1 PETER 1:5 - DAÜLANGPÜ LAIHING (BSI)

⁵ hayü dohpü hepak kü hinglempü homei Kahvangei ngani yangpüthü touei shakei vamhen temtükpü yemleipü nyüke.

1 PETER 1:5 Referans Kwoze

PHILIPPI 1:6

Üpai am touei doumei chongpang, hapa Jisu Khristalei nyih thahshi kü temhen shei ngei monglempü nyüpeih.

EPHESIA 2:8

Mehenangkü phahjipai hinglempü homei am yangpeih, hatü hayü ammei lakdou nevai; hayü Kahvangei thintho;

JOB SHAHSHA APPÜ 19:25

Ngei Yangpüba yemmü nyüpeih shei ngei nying, hatü dohpülei hapa kahdokei büpa yükahen,

1 PETER 1:13

Hanangkü dou dükhen nüngei mong shan temtuh; laophü nying ungei-aeituh; büpa shakei vampü nyih Jisu Khristai koei yiükahen phahji kü am monglempü tuhtuh.

JUD SHAHSHA APPÜ 1:1

Jud, Jisu Khristalei chongphobü hatü Jakobei chenaü, Nyüklangpüthü, hatü Pa Kahvangi bampüthü hatü Jisu Khristai yangei tuhpüthü touei,

HEBREW 9:28

hapa keiha Khrista-ao nanglak longilei mang yah-ei lüdaihen shingvaishi chem mon moila shuohpeih. Büpa nyipabü yiükahen, hayü mangthü mü eteihen nangkü nevai, shejao büpa omdanpüthü kü yemleipü koei yiükahen.

2 TIMOTI 3:15

hatü hashih mebü nüngi Daülangpü Laihing, mepai nüng kü Khrista Jisu kü hinglempü homei yemleihen shingvaishi nyuhhen aoknya, ha nüngi nyingei nyüke.

GALATIA 2:20

hatü hajük kü shaang nyupeyü ngei nevai, shejao ngei kü nyupeyü Khrista, hatü shaang ngei phai kü nyupü yangnyu-ü ngei kü bampü ngei shingvaishi yangnyu shuohpü Kahvang Ha kü hinglempai nyunyeih.

JOHAN 17:15

Jom kahdoknyü leipü yahlanghen nangkü ngei nephopnyih, shejao nemeipü kübü jom yanglanghen shingvaishi phopnyeih.

TITUS 2:13

moihimanpü monglem hatü jenei longpü Kahvang hatü Yemleipü Jisu Khristalei müknyinshekhang shakei vamküpü danhen enyüke.

EPHESIA 3:17

hatü bampü kü am tünglang yiüei chongwongei hinglempü homei Khrista ammei mongdangei nyuhen ngei phopnyeih.

ROM SHAHSHA APPÜ 11:20

Ha jiüphei. Jomphongü hingnelempü nangkü bhagtükpeih, shejao ammü hinglempai mon yaongnyüpeih. Hanangkü am changmeiyei telei, shejao nyempai nyutuh.

JOHAN 12:48

Ngei yaktükpü hatü ngelei shah tüktükpü shingvaishi shahphenbü hük nyüke; dohpü nyih ngei epü shah-i büpa nyonghühen.

JOHAN 5:24

“Hingmei mü ngei am kü enyeih, üpai ngelei shah banghen hatü ngei shompüba kü hinglemhen yangnyuyem nyüpeih, hatü shahphenpülei nepeihen, shejao dipü kübü yangnyuyem touei lüdaiteke.

ISAIAH 51:6

Vangshothü kü ngangei veituh, kahdoknyü kü thaungei veituh! Mehenangkü vangshothü peü awshit keiha mahdaihen, hatü kahdoknyü ashak kei chang leidaihen, hatü halei nyupüthü peü maanha keiha didaikemhen. Shejao ngelei yemleipü denden kü nyuhen, ngelei daülangshemshe mechemao nekemdaihen.

ISAIAH 45:17

Shejao Israel amü nedohnetenpü yemleipübai yanglanghen; Nedohnetenpü thahshi amü mechemao veü neponghühen.

MENVIH KESHO 37:28

Mehenangkü Shembüpai shahhing kü bamnyeih; büpai büpa kü hinglempü shennyak neyakphonghen. Daülangpü am düngei yangei tuhhen, shejao nemeipü amei hapeüthü mahtükhen.

1 SAMUEL 2:9

Büpai hingshangpüthülei la yomhen, shejao nemeipüthüyü shangmang kü jütükhen; shennyak hüki laophülei wongi aokpü nedangnyih.”

JUD SHAHSHA APPÜ 1:24

Shaang büpa, üpai nüng dohen kübü yangei tuh-aok, hatü büpalei müknyinshekhang mü mongongpü touei nüng kawhikang neshiüi yaonghüaok,

1 JOHAN 3:2

Bampü küphüthü, shaang jenphongü Kahvangei hapeüthü nyüke; hatü jen mehe vaihen shao-üng shakei mangvam. Jeni nyingpeyü ha khih: mechem büpa shakei vamhenshang, jenphongü büpa kei nyuhen; mehenangkü büpa mekei nyu, hapakei jeni büpa eehen.

HEBREW 6:12

Am nehetnewongi nyemtenyu shei hami deihnyeih, shejao hinglempü hatü munenpüthü homei lahtükpü mükjüp dangpü am kei nyuhen nanyüpeih.

JEREMIAH 32:40

Ngei jom kü doumei dükpü nedohhen, jom ngei toueipü nelüdaihen nangkü ngei jom mongdhüng vamhühen.

2 KORINT 1:24

Hapayü hami am hinglempü shak kü shembü vaihen nangkü nevai, shejao am vaipü kü wongshongi yaongpü nangkü am mongonghen shingvaishi hamü am mü chemi dou dükbüthü hih.

JOHAN 4:14

shejao üami ngei shuohpü yung yinghenshang mechemao yung nelehen. Ngei shuohpü yungü jom kü yunglok leiyei vanyangyem touei bhaoei vamhen” shei e.

ISAIAH 54:17

Am kü nemeihen shei lingpü lahhilaong mepayao nenahnelanghen, hatü am kü thaüvaüei epü shahthü peü katitükaokhen. Shembüpa chongphopüthülei mükjüp, hatü jom dah shakhüpeyü ngei leipü shei Shembüpai enyüke.

KANDOK 2:8

Mehenangkü büpai kangshangpüthülei lem yomnyüpeih; hatü büpa kü hinglempüthülei lem yangei tuhnyüpeih.

ISAIAH 66:22

Shembüpai enyüke: “Ngei lingpü vangsho jathü, hatü kahdoknyü ja denden kü nyupü keiha ammei men hatü hühihathü denden kü nyuhen.

JEREMIAH 23:4

Ngei jom haümhen mi yombüthü tuhhen, hatü jom hajük kü nenyemhen nevaijü nehanhen, nevaijü nemahnechahhen” shei Shembüpai enyüke.

ROM SHAHSHA APPÜ 8:18

Shaangpü hepak kü hanghipeyü jen touei shakei vamkahen nyupü müknