1 PETER 2:19 - DAÜLANGPÜ LAIHING (BSI)

¹⁹ Kahvang nyingpü nangkü shennyak hüki ponghen nejiüpü shangpong nenjema, hayü mongongbenüng nyüke.

1 PETER 2:19 Referans Kwoze

1 PETER 2:20

Ammi nejiüpü dükpü nangkü üphahtü ha nenjema, ha kü mehe menmei nyüpa? Shejao ammi jiüpü dükpü kü shangpongjema Kahvangi am kü hapa shing moihimanhen.

1 KORINT 15:10

Shejao Kahvang phahji homei ngei shaang mehe nyu ha hih, hatü büpalei phahji ngei shingvaishi angsha neleidai. Halei meyü jomphong peü mü ngeiang nyeishi kheyei dükpeih– hapayü ngei nevai, shejao ngei mü nyupü Kahvang phahji homei.

LUK SHAHSHA APPÜ 6:32

Ammi am kü bampüthü kü mon bamjema, hapai am mehe menvih danghen? Mehenangkü mangthüiyao jom kü bampüthü kü jomiyao bamnyeih.

ROM SHAHSHA APPÜ 13:5

Hanangkü hanghi danghen vaipü nangkü phangkü shühen nevai, shejao jiüpü nejiüpü nyingpü kon homeiyao düktuh.

JOHAN 15:21

Shejao ngelei men tata kü jomi am kü ha douthü dükphahen; mehenangkü üpai ngei shom, jomi büpa nenying.

2 TIMOTI 1:12

hatü ha tata kü ngei shangpongnyeih. Hei shejao ngei neveünyih; mehenangkü ngei üpa kü hinglem, ha ngei nying, hatü hapa nyih shingvaishi ngei mehe büpa kü nangei tuhphong, büpai ha yomaokhen shei ngei monglempü nyüpeih.

2 KORINT 8:1

Jeihinaü hatü nyahinaüthü, Macedonia leipü attoithü kü Kahvang phahji shuohpü jung hami am kü nyinghünyüke.

2 KORINT 1:12

Shaang ham changmeipü hatü hamei mongdeih denpeyü hapa hih: Hami hapa kahdoknyülei anyei vaishi am mü shahngai eshi, shüeinyiükei kahdoknyü kihikoni nevai, shejao Kahvang phahji homei nyupeih shei hamei mongi denpü shuohnyüke.

MENVIH KESHO 119:86

Nüngei shahkungthü peü hinglembenüng, ten neshiüshiüi ngei kü shüveiteke, ngei kü sheühshihma.

MENVIH KESHO 69:4

Meheyao ten neshiüpü kü ngei kü jiühitpüthü shokuk mao nyeidaiteke. Ngei jühenthü longi nyüke, shahshemi ngei nyonghüpü vepathü longi nyüke. Mehe ngei negüh, ha ngei shemhen je?

MENVIH KESHO 38:19

Ten meheyao neshiüjü ngelei vepathü longi nyüke; Pungpü neshiüshiüi ngeikü jiühitpüthü longi nyüke.

MENVIH KESHO 35:19

Ngei shak kü ngelei vepathüi mongteonghü, nevaijü ten neshiüpü kü ngei kü jiühitpüthüi ngei mongshangpü eeyei mük nyepei shah te-eteihü.

JOB SHAHSHA APPÜ 21:27

Nüngi mehe deih, ha ngei nyingnyüke; ngei nyonghühen tempü küpjan yaoteke.

PHONGSHANTHÜ DOU 11:23

Mechem büpa peipa, Kahvang phahji eeyei büpa mongong, hatü büpai peü kü lanei shuoh-ei Shembüpa kü hinglemei nyuhen nangthongei e;

HEBREW 10:2

Hei nevailangmeyü jomi moila shuohpeyao doh-ei, khümpüthü den shing chem mon kü daüdaitü hajük kü mang shei nedeih-i nyudaihen vaipeih.

1 PETER 4:15

Shejao am üpaiyao shennyak jüpü, gühpü, ten dükpü nevaijü mih-ei shahhidou kü shihlangei yaongpü am kei teponghah.