1 PETER 2:12 - DAÜLANGPÜ LAIHING (BSI)

¹² Kung am touei ammi dhüm kohshi düktuh; jomi am kü ten dükpü am shei ejao büpa shahphenhen yiüshingkü jomi ammei dhüm kohbenüng doumei eeyei Kahvang müknyinshekhanghen.

1 PETER 2:12 Referans Kwoze

1 PETER 3:16

Shejao hapayü inyainyempai dhüm kohshi etuh. Am kü yaüpüthüi ammi Khrista kü doumei dükpü eeyei thaüvaüpüthü veühühen shingvaishi ammei chudeih mongdeih daülangi tuhtuh.

MATHI 5:16

Hapa keiha am kü nyupü vangngai mih kü nyahütuh; shejüang jomi ammei doumei eeyei vangsholei nyupü ammei Pa kü müknyinshekhang shuohhen.

2 KORINT 8:21

Shembüpa touei mon nevai, shejao shennyak toueiyao mehe jiü, ha dükhen hami hanghi yahnyüpeih.

1 THESALONIKA 4:12

shejüang ammi haolei nyupüthü touei dhüm kohhahhen mü nyuhen, hatü ammi üam kao mongnyangshi nenyuhen.

1 TIMOTI 4:12

Nüngei nethe yangnyu kü üpaiyao ne-ienelemi tenohah, shejao epü kü, dükpü kü, bampü kü, hatü daülangshemshepü kü lappü hük nyutuh.

JAKOB 3:13

Amphong khongkü nahpü hatü danaokpü üpa nyüpa? Ammei douthüyü kihikon kübü bühpü inpünyaipü homei düknyu khih shei ammei yangnyu meipai hutuh.

PHILIPPI 1:27

Khristalei shahjangmei-i napükei ammei yangnyu dei-aei nyutuh; ngei peiyei am mü pongjao nevaijü ngei nepeijao am jung danhen, shejüang amphong laangha hük kü mong hük leiyei shahjang meipü kü hinglemei wong kohshi yaongnyüke shei ngei nyinghen,

2 KORINT 1:12

Shaang ham changmeipü hatü hamei mongdeih denpeyü hapa hih: Hami hapa kahdoknyülei anyei vaishi am mü shahngai eshi, shüeinyiükei kahdoknyü kihikoni nevai, shejao Kahvang phahji homei nyupeih shei hamei mongi denpü shuohnyüke.

2 PETER 3:11

Hanangkü douthü lemphü hapakei mahdaihen vaipü nangkü menüng keipü daülangpü hatü Kahvang nyingpü yangnyu ammi nyuei,

ROM SHAHSHA APPÜ 13:13

jeni vangngai kü keiha deiaei meipü kü nyushah; hahngayungpe hatü nükchokyiümok nevai; mükbongjuyung hatü phai mongongmongle nevai; dehilao hatü mükhakmongyung nevai.

ROM SHAHSHA APPÜ 12:17

Nüngi üpa kao ten kü ten jeiyei teshuoh, shejao peü touei mepa jiüpa, ha dükhen kentuh.

HEBREW 13:18

Ham shing phopshih. Ham kü mongdeih daülangi nyupü hami nyingei nyüpeih; mehenangkü lemphü kü dhüm kohshi jiüpü dükei nyuhünyeih.

1 TIMOTI 2:2

ongthü hatü laphen dok kü vanglem lempüthü shing nyutuh, shejüang jeni Kahvang nyingpü hatü dhüm kohpü kü nenmü hatü chingmei yangnyu nyuaokhen shei ngei nüng kü kangnyeih.

PHILIPPI 4:8

Shompülei, bampüthü, mepa shahhing, mepa dhüm kohbenüng, mepa jiüshangpü, mepa daülangpü, mepa bamhübenüng, mepa menvihbenüng nyu, meibenüng nevaijü menvih shuohbenüng lemhük dangkao nyuküjema, henüng keipü douthü deih-ei dangtuh.

EPHESIA 4:22

Amphong keyü shongpü yangnyu lem chang, ammei yangnyu chang, lueilemei lemphü kü vaüpai mangtükpü peü yaktükhen nyuhpeih,

MENVIH KESHO 50:23

Üpai menvih shuohpü moila shuohnya, ngei kü dhüm hunyüke; hatü ngei Kahvang yemleipü büpa kü huhen shingvaishi büpai lem temhahnyüke.”

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

ROM SHAHSHA APPÜ 15:9

hatü Kung amiyao büpalei phahji nangkü Kahvang müknyinshekhanghen. Ha nyangei nyüke: “Hanangkü Kung am touei ngei nüng vihhen, hatü nüngei men vih-ei lokhen.”

LUK SHAHSHA APPÜ 19:44

Jomi am hatü ammei hapeüthü yepei kahdok kü hathühen, hatü jomi yaong hük shangkü hük dheanei netuhphonghen; mehenangkü Kahvang am touei peihen hepak ammi nenying” shei e.

MATHI 10:25

nanglom hüki nyuhbü kei nyuhen, hatü aa hük shembü kei nyuhen changpeih. Shemong kü shangjing hük kü Beelzebul shei nyükjema, aopü shem am keyü ha kao nemeipüba nyükphahen.

MATHI 5:11

Ngei nangkü mechem hangkuthüi am kü yaüeilunghen, am kü shüveihen hatü am khüei shahshemi ten peü ehenshang am moihimanpü.

1 PETER 4:11

Üpai chongvennya, Kahvang shah kü epükei chongventuh. Üpai chongphonya, Kahvangi shuohpü wongi chongphotuh; shejüang doulem peü kü Jisu Khrista homei Kahvang müknyinshekhanghen. Büpa kü müknyinshekhang hatü ngan den den kü lompü vaihütuh. Amen.

ISAIAH 10:3

Hanghi pongpü nyih ammi mehe linghen? Tailu leipü shanghah peipü nyih ammi mehe dükhen? Üpa touei sheühshih shei peijahen? ammei mop melei tuhphonghen?

MENVIH KESHO 37:14

Nemeipüthüi taopathü, hatü nehahneyingpüthü vüshihhen, hatü kangshangi kampüthü jühen yan nonyüke hatü lah künyüke.

EPHESIA 2:3

Chem jen peüi phai-i mongpü aimü jom mü nyuei, phai hatü mongi vaüpü phei müei nyu, hatü jenphongü nyingnyoi kü-üng Kahvang mongshih ponghahhen hapeüthü nyuteke.

2 KORINT 13:7

Shaang ammi meheyao pungei nedükhen shingvaishi hami Kahvang kü phopnyeih. Hayü hami dokpü neütük shei nanglakthüi eehen nangkü nevai, shejao hami neaokpükei nyujao ammi mehe jiü, ha dükhen shingvaishi nyüke.

1 KORINT 14:25

hatü büpalei mongdangei joshi nyupü peü shakei nyingdaihen. Hanangkü büpa aümei shatü, “Hingmei, Kahvangü am khong mü nyüke” shei eyei Kahvang kü khümhen.

PHONGSHANTHÜ DOU 24:13

Nevaijü jomi shaang ngei khüei epü shah kü nüng touei shah lakdükshing nedangpih.

PHONGSHANTHÜ DOU 15:14

Kahvangi shongei Kung am kü bamei veipü, hatü jom khong kübü laophülei lompü nanglak vaihen yahhen jung Simoni nih-ei eküteke.

LUK SHAHSHA APPÜ 6:22

Shennyak Ha nangkü mechem nanglakthüi am kü jiühithen, mechem am laktükhen, naamei ehen, hatü am kü ten ehenshang am moihiman.

LUK SHAHSHA APPÜ 1:68

Shembüpa, Israel Kahvang moihimantuh; mehenangkü büpai laophülei nanglak kü phahjiyei veiteke, hatü jom angei leiteke.

MATHI 9:8

Mechem khongi ha eepa, jomphong nyempai ma, hatü hangku kü hapa keipü wong shuohpü Kahvang kü müknyinshekhang.

PHONGSHANTHÜ DOU 25:7

Mechem Paul heihjapa, Jerusalem leipü yiüpü Jehoda ami büpa shonei yaong, hatü jomi meheyao shah lakdükshing nedangi Paul khüei shah longi e.

DANIEL 6:4

Ha nyingei, vanglem lembü nyi hatü governorthü peü Danieli ongching kü dükpülingpü lemphü kü mang yephen lem yem, shejao jomi büpa kü shaipü pungpü meheyao neyepaok; mehenangkü büpayü shahhing epü, nehetnewongi nenyupü nevaijü meheyao ten neshiüpü shennyak nyuteke.

JOHAN 13:31

Mechem büpa vamdaipa, Jisui, “Shaang Shennyak Ha müknyinshekhangteke, hatü büpa kü Kahvang müknyinshekhangteke.

PHONGSHANTHÜ DOU 28:22

Shejao nüngi mehe deih, hami nüng leipü danhahhüangke; mehenangkü hapa khong nangkü peüei khüei langmaanpü hami nyingnyüke” shei e.

ROM SHAHSHA APPÜ 14:18

mehenangkü üpai hapakei Khrista chongphonya, büpai Kahvang mong hahhünyeih hatü shennyaki meiangke shei yahnyeih.

1 TIMOTI 5:10

Pinnyülei doumei kü peüi denpü shuoh-aokshampü, hapeüthü meishi longaokpü, yen kü bampü hupü, daülangpüthülei la phuopü, shanghahpüthü kü sheühpü, hatü lem peü kü doumei dükpü kü lanei shuohpü vaihen khih.

1 PETER 2:15

Mehenangkü jiüpü dükpü homei ngapathüi nenyingi epü ammi nentükhühen hapayü Kahvangi mongpü nyüke.

RUTH 3:14

Hanangkü pinnyüi büpalei la tüngei paüm, shejao shennyak dhehimen mangnyingi vangngai pibom kü pinnyü paodai; mehenangkü hah tenshingei nyüha peiyei paümpü khih shei üpaiyao tenyinghü” shei Boaz-i eteke.