1 PETER 2:24 - DAÜLANGPÜ LAIHING (BSI)

²⁴ Mang kübü bümei leiyei jen daülangi nyuhen shingvaishi büpai shophang shangei laophülei büm kü jenei mang koteke; büpa mashapü homei jen meiteke.

1 PETER 2:24 Referans Kwoze

MATHI 8:17

Hapayü Isaiah thibüi, “Büpai jenei shanghah hatü dinlem peü kolang” shei epü jiühühen shingvaishi ha vamteke.

ROM SHAHSHA APPÜ 6:11

Hanangkü ammiyao mang kü didaishuohpeih hatü Khrista Jisu kü Kahvang kü yemmü nyüpeih shei deihhen vongbong.

SHAKEI VAMPÜ 22:2

hatü hayü chingnyü chingyangshong jiam homei yenteke. Hapa yungdang nyiphen kü yangnyu pü nyüke, hatü halei betjük lem anpünyi len ieyei jüknyüke; hatü hapalei phenlakü jatthü meihühen shingvaishi nyüke.

1 JOHAN 2:29

Ammi büpayü daülangpü shei nyingjema, mehe jiü ha dükpüthü peü büpa kübü bühpeih shei ammi nyingei nyüke.

JAKOB 5:16

Hanangkü hüki hük shing phopteituh, shejüang am meihen. Daülangpüthüi phoppü kü ngan hatü wong kohshi nyüpeih.

HEBREW 9:28

hapa keiha Khrista-ao nanglak longilei mang yah-ei lüdaihen shingvaishi chem mon moila shuohpeih. Büpa nyipabü yiükahen, hayü mangthü mü eteihen nangkü nevai, shejao büpa omdanpüthü kü yemleipü koei yiükahen.

GALATIA 3:13

Shahkungnyü thaüvaü kübü büpa jen shing thaüvaü hük leiyei Khristai jen angei leiteke; mehenangkü hapa nyangei nyüke: “Pü shangkü üpa aphenshang, büpayü thaüvaütükpü.”

ROM SHAHSHA APPÜ 6:2

Lanshei nevai! Mekei etü jeni mang kü didaishuoh pheikü jeni ha kü nedoh-i nyuei daihen?

ISAIAH 53:11

Büpa shangpong pheikü büpai yangnyu vangngai danghen, hatü büpa shangpongpeyü angsha nevai shei nyingei mongonghen. Ngelei hingshangpü chongphobü homei longi dah shakhühen, hatü büpai jomei mangthü kolanghen.

KOLOSI 3:3

mehenangkü am diteke, hatü ammei yangnyu-ü Khrista mü Kahvang kü joshi nyüke.

ROM SHAHSHA APPÜ 6:13

Mangei douhinang vaiyei mang thahhen mü hajük kü ammei phaihan teshuoh, shejao dipü kübü yangei leipü keiha laophü nyingi Kahvang kü shuohtuh, hatü nüngei phaihan Kahvang kü daülangshemshepü douhinang kei shuohtuh.

JOHAN 1:29

Nyihphei Jisu büpa philei heihja-i eeyei büpai, “Kahdoknyü mang koei lüdaipü Kahvang Mi Cheha kü veituh” shei e.

ROM SHAHSHA APPÜ 7:6

Shejao shaang jenphongü shahkungnyü kübü bümei leidaiteke; chem jen yepei küppü khoklat kü didaishuohteke; hanangkü nyangei nyupü shahkungnyü chang phangkü jen aa nevai, shejao Laangha yangnyu jalei aa vaihen.

1 JOHAN 3:7

Maanpü hashihthü, üpaiyao am lemnyong kü temühü. Büpa daülangi nyupükei üpai jiüpü dük, büpa daülangpü nyüke.

MENVIH KESHO 147:3

Büpai mongdang mangdaipü meihünyeih; hatü jomei makaw phüngtüknyeih.

ROM SHAHSHA APPÜ 6:7

Mehenangkü üam ditepa mang kübü bümei leidaiteke.

ROM SHAHSHA APPÜ 6:16

Ammi laophü nyingi henyi hük kü ven danpü aa shei lanei shuohjema, dipülei müpü mang, nevaijü daülangshemshepülei müpü ven danpülei aa shei ammi nenyingnyu je?

2 KORINT 6:17

Hanangkü jom kübü vamdaituh, hatü jom toueipü khaatei nyutuh shei Shembüpai enyüke. hatü nedaüpü mepa kao tehong; shejema ngei am mongongshi yahhen,

PHONGSHANTHÜ DOU 5:30

Amphongi pü kü apei jütükpü Jisu, jenei bühipalei Kahvangi yangei leishihteke.

