1 PETER 2:1 - DAÜLANGPÜ LAIHING (BSI)

¹ Hanangkü am kübü ten dükpü, lueilempü, akhümmong-üm, mükhühpü, hatü ten epü lemphü tuhphongtuh,

1 PETER 2:1 Referans Kwoze

EPHESIA 4:31

Am kübü shahyakpü, lohpü hatü mongshih anpü, depülaopü, ühing itpü hatü lemphü ten dükpü yaktüktuh.

JAKOB 1:21

Hanangkü nedaünelangpü hatü ten dükpü peü yaktüktuh hatü inyainyempai nüngei laangha yanghen ngan kohpü mongdangei sheipü shah yahtuh.

JAKOB 4:11

Jeihinaü nyahinaüthü, am hüki hük khüei ten te-etei. Üami lebü khüei ten ehen, nevaijü shahphenhen, shahkung khüei ten enyüke hatü hapa shahphennyüke. Shejao ammi shahkungi shahphenjema, amphongü shahkung bangpüthü nevai, shejao shahphenbüthü leinyüke.

1 PETER 3:10

Laihingi ha enyüke: “Üami yangnyu nanya, hatü nyihmei eehen lümnya, jomi laophülei yei ten epü kübü, hatü ühing itpü ju yepei tuhtuh;

1 PETER 4:4

Jom mü hükkei beiyei nyeiyei nyupü yangnyu kü am ne-omjapü nangkü jom thamanyüke; hanangkü jomi am kü thaüvaünyüke.

1 PETER 4:2

Shaang mü leitü ammei aopü kahdoknyü yangnyu-ü hangkui lümpü kü nevai, shejao Kahvangi mongpü kü nyutuh.

JAKOB 5:9

Jeihinaüthü, am hüki hük khüei tenümnüm, shejüang am kü shah nephenhen. Veituh, Shahphenbü shadenei yaongshi nyüke!

HEBREW 12:1

Hanangkü jen shinei denbüthü khong longpü nyupü nangkü jen kü lem bangpü lemphü hatü jen kü yeppü mang peü yaktükshah, hatü jen sheshalei mokhen nyupü lemshong kü mong shuoh-ei mokshah.

1 TIMOTI 3:11

Hapa keiha nyühathüao nyingnyoi meipü, mihla ne-epü, shejao shümei aokpü hatü dou peü kü mong shuohpü vaihen vongbong.

MENVIH KESHO 34:13

Ten ehen kübü nüngei yei ungei tuhtuh, hatü ühing shah ehen kübü nüngei ju yepei tuhtuh.

1 PETER 2:22

“Büpai mang nethah, hatü büpalei ju kübü shahshem hükao nevam.”

TITUS 2:3

Hapa keiha nyüyongthü kao nyingnyoi kü dhüm kohshi nyuhen etuh; ühing itpü am nevai, nevaijü yiülei aa nevai; jomi mehe mei ha nyuhhen vongbong,

MENVIH KESHO 32:2

Üamei mang khüei Shembüpai nenyonghü; üamei laangha kü lueilempü neshiü, jom moihiman.

1 KORINT 14:20

Jeihinaü hatü nyahinaüthü, chudeih kü hashih kei tenyu; ten nangkü hashih kei nyutuh, shejao chudeih kü behe kei nyutuh.

ROM SHAHSHA APPÜ 1:29

Jomphong kü lemphüli mang, ten, hahnempü hatü ten dükpai maei nyüke. Jomphongü mükhühmongyung, jüteishangtei, dehilao, ühingnakai, hatü glüpi maei nyüke. Jomi mihla,

LUK SHAHSHA APPÜ 6:42

Nevaijü mekei etü nüngi nüngei jeihinaü kü nüngei mük kübü püshem ne-ee-i tuhtü nüngi, “Jeihinaü, ngei nüngei mük kübü mag tükphüshah” shei eaokhen? Nüng akhümmong-ümpa, shongei nüngei mük kübü püshem yaktüktuh, hatü hapheikü mon nüngi jeihinaülei mük kübü mag tükhen lekei ee-aokhen.

MATHI 23:28

Hapa keiha amphongao mih-i veiheni shakdoki daülangpü am keiha, shejao mongeiyü akhümmong-üm hatü mangi maei nyüke.

MATHI 7:5

Akhümmongümpa, shongei nüngei mük kübü püshem yaktüktuh; haphei küang nüngei küphülei mük kübü kümak tükhen mü eeaokhen.

MENVIH KESHO 37:1

Mangthü nyupü nangkü mongteshang; ten dükpüthü kü mük tehüh;

2 KORINT 12:20

Mechem ngei peihenshang, ngei napükei am nenyuphahen, hatü ammi napükei ngei nenyukahen vaaishang shei yingei deihnyüke; Üpai nyingpa, depülaopü, mükhühteipü, mongshih anpü, laophü shing mon deihpü, yaüeilungpü, mihla epü, changmeipü hatü bukpüshaanpü nyuhen khih shei ngei yingei deihnyüke.

KANDOK 24:1

Nüngi nemeipü vaüei tedeih, nevaijü jom mü nyuhen telüm;

KANDOK 3:31

Üpteilenteipü shennyakthü kü mükhüh-ei tevei, hatü jomei lem tejehah;

SHAKEI VAMPÜ 14:5

hatü jomei ju kü shahshem neshiü, jom kü eela neshiü.

1 PETER 2:16

Bümei nanglakthü kei nyutuh, shejao ammei bümei hean mang küptükhen shingvaishi tenotei; Kahvang chongphobüthü kei nyutuh.

JAKOB 4:5

Nevaijü jen kü nyuhüpü laanghayü Kahvangi büpa shing mon nyuhühen mükhühnyeih shei Laihingi epeyü meheyao nevai shei ammi deihnyu je?

JAKOB 3:14

Shejao ammei mongdangei shahyakpü mükhüh mongyung hatü laophü shing mon deihjema, am techangmei, hatü shahhing tenyongtük.

1 THESALONIKA 2:3

Mehenangkü hami baongpü shahjangmeiyü lueilempü nevaijü nedaüpü chudeih nevaijü glüp kohpü kübü nevamnyih,

1 KORINT 5:8

Hanangkü jeni mang hatü nemeipü daw chang mü nevai, shejao jeni daw neshihpü daülangpü hatü shahhing aan mo moshah.

JOHAN 1:47

Mechem Jisui Nathanael ngoijapü eepa, “Meheyao shahshem neshiüpü hingshangpü Israel am hatouei nyüke” shei büpai büpa nang e.

LUK SHAHSHA APPÜ 11:44

Am onyükei! Mehenangkü amphongü joshi nyupü mahngchong leangke; shennyakthüi nenyingi ha shangkü kamnyüke.

ISAIAH 30:22

Hahepak kü ammi hon hatü ngini shaokei lingpü lajeithü yah-ei ashakten keiha yaktüktuh.

KANDOK 24:19

Mang shennyakthü nyupü nangkü nüng mongteshang; nüngi nemeipüthü vaüei tedeih;

KANDOK 14:30

Mong nyiushem meipai büm kü yangnyu shuohnyüpeih, shejao mükhakmongyungpai vangni shetüknyeih.

JOB SHAHSHA APPÜ 36:13

Kahvang nenyingpüthülei mong kü düngei mongshih-ei mon nyunyeih, hanghi ponglangmao jomi sheühpü yüei nephopnyih.

LUK SHAHSHA APPÜ 12:1

Mechem shennyak khongnyü longi hüki hük mü shoupteihen mü thaijapa, büpai shongei büpalei nanglomthü kü e, “Amphongi Pharisee amei daw kü lituh, hapa lappü, jomei akhümmong-üm.

MARK 12:15

Hami ha neshuohhen hi shuohhen?” shei phe. Shejao Jisui jomei glüp nyingei büpai hathü kü, “Ammi mehekei ngei kü doknya? Poisa pha hük ngei touei deikei hatü ngei ha kü veishah” shei e.

MATHI 24:51

Shembüi büpa khih mü dehtükhen hatü akhümmong-ümpüthü mü shüktükhen; halei theppü hatü bha vükpü nyuhen.

MATHI 15:7

Amphong akhümmongümthü! Isaiah-i am nang jiüshi tetteke:

ISAIAH 2:20

Hapa nyih shennyakthüi jomi khümteipü hon hi ngin, lajeithü, humhalache, hatü abakthü touei shükphonghen.

MENVIH KESHO 73:3

Mehenangkü ngei changmeipüthü lümei deihpeih; nemeipüthüang meishi nyunyu khih shei veihahpeih.