü kü dangkao shahjangmei baongpeih; shejüang jomphong kü phai kü shahphentükjao Kahvang yemmü nyupükei jomphongao laangha kü yemmü nyuhen.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

1 JOHAN 1:9

Jeni jenei mangthü lahjema, jenei mang peü tükphahen hatü nedaüpü lemphü kübü daüphahen büpayü monglemaokpü hatü shahhing nyüke.

ROM SHAHSHA APPÜ 4:25

Jenei mang nangkü büpa dipü kü lanei shuoh, hatü jen dahshakhühen nangkü yangei leishihteke.

1 PETER 4:1

Hanangkü Khristai büpalei büm kü shangpongpü nangkü amphongao aihük chudeih nyutuh; mehenangkü üpai laophülei büm kü shangpong, hajük kü mang mü vukei neshiü.

ROM SHAHSHA APPÜ 8:3

Mehenangkü phai-i wong nekohhüpü nangkü mepa shahkungnyüi nedükaok, ha Kahvangi laophülei Ha mang phai keiha leihütü mang mahtükhen shompai phai kü büpai mang nyonghüteke.

GALATIA 3:13

Shahkungnyü thaüvaü kübü büpa jen shing thaüvaü hük leiyei Khristai jen angei leiteke; mehenangkü hapa nyangei nyüke: “Pü shangkü üpa aphenshang, büpayü thaüvaütükpü.”

GALATIA 1:4

Hapa nemeipü denhivan kübü jen bümei leihühen tata kü jenei Pa Kahvangi mongpükei jenei mang shingvaishi Khristai laophülei yangnyu shuohpeih.

2 KORINT 13:4

Mehenangkü wong nekohpü kü büpa shophang kü ap, shejao Kahvangei wongi büpa yemmü nyüke. Mehenangkü hamphong büpa kü wong nekoh, shejao am mü eteihen nangkü Kahvangei ngan homei ham büpa mü nyuhen.

ROM SHAHSHA APPÜ 5:2

Büpa homei hinglempai jeni hapa phahji dangei ha kü jen shaang nyunyeih, hatü Kahvang müknyinshekhang kü jen hanteihen monglempü kü jen changmeinyeih.

ROM SHAHSHA APPÜ 1:4

Jenei Shembüpa Jisu Khrista, üpa dipü kübü yangei leipü homei daülangpü laanghai büpayü ngan kohpü Kahvang Ha shei hutepa,

JAKOB 5:6

Am khüei neyaongpü daülangpüthü ammi nyonghüei jüteke.

PHONGSHANTHÜ DOU 3:14

Shejao amphongi Daülangpü hatü Hingshangpü Hük yaktük hatü shennyak jüpü am-ang vetükhen ammi yü,

2 KORINT 1:24

Hapayü hami am hinglempü shak kü shembü vaihen nangkü nevai, shejao am vaipü kü wongshongi yaongpü nangkü am mongonghen shingvaishi hamü am mü chemi dou dükbüthü hih.

ROM SHAHSHA APPÜ 8:11

Dipü kübü Jisu yangei leishihpü büpalei Laangha am kü nyujema, Khrista dipü kübü yangei leishihpü büpai am kü nyupü büpalei Laangha homei ammei phai yangnyu kü yangnyuyem shuohhen.

PHONGSHANTHÜ DOU 22:14

Hahepak kü büpai, “Jenei bühipalei Kahvangi büpai mongpü nyinghen, hatü Daülangpü Hük eehen hatü büpalei ngeü banghen nüng jeteke;

MATHI 27:19

Mechem büpa shahphenpü uoshingei uoshi nyupa, chenyüha-i büpa kü, “Hapa mang neshiüpü shennyak kü meheyao tedük; mehenangkü shinnyih ngei büpa nangkü mangh hük kü ngei longi shanghahpeih” shei shah shomei e.

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

DANIEL 9:26

Hapta pejempünyi peihpheikü, thiteiphutükpü ongpayü jütükhen hatü meheyao neshiühen, hatü peikahen nyupü ongpalei veshanthüi chingnyü hatü Phopshem mangtükhen. Dohpütenpeyü bünghiyang kei peikahen hatü dohpü ngoishi vehok nyukahen.

MATHI 27:24

Hanangkü mechem Pilati meheyao nedükaokhen khih shei nyingpa, shejao mophicheü pangdainyu khih shei veiaokpa, büpai yung maani yah-ei khong touei lak hüh-ei, “Hapa shennyak dipü mang ngei nekohen; ammi mongpükei dükpü vaite” shei e.

JOHAN 16:10

daülangshemshepü nangkü; mehenangkü ngei Opa touei lüdainyeih hatü hajük kü ammi ngei ne-eehen;

EPHESIA 3:12

Büpa kü hinglempü homei jen mong longshi hatü monglemshi Kahvang touei peiaoknyeih.

HEBREW 9:14

nedohnetenpü Laangha homei laophü nyingi Kahvang kü kawhikang neshiüpü moila shuohpü Khristalei iy homei didaipü douthü kübü vanyangyem Kahvang kü khümhen shingvaishi jenei chudeih mongdang meshük nyeishi daütükphahen!

HEBREW 10:10

Jisu Khristalei büm den shing chem mon moila shuohpü homei jen daüdaipeyü Kahvangi mongpü nyüke.

1 PETER 3:19

hatü büpa daiyei khoklatei küppü laanghathü kü chongven.

BHEI-IE 7:15

ha mü mohoh chebaongha hük, hatü mi chebaongha hük, hatü vangbong hük lompü mi cheha hük jakpü moila shuohhen koei pei;