1 PETER 3:11 - DAÜLANGPÜ LAIHING (BSI)

¹¹ hatü jom ten kübü nyokei leiyei mei düktuh; jomi chingmei yemei ha kü changei daihütuh.

1 PETER 3:11 Referans Kwoze

MATHI 5:9

Chingmei lingpüthü moihiman; mehenangkü jomphong kü Kahvang hathü shei nyükhen.

MENVIH KESHO 34:14

Mang kübü yantuh, mei düktuh; chingmei yemtuh hatü ha changei daituh.

HEBREW 12:14

Shennyak peü mü chingmei kü hatü daülangi nyuhen kentuh; daülangi nenyuphei kü üpaiyao Shembüpa ne-eehen.

ROM SHAHSHA APPÜ 14:19

Shejema mepai chingmeivangmei vamhünya, hatü hüki hük lingei leinya ha kü jeni changshah.

KOLOSI 3:15

Khristalei chingmei-i ammei mongkü vanglem lemhütuh; ha shingvaishi büm hük kü phaihan hük leiyei chingmei nyuhen am nyükpeih. Ha kü am men vihtuh.

ROM SHAHSHA APPÜ 14:17

Mehenangkü vangsho ongchingü hahbenüng hatü yingbenüng nevai, shejao daülangshemshepü, chingmei hatü Laangha Daülangpü kü mongongpü nyüke;

ROM SHAHSHA APPÜ 12:18

Aokjema nüngi aokpüshük peü mü chingmei kü nyutuh.

3 JOHAN 1:11

Bampü küphü, mehe ten nyüpa, ha nevai, meipü veiyei yahtuh. Üami mei dük, hayü Kahvang leipü; üami ten dük, hathüi Kahvang ne-eeang.

JAKOB 4:17

Hanangkü üpai jiüpü dükhen nyingtü ha nedükhen, mang thahnyüke.

HEBREW 13:16

Mei dükhen, hatü nüngi angpü hanteihen tebetük; mehenangkü hapa keipü moilathüyü Kahvang mongongbenüng hih.

1 TIMOTI 6:18

Doumei dükhen, doumei kü shemmei leihen; nekaungi mih mü hanteihen temei nyuhen etuh.

GALATIA 6:10

Hanangkü hepak mei dangpü nangkü jeni peü kü doumei dükshah; anyei vaishi vaipü shemongshathü kü.

GALATIA 5:22

Shejao Laangha betjükü bampü, mongongpü, chingmei, munenpü, phahjipü, nekaungi shuohpü, hingshangpü,

ROM SHAHSHA APPÜ 8:6

Phai kü mong shuohpeyü dipü, shejao Laangha kü mong shuohpeyü yangnyu hatü chingmei.

ROM SHAHSHA APPÜ 7:21

Hanangkü ngei hapa shahkungi dou dükpü eeteke: Mechem ngei mehe mei, ha dükhünya, mang ngei yopailei nyüke.

ROM SHAHSHA APPÜ 5:1

Hanangkü hinglempai jen dahshakhüpü nangkü jenei Shembüpa Jisu Khrista homei Kahvang mü jen chingmei nyüpeih.

JOHAN 17:15

Jom kahdoknyü leipü yahlanghen nangkü ngei nephopnyih, shejao nemeipü kübü jom yanglanghen shingvaishi phopnyeih.

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

MATHI 5:45

shejüang amphongü vangsholei nyupü Palei hapeüthü vaihen; mehenangkü büpai nemeipüthü hatü meipüthü kao aihük mü vanghenyü aonghünyeih, daülangpüthü hatü nedaünelangpüthü kao vang keihünyeih.

MENVIH KESHO 37:27

Mang kübü yantuh, mei düktuh; shejüang hapa kahdok kü am den kü nyuhen.

ROM SHAHSHA APPÜ 7:19

Mehenangkü ngei dükhüpü mei ngei nedüknyu, shejao ngei nedükhüpü mang ngei düknyüke.

LUK SHAHSHA APPÜ 6:35

Shejao ammei vepathü kü bamtuh, mei dükeishuoh, nyokei danghen shei mongnelemi lueishuoh. Ammei laklei longshi nyuhen, hatü amphongü Chaipübalei hapeüthü vaihen; mehenangkü büpayü menvih neshuohpü hatü nemeipüthü kü bamnyeih.

LUK SHAHSHA APPÜ 6:9

Hapheikü Jisui jomphong kü, “Ngei amphong kü phenyeih, Sabbath nyih mei dükhen hi ten dükhen, nevaijü yangnyu hük yanghen hi mahtükhen shahkungi mongnya?” shei e.

LUK SHAHSHA APPÜ 1:79

shangmang hatü dipü vangdhüm kü nyupüthü kü vangngai shuohhen, hamei la chingmei lem kü mühen.

MARK 14:7

Mehenangkü taopathüyü düngei am mü nyüke, hatü ammi dükshuohhüpü hepak kü jom kü bampü doumei dükhen aok, shejao ngei düngei am mü nenyukahen.

KANDOK 16:17

Kangshangpü amei lem kü mang neshiü; jomi laophülei laangha yaongei tuhnyüpeih.

KANDOK 16:6

Bampü hatü hinglempai mang tükpü dangnyeih, Shembüpa kü nyempü homei shennyak hüki ten kübü yangdainyüpeih.

KANDOK 3:7

Nüngei müki eepü kü mon nyingpükei tedeih, Shembüpa nyemtuh, hatü mang kübü mong leptuh.

MENVIH KESHO 125:4

Üam meishi nyüpa, Oh Shembüpa, hatü üamei mong kangshangi nyüpa mei dükeishuoh.

JOB SHAHSHA APPÜ 28:28

Hatü hangku kü büpai, “Shembüpa nyempeyü kihikon, hatü ten kübü yangpeyü danaokpü” shei eteke.

JOB SHAHSHA APPÜ 2:3

Shembüpai Satan kü, “Nüngi ngei chongphopü Job kü mük shahnyu je? Kahdoknyü kü büpa kei eelashing neshiüpü, kangshangpü shennyak, Kahvang nyempü hatü mang nedükhen kenhingpü neshiüpih. Meheyao nevaipü kü büpa lomohhühen büpa khüei nüngi ngei kü nyeanphülangmao shaang thahshi büpai ngei kü hinglempü lakshing nyüpeih” shei e.

JOB SHAHSHA APPÜ 1:1

Chem hepak kü Uz kahdokei shennyak hük Job shei mentü nyu. Hapa shennyakü eela neshiü hatü kangshangi nyu, hatü büpai Kahvang nyem hatü mang nedükhen kenhingpü shennyak nyuteke.

1 PETER 3:12

Mehenangkü Shembüpalei mük daülangpüthü kü chishi nyüke, hatü jomi phoppü kü büpalei dhaong shangshi nyüke; Shejao Shembüpalei dhe ten dükpüthü khüei nyüke.”

SHAHPHENBÜTHÜ 11:14

Shao chem Jephthah-i Ammon ongpa touei phongmokbüthü shomei,