LUK SHAHSHA APPÜ 4:18

“Shembüpalei Laangha ngei kü nyüpeih, mehenangkü büpai ngei kü taopathü kü shahjangmei kohen thiteiphuei jepeih. Büpai ngei khoklatei nyupüthü kü bümei baonghen, mükphüngpathü kü mük aphen, hatü hanghipüthü bümei leihühen,

MATHI 5:20

Mehenangkü ngei am kü enyeih, am vaipü shahkung nyuhbüthü hatü Pharisee am mü nyeishi manglei thahshi amphong vangsho ongchingei neshüaokpih.

MALAKI 4:2

Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen.

HEBREW 12:13

Ammei lemthü pha jiüei lingtuh, shejüang lakhopüthü neaoknethangi nenyuhen, shejao meidaihen.

PHONGSHANTHÜ DOU 13:29

Mechem jomi büpa nang nyangpü peü dükei tempa, jomi büpa shophang leipü yah-ei mahngchong hükei vüphongpeih.

PHONGSHANTHÜ DOU 10:35

shejao jat peülei üpai büpa kü nyem hatü mehe jiüpü dük, hayü büpai yahaokbenüng khih.

HEBREW 7:26

Mehenangkü jeni daülangpü, eela neshiüpü, nesheihpü, mangthü kübü yanei nyupü, hatü vangshothü shak kü longei aongpü hapa keipü ngongchong anghen jiüpeih.

KOLOSI 2:20

Amphong Khrista mü diyei kahdoknyü kü vanglem lempü laangthü kübü bümei leiphei vaijema, shaang thahshi kahdoknyülei shennyak kei mehekei nyunya? Mehekei amphongi,

ROM SHAHSHA APPÜ 6:22

Shejao shaang amphong mang kübü bümei leiyei Kahvangei aa leiteke, hatü hapalei nanglei ammi dangpeyü daühüpü hatü ha kübü vampeyü yangnyuyem nyüke.

PHONGSHANTHÜ DOU 10:39

Büpai Judea hatü Jerusalemei dükpü peü kü hamphongü denbüthü nyüpeih. Jomi büpa shophang kü apei jü;

MATHI 27:26

Hanangkü büpai Barabbas jom kü veshuoh, shejao Jisu kü bheitü büpai büpa shophang kü aphen lanei shuoh.

MENVIH KESHO 38:4

Nethangaokpü hanggovih keiha ngelei mangi ngei kü chetteke.

LEVI 16:22

Hapa yum kü jomei mang kemei kohütü lavüngtoipü jahpanei deishihtükhen.

MÜLANGPÜ 28:38

Hapayü Aaronei shangba shangkü nyuhen, shejüang nanglakthüi moila koshingkü thahpü mang hanei nyulangmao Israel ami ngei kü shuohpü moila peü ngei, Shembüpai yahhen.

EPHESIA 5:9

mehenangkü vangngai betjükü meipü, jiüpü hatü shahhing peü kü dangnyeih.

JOHAN 19:1

Hapheikü Pilati Jisu deiyei büpa kü bheiteke.

BHEI-IE 18:22

Shaang mebü Israel ami ashakshem yopailei neheihhen, hei nevaijema jomei mang lat jomi kohen hatü dihen.

LEVI 22:9

Jomi ngelei shahkungnyü mangpü nangkü mang thah-ei nedihen shingvaishi ngongpathü peüi ngelei shahkung noteihen. Ngeiyü hapa daühüpü Shembüpa.

PHILIPPI 1:11

hatü Kahvang müknyinshekhang hatü menvih shingvaishi Jisu Khrista homei peipü daülangshemshepü betjük maei nyuhen shingvaishi nyüke.

MARK 15:15

Hanangkü Pilati khong mongmeihühen nangkü jom touei Barabbas veteke, hatü Jisu kü bheitü shophang kü aphen lanei shuohtük.

KANDOK 20:30

Lak-ap püshow bheipai ten daütüknyeih; Üppülenpai mongdang daühünyeih.

1 KORINT 15:3

Mehenangkü ngei mehe dang, ha nyokei shongpü shongnyü vaishi ngei am kü jaiyei shuohtepih: hapayü Laihing kü nyupükei jenei mang shing Khrista di,

KOLOSI 2:14

Shahkungi yüpükei jen khüei nyangei nyupü peü thittüktü büpai ha shophang kü aptük.

HEBREW 10:5

Hanangkü mechem Khrista kahdoknyülei yiüpa, büpai eteke: “Jakpü moila hatü moilathü nüngi nenanyih, shejao ngei shing nüngi tempü büm nanyeih;

HEBREW 10:10

Jisu Khristalei büm den shing chem mon moila shuohpü homei jen daüdaipeyü Kahvangi mongpü nyüke.

KAHBHAO 22:6

Abrahami moila jakhen püdü yah-ei Isak kü paihü, hatü büpai aw hatü longkhoih notü jiji chemi dai.

BHEI-IE 7:15

ha mü mohoh chebaongha hük, hatü mi chebaongha hük, hatü vangbong hük lompü mi cheha hük jakpü moila shuohhen koei pei;