1 PETER 2:11 - DAÜLANGPÜ LAIHING (BSI)

¹¹ Bampü küphüthü, kahdoknyü kü yenpa hük keiha ngei am kü enyeih, laangha khüei hokpü phai-i yahhüpü peü kübü yanei nyutuh.

1 PETER 2:11 Referans Kwoze

GALATIA 5:24

Üamphong Khrista Jisulei lompü vainya, phai-i lümpü hatü yahhüpü peü shophang kü aptükteke.

1 PETER 4:2

Shaang mü leitü ammei aopü kahdoknyü yangnyu-ü hangkui lümpü kü nevai, shejao Kahvangi mongpü kü nyutuh.

HEBREW 11:13

Ha shennyakthü peü jom dipü thahshi hinglempü kü nyu. Jomi lahtükpü douthü nedang, shejao jomi tailuei hathü dou peijapü eeyei mongong. Jomi hapa kahdoknyü kü jomphongü yenpa hatü benha shei deih;

ROM SHAHSHA APPÜ 8:13

Mehenangkü amphong phai-i mongpükei nyujema, am dihen, shejao ammi Laanghai büm douthü jütükjema, am yemmü nyuhen.

1 SHÜPPÜKENGPÜ 29:15

Mehenangkü nüng touei hamphongü hamei bühipa keiha yenpa leshi nyüke; kahdoknyü kü hamei nyihthüyü vangdhüm laang kei mon, hatü monglemhen neshiü.

JAKOB 4:1

Amphong khongkü depülaopü hatü neshetnephen meleipü vamhünya? Hathüyü yahhahhüpai ammei mongei deyeilaoei nyupü kübü vamnyu nevaipü je?

2 TIMOTI 2:22

Thehila hepak iyjeiphailei kübü nyaidaituh, hatü daülangshemshepü, hinglempü, bampü hatü chingmeivangmei changei daülangpü mongdang kübü vamei Shembüpa kü nyükpüthü mü daituh.

2 KORINT 7:1

Bampü küphüthü, jen kü lahpü hathü nyupü nangkü jen nyingi büm hatü laangha nedaüpü peü kübü daüei Kahvang nyempü kü daülangpü changpüshapü leihüshah.

ROM SHAHSHA APPÜ 12:1

Hanangkü jeihinaü hatü nyahinaüthü, ammei büm Kahvang touei daülangpü hatü yah-aokbenüng yemmü tuhtü jakpü moila kei shuohtuh shei ngei Kahvang phahji homei am kü khümnyeih– hapayü ammi laangha kü khümpü dou nyüke.

EPHESIA 4:1

Hanangkü mepa nangkü amphong nyük, ha nyükpü shangshi ammei yangnyu nyuhen ngei, Shembüpa kü khoklatei küpbüi am kü khümnyeih.

ROM SHAHSHA APPÜ 7:23

shejao ngelei büm kü lebü shahkung hüki ngelei mong kübü shahkung mü hokei ngelei büm kü nyupü mang shahkung kü ngei yepei küptükpü ngei eenyüke.

PHONGSHANTHÜ DOU 15:29

Ammi lajei kü jeetükpü hahying nehahhen, iy hatü yüpei jüpü nehahhen hatü mükbongjuyung kübü yantuh. Ammi hathü kübü yanei nyujema, am-üng meipüba kü nyuhen, dohpü selam.”

LUK SHAHSHA APPÜ 21:34

“Lishi nyutuh, hei nevaijema mop dameihupü, yiü chokpü hatü yangnyu mongshangi ammei mong vihhen, hatü hapa nyih nüngi nenyingpü kü taikoni keiha nüng manlanghen.

MENVIH KESHO 119:19

Ngei hapa kahdok kü yenpa hük kei nyunyeih; ngei toueipü nüngei shahkung tejolang.

MENVIH KESHO 39:12

Ngei phoppü danlangshih, Oh Shembüpa; hatü lenpü kü dhaong shaangshih; ngei theppü kü nüngi sheühshih. Hamei obü opa am keiha ngei nüng mü yenpa kei nyunyeih.

LEVI 25:23

Ammi kahdok vang mü teyutük; mehenangkü hapayü ammei lompü nevai; ngelei, hatü amphongü halei yen kei lakeiloiyei nyupü am kei nyüke.

1 PETER 1:17

Shennyak peü kü laophülei dou aimü baong nehani shahphenpü Pa kü ammi nyükjema, wüpküpei nyushi ammi nyemei dhüm shuohpükei nyutuh.

2 KORINT 6:1

Jen chemi büpa mü dou dükshingkü Kahvang phahji angkong kü neyahhen hami am kü enyeih.

2 KORINT 5:20

Hanangkü hamphongü Khrista shing lembüthü; mehenangkü Kahvangi hamphong homei nanglakthü kü nyükhen phepü nangkü Khristalei men kü hami khümnyeih, Kahvang mü mongjemei leituh.

PHONGSHANTHÜ DOU 15:20

shejao jeni jom kü nyangshuohhenü lajei kü jeetükpü hahying nehahhen, mükbongjuyung mang kübü, hatü yüpei jüpü hatü iy hahpü kübü yanei nyuhen ehen khih.

KAHBHAO 47:9

Jakobi Pharaoh kü, “Ngei paüeiyonei longteipü vangbongü kho hük mü hapüan hih. Ngelei yangnyu-ü obü opa am longteipü kü shetteijü maani hatü ponghah-ei nyupeih” shei e.

1 PETER 1:1

Peter, Jisu Khristalei phongshani, Pontus, Galatia, Kappadokia, Asia hatü Bithynia kü haidaipü,

MENVIH KESHO 119:54

Melei ngei paümeithemei nyuhen, nüngei shahkungthüyü ngelei kesho vaihampeih.

KAHBHAO 23:4

“Ngeiyü benha hatü yenpa hük am mü nyunyüpeih. Ngei mahng vühen shingvaishi mahngchong vaihen kahdok maani yushih” shei e.

EPHESIA 2:19

Hanangkü am hajük kü yenpa hatü benhapa nevai, shejao amphongü daülangpüthü mü bühü hatü Kahvangei shem am mü nanglakthü.

HEBREW 6:9

Hami hapakei ejao, bampü küphüthü, hami am nangkü meipü douthü monglemnyeih, hayü yemleipü douthü.

1 PETER 4:12

Bampü küphüthü, am kü shaang ngangahük kü lemhük vamnyukei am kü dokpü homei ponghahpü kü thamaei tedeih.

2 PETER 3:1

Bampü küphüthü, shaang hapai nyipabü lai ngei am kü nyangnyeih. Ngei ha lai nyiyü am kü kenhingmongha chudeih vamhen nangkü deihhen shingvaishi ngei khenyüpeih.

KAHBHAO 21:34

Hatü benha hük keiha Abrahami Philistia kahdokei hepak luangi nyu.

LEVI 15:18

Nyüha baha nyi jemteipheikü jijinyipheni hangha laktükhen vongbong, hatü jijinyiphen om dhüshi nedaüpü leihen.