1 PETER 2:17 - DAÜLANGPÜ LAIHING (BSI)

¹⁷ Peü kü jiüshangi dhüm hutuh. Vaipü küphüthü kü bamtuh; Kahvang kü nyemtuh hatü ongpa kü dhüm hutuh.

1 PETER 2:17 Referans Kwoze

KANDOK 24:21

Ngelei hapeü, Shembüpa kü nyemtuh, hatü ong kü dhüm shuohtuh; Nüngi üpalei venao nedani tenyu;

ROM SHAHSHA APPÜ 12:10

Aihük bamteipai hüki hük mü bamteituh; dhüm huteipü kü hüki hük mü nyeipüba nyutuh.

ROM SHAHSHA APPÜ 13:7

Mih kü hang shuohhen nyupü peü kü ha shuohtüktuh; lat shuohhen am kü lat, douhinang lat shuohhen am kü hapa lat, hatü dhüm shuohhen am kü dhüm shuohtuh.

1 PETER 5:5

Ha aihük mü am nethethüi behethü phangkü nyutuh. Am peüi hüki hük touei maanpü leipü ow owtuh; mehenangkü “Kahvangi changmeipüthü khünyeih, shejao maanpü leipüthü kü phahji shuohnyeih.”

HEBREW 13:1

Nedoh-i hüki hük mü bamteipü nyutuh.

PHILIPPI 2:3

Laophü shing mon hahnemei deihpü, nevaijü laophü shing mon maongnyeipai mepayao tedük, shejao maanpü leipü kü laophü meyü mih-üng meipüba shei ieyeilemtuh.

1 PETER 1:22

Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.

MÜLANGPÜ 20:12

Shembüpa, ammei Kahvangi shuohpü kahdok kü yangnyu shoshoei nyuhen shingvaishi ammei anyü hatü ampa kü dhüm shuohtuh.

1 TIMOTI 6:1

Üami aalei pang phangkü nyüpa, peüi laophülei shembü kü dhüm shuohtuh, shejüang Kahvangei men hatü nyuhpüvenpü kü ne-eelahen.

2 KORINT 7:1

Bampü küphüthü, jen kü lahpü hathü nyupü nangkü jen nyingi büm hatü laangha nedaüpü peü kübü daüei Kahvang nyempü kü daülangpü changpüshapü leihüshah.

LEVI 19:32

Viünyü viüpa kü sheühtuh; behe kü dhüm shuohtuh, hatü ammei Kahvang kü nyemtuh. Ngeiyü Shembüpa.

MATHI 22:21

Jomi, “Ongpalei” shei e. Hahepak kü büpai jomphong kü, “Ongpa kü shuohhen jiüpü ongpa kü yah-eishuoh, hatü mehe Kahvang kü shuohhen jiü, ha Kahvang kü yah-eishuoh” shei e.

CHONGVENBÜ 8:2

Ongpalei shahkungnyü bangtuh; mehenangkü nüngi ha Kahvang touei lahtükteke.

EPHESIA 5:21

Khrista kü dhüm shuohpü homei am hüki hük phangkü shüteituh.

KANDOK 23:17

Nüngei mongdangi mang shennyakthü kü mük tehüh, shejao nüngei Shembüpa nyempü kü nyutuh.

KANDOK 1:7

Shembüpa nyempeyü nyingpühingpü chongpangpü; shejao ngapai kihikon, hatü nyuhpüvenpü yaktüknyeih.

MENVIH KESHO 111:10

Shembüpa nyempeyü kihikon chongpangpü; ha noteipüthü peü kü danaokpü meipü nyüke. Büpa menvihpü den kü nyunyeih.

1 SHÜPPÜKENGPÜ 29:20

Hapheikü Davidi thaipü nanglakthü kü, “Shembüpa, ammei Kahvangei men longtuh” shei e. Hanangkü jom peüi Shembüpa, jomei bühipa Kahvang kü menvih; jomi Shembüpa hatü ongpa touei kahdok kü aümei shateke.

JOHAN 13:35

Am hüki hük mü bamteijema, hapai amphongü ngelei nanglomthü khih shei peüi nyinghen” shei e.

1 SAMUEL 15:30

Hahepak kü Sauli, “Ngei mang thahteke, shejao Israel am behethü hatü nanglakthü touei ngei kü dhüm huei ngei Shembüpa nüngei Kahvang kü khümhen chemi leishah” shei e.

KAHBHAO 42:18

Nyih jempabü kü Joseph-i jomphong kü, “Ha düktuh, hatü am yemmü nyuhen; mehenangkü ngei Kahvang kü nyemnyeih:

KAHBHAO 22:12

Büpai, “Nüngi naü kü lak teshih nevaijü büpa kü meheyao tedük; mehenangkü nüngi Kahvang kü nyemnyüke, hatü laophülei halom hük mon nyupü dangkao ngei kü moilahen kaungei nenyu shei ngei nyingteke” shei e.

KAHBHAO 20:11

Abrahami, “Hapa shingei Kahvang kü nyempü lanshei neshiü; ngelei nyüha tata kü ngei jüphahen khih shei deihpü nangkü ha dükpeih.

ZEKHARIAH 11:14

Judah hatü Israel aa kü jeihinaü awdep yantükpü huei, “Mongjempü” shei etü nyipabü lenshuoh ngei bhagtük.

1 PETER 2:13

Shembüpalei men kü hangku shak kü vanglem lempüthü phangkü nyutuh; peü mü longpeyü ongpa vaihütuh,