1 PETER 2:23 - DAÜLANGPÜ LAIHING (BSI)

²³ Mechem jomi büpa kü yaüeilungei epa, büpai ha kü nekhang; mechem büpa shangpongpa, büpai nyemneshao, shejao shahhing shahphenbü kü büpa lanei shuoh.

1 PETER 2:23 Referans Kwoze

ISAIAH 53:7

Büpa kü shüvei, hatü hanghihü, shejao büpai laophülei ju ne-ap; Büpayü miha jüshingei deipükei, hatü mi hük mum japjü nenpü keiha, büpai laophülei ju kübü shah phahükao nevam.

1 PETER 4:19

Hanangkü üami Kahvangi mongpükei shangpongnya, hingshangpü jom Lingbü kü lanei shuohhen hatü nedoh-i mei dükhen.

HEBREW 12:3

Am nenyiuhen hatü mong nemahhen shingvaishi laophü khüei mangthü leipü ten peü nenaokpüba deih-ei dangtuh.

MENVIH KESHO 37:5

Nüngei lem Shembüpa kü lanei shuohtuh; büpa kü hinglemtuh, hatü büpai ha dükphahen.

PHONGSHANTHÜ DOU 4:29

Shaang, Shembüpa, jomi nyem shaopü kü veihümao, hatü nüngei chongphobüthüi mong longei nüngei shah ehütuh.

2 TIMOTI 4:8

Shaang mü leitü ngei shingvaishi daülangshemshepü ong athen hük shahhing shahphenpü Shembüpai hapa nyih ngei kü shuohhen temei nyüke, hatü hayü ngei kü mon nevai, shejao büpa yiükahen ongyangei danpüthü peü kü shuohhen.

2 TIMOTI 1:12

hatü ha tata kü ngei shangpongnyeih. Hei shejao ngei neveünyih; mehenangkü ngei üpa kü hinglem, ha ngei nying, hatü hapa nyih shingvaishi ngei mehe büpa kü nangei tuhphong, büpai ha yomaokhen shei ngei monglempü nyüpeih.

LUK SHAHSHA APPÜ 23:46

Hahepak kü Jisui ngeüwong anei, “Opa, nüngei lak kü ngei ngelei laangha lanei shuohnyeih” shei e. Ha etü büpa ngüshom heeyei mongdang shemm.

MENVIH KESHO 31:5

Nüngei lak kü ngei ngelei laangha shuohnyeih; nüngi ngei yangteke, Oh Shembüpa, hingshangpü Kahvang.

MENVIH KESHO 10:14

Shejao Oh Kahvang, nüngi shanghah hatü mongshang nyingnyüke, hatü nüngi ha kü sheühhen temei nyüke; Neaoknethangpüthüi nüng kü lanei shuohnyüke; nüngü hashihhathü kü sheühnyeih.

SHAKEI VAMPÜ 19:11

Hapheikü ngei vangsho aptüktü ee, hatü halei koyei shola hük nyuteke. Hapalei uopüba keyü Monglemaokpü hatü Hingshangpü shei nyük. Büpai shahhingi shahphennyeih hatü vehok hoknyeih.

1 PETER 3:9

Ammi ten kü ten, thaüvaü kü thaüvaü tekhangtei, shejao ha nang jeiyei moihimaneishuoh. Moihiman mükjüp danghen tata kü amphong nyükpeih.

2 THESALONIKA 1:5

Kahvang shahphenpeyü shahhing shei hapai hunyüke, hatü Kahvang ongching mepa shingvaishi amphong shangpong, hapa kü amphong changpü shei ie-aokhen.

EPHESIA 6:9

Hatü shembüthü, ammiyao ha aihük düktuh. Jom kü nyemshaopü dohtuh; mehenangkü anjiphen shingvaishi vangsholei Shembü hük nyüpeih, hatü büpa mü baong hanpü neshiü.

ROM SHAHSHA APPÜ 2:5

Shejao mechem Kahvangei shahhing shahphenpü shakei vamhen, vaanpü hatü mong neleppü mongdangi mongshihpü nyih shingvaishi ammi laophü shing mongshih jaoei tuhhahnyüke.

PHONGSHANTHÜ DOU 17:31

Mehenangkü büpai jepü shennyak hüki shahhingi kahdoknyü shahphenhen büpai nyih itei nyüke. Büpai hapayü büpa yangei leishihpü homei hangku peü kü denpü shuohnyüke.

PHONGSHANTHÜ DOU 9:1

Ha vangpan mü Sauli Shembüpalei nanglakthü jühen hih shei nyemshaoei ngongchong touei peiyei,

LUK SHAHSHA APPÜ 23:9

Büpai büpa kü hepak yah-ei shah phe, shejao Jisui büpa kü shahnyok neshuoh.

MENVIH KESHO 96:13

Büpa peikünyüke, büpai kahdoknyü shahphenhen peikünyüke shei jomi Shembüpa kü lokhen. Büpa daülangshemshepai kahdoknyü hatü shahhingi nanglakthülei shahphenhen.

MENVIH KESHO 7:11

Kahvangü shahhing shahphenbü; hatü nyihjeih mongshihpü Kahvang.

KAHBHAO 18:25

“Henüng keipü dou dükkahen shei nüngi tedeihhah; daülangpüthü mangthü mü aihük mü jütükhen shei nüngi tedeih. Kahdoknyü peü kü Shahphenbüi jiüpü nedükhen je?”

PHONGSHANTHÜ DOU 7:59

Mechem jomi Stephen kü yaongi shükpa, büpai, “Shembüpa Jisu, ngelei laangha yahtuh” shei phop.

LUK SHAHSHA APPÜ 23:41

Jiyü jiüpü kü ponghahnyeih, mehenangkü jilei doui shangpü dangpeih. Shejao hapa shennyaki meheyao nejiüpü nedük” shei eteke.