1 PETER 2:6 - DAÜLANGPÜ LAIHING (BSI)

⁶ Laihingi ha enyüke: “Veituh, ngei Zionlei jetükpü, hatü douvang yaong hük tuhnyeih, hatü üpai büpa kü hinglem, mechemao veü neponghen.”

1 PETER 2:6 Referans Kwoze

ISAIAH 28:16

Hanangkü Shembüpa Kahvangi, “Veituh, ngei Zionlei chongnyiam yaong, hatü dokhen yaong hük, chongnyiam shing wong kohhen shingvaishi douvang shongkaong yaong hük tuhnyüpeih. Üpai hapa kü hinglemhenshang, neshanghahhen.

1 PETER 2:4

Hangkui yaktükjao Kahvangi jepü hatü büpa touei douvang yangnyuyem yaong, büpa touei peituh;

EPHESIA 2:20

Amphongü phongshanthü hatü thihivamthü chongnyiam shangkü lingpeih; Khrista Jisu büpa nyingi shemshouk kübü shongnyü yaong leipeih.

ZEKHARIAH 10:4

Judah am khong kübü vanglem lembüthü, mübüthü, hatü veshan mübüthü ngelei nanglakthü kü vanglem lemhen vamkahen.

MARK 12:10

Ammi ha lai kü ne-ieangpü je? “Shem vepüthüi mepa yaong nemei shei yaktük, hapa yaong shemshouk kü shongnyü yaong leipeih;

ROM SHAHSHA APPÜ 10:11

“Büpa kü hinglempü üpaao neveühüpih” shei Laihingi enyüke.

ISAIAH 50:7

Shembüpa Kahvangi ngei kü sheühnyeih, hanangkü ngei veü nepong. Hanangkü ngei ngelei dhe yaonglang kei leitükpeih, hatü ngei veü neponghühen shei nyingnyüpeih.

ISAIAH 42:1

Ngei wong kohhüpü ngelei chongphobü hamü nyüke, Ngei monghahpü ngei jepü hük; Ngei ngelei laangha büpa kü shihpeih, hatü büpai jatthü peü kü shahhing koei peikahen.

2 TIMOTI 3:16

Laihing peü Kahvangi ngü mü duei ehüpeih, hatü hapayü nyuhhen venhen, pungpü kü lohhen, nejiüpü kü yeanhen hatü daülangi nyuhen nangkü nyuhpü venpü nyüke,

JOHAN 7:38

hatü üami ngei kü hinglem, laihingi eyei nyupükei, yangnyuyem yung büpalei mongdang kübü yenhen” shei e.

ISAIAH 54:4

Tenyem, mehenangkü am veü nepongpih; mongteshang, amphong hangnehipih; Mehenangkü am thehila hepak kü veütükpü betükhen, hatü am vaümnyü vaiyei tuhphongpü deih-ei nedanghen.

LUK SHAHSHA APPÜ 23:35

Nanglakthü veiyei yaongshi nyu, shejao mübüthüi büpa kü yaüeilungei, “Büpai mih yangteke; büpayü Kahvangei Messiah, jelangpü hük vaijema büpa nyingi nyemyang” shei e.

MATHI 12:18

“Ngei jelangpü ngelei chongphobü hatouei nyüke, ngei bampü, büpa kü ngelei laanghai mong hahnyeih. Ngei ngelei laangha büpa kü shihshuohhen, hatü büpai jatthü kü shahhing baonghen.

ISAIAH 41:11

Üami am khüei yaongnya, hingmei mü veü ponghen, hatü lomohhen; Üami am khüei hoknya, mahhen hatü kong leidaihen.

MENVIH KESHO 89:19

Chem nüngi manghkhang kü eteke, nüngei hinglempü nanglak kü eteke: “Shongnyü veshan hük kü ngei sheühtepih; nanglak khong kübü jepü nethe hük kü ngei ong uoshing shuohtepih.

MENVIH KESHO 40:14

Üami ngelei yangnyu jühen yemnya, jom peü veühütuh hatü nepongpaüpü vamhütuh; Üami ngei lomohhühen kennya, jom peü mongmangpai nyokei leihütuh.

2 PETER 3:16

Büpalei lai peü kü hathü aihük jung eyei nyangnyüke. Büpalei laithü kü nyinghen wongpü douthü maani kohshi nyüke; hapayü nenyingpüthü hatü shing nenüngpüthüi laophü mahhen mü Laihing kü jomi dükpükei nyongnyongi lingtüknyüke.

2 PETER 1:20

Shongpü kü am peüi ha nyingtuh; Laihing kübü thihivam shah mepayao shennyak hüki deihhahpü kübü nevamnyih.

EPHESIA 1:4

Mehenangkü büpai kahdoknyü lingshekü büpa touei daülangi hatü eela neshiüi bampü kü nyuhen shingvaishi jen jepeih.

PHONGSHANTHÜ DOU 1:16

“Jeihinaüthü, Jisu yeppü khong kü mübü vaipü Judas nangkü Laangha Daülangpai David homei tetei nyupü laihingü dhaümteke;

DANIEL 10:21

shejao shahhing laitap kü mehe nyangei nyu, ha shong ngei nüng kü ephüshah. Israel yompü Mikhael phongshan mü lenei jom khüei hokhen üpaiyao ngei kü nesheühphünyu” shei e.

KAHBHAO 49:24

Shejao büpalei lahhan jiüshangi, hatü büpalei lak wong kohshi nyüke. Hapayü wong kohpü Jakob Kahvang laki, hatü Mi Yombü, Israel amei Yaongei men kü nyüke.

ISAIAH 46:13

Ngei ngelei daülangshemshepü yopailei koei peikünyeih, hapa taishi neshiü; hatü ngelei yemleipü pheiyei nenyukahen. Ngelei yemleipü Zion am kü shuohhen, ngelei müknyinshekhang Israel am kü shuohhen.

LUK SHAHSHA APPÜ 20:17

Shejao büpai jomphong kü veitü, “Lai kü nyangei nyupü hapayü mehe lappüang?” “Shem vepüthüi yaktükpü yaong shemshouk kü shongnyü yaong leipeih.”

1 PETER 2:8

Shao lebü lai kü hapakei enyüke: “Jom huluh shuohhüpü yaong, hatü jom dohüpü yaongnyü-ü hapa hih.” Jom huluh shuohpeih; mehenangkü jomi ha shah nebang; jomi hapa dükhen demtükpü am nyuteke.