1 PETER 3:14 - DAÜLANGPÜ LAIHING (BSI)

¹⁴ Shejao ammi jiüpü dükpü kü shangpongjema, am moihimanpü. Jomi mehe kü nyem, ha kü ammi tenyem, nevaijü tehan,

1 PETER 3:14 Referans Kwoze

MATHI 10:28

Üami büm mon jütü laangha nejüaok, hathü kü tenyem, shejao üpai laangha hatü büm nyiphen molo aw kü mahtükaok, büpa kü nyemtuh.

2 KORINT 12:10

Ha vaipü nangkü Khristalei men kü, wong nekohpü kü, yaüeilungpü, ponghahpü, shüveidoidei hatü vongshüh kü ngei mongongnyeih. Mechem ngei wong nekoh, shejüang ngei wong kohnyeih.

JAKOB 1:12

Dokpü peishingkü üpai hinglemei nyu, büpa moihiman. Hapa keipü dokpü kü aokpü shennyak kü Shembüpai büpa kü bampüthü kü shuohhen lahpü yangnyu athen shuohhen.

JOHAN 14:27

Ngei am mü chingmei tuhphünyeih; ngelei chingmei ngei am kü shuohnyeih. Kahdoknyüi shuohpükei ngei am kü neshuohnyih. Ammei mong teshanghü nevaijü tenyemhü.

JOHAN 14:1

Amphong mongteshang. Kahvang kü hinglemtuh, hatü ngei kao hinglemtuh.

MARK 10:29

Jisui, “Hingmei ngei am kü enyeih, üpai ngelei men hatü shahjangmei nangkü bükhishem, jeihinaüthü, nyahinaüthü, nyü nevaijü pa, hapeüthü nevaijü kahthü tuhphong, jomi ha den kao kho lomei,

MARK 8:35

Mehenangkü üami laophülei yangnyu yanghünya, mahhen, hatü üami ngei shingvaishi hatü shahjangmei nangkü laophülei yangnyu mahnya, yanghen.

MATHI 19:29

Üami ngelei men kü laophülei shem, jeihinaü, nyahinaü nevaijü nyühipa, hapeüthü nevaijü kahthü tuhphong, jomphongi kho hükpa nyeishi danghen hatü yangnyuyem danghen.

MATHI 16:25

Üami laophülei yangnyu yangei tuhhünya, mahtükhen, hatü üami ngelei men kü laophülei yangnyu mahtüknya, ha danghen.

1 PETER 3:6

Hapa keiha Sarah-i Abrahamei ven bang, hatü büpa kü shembüpa shei nyük. Amphongao jiüpü dükpü thahshi hatü am kü nyempü neshiüpü thahshi ammü pinnyülei yiükhathü leinyüke.

MATHI 10:39

Üami laophülei yangnyu dangnya, ha mahtükhen, hatü üami ngelei men kü jomei yangnyu mahtükhen, ha danghen.

JEREMIAH 15:15

Nüngi nyingei nyüpeih, Oh Shembüpa, ngei deih-ei dangtuh hatü ngei kü thümshih; hatü ngei kü shüveipüthü kü bhüh yemtuh. Nüng nenteiaokpai ngei yah-ei tedeitük; Nüng nangkü ngei meshük ne-ienelem ponghahpa deihtuh.

JEREMIAH 1:8

Nüngi hathü kü tenyem; mehenangkü ngei nüng mü nyüpeih, hatü nüng yanghen” shei eteke.

ISAIAH 51:12

Ngeiyü am nyiushem meihüpü Shembüpa, Didai mahdaihen hangku kü mehekei ammi nyemnya? Jomü phenha kei kaudaihen shennyakthü mon.

PHILIPPI 1:29

Mehenangkü hapayü Khristalei men kü hinglemhen mon nevai, shejao büpa shingvaishi shangponghenao am kü shuohpeih.

MATHI 10:31

Hanangkü am tenyem; mehenangkü ajekha longi meyü amphong-üng nyeinya longpüba.

PHONGSHANTHÜ DOU 9:16

Ngelei men kü büpa meshük shangponghen ngei büpa kü hutepih” shei e.

EZEKIEL 3:9

Ngei nüngei shangbayü yaonglang keiha leihühen. Nüngi jom kü tenyem nevaijü tehan; mehenangkü jomphongü khüei yaongpü jatli.

KANDOK 3:25

Ngangahük kü nüng lomohhen khih shei tenyem, nevaijü nemeipüthü kü sheüpü vanglükten kü tehan;

JAKOB 5:11

Hingmei nenteiaokpü hupüthü kü hami moihimanpü shei nyüknyeih. Jobi munenpü ammi danphei hatü mekei Shembüpai phahji hatü shinshang, ammi Shembüpalei mükhong eeteke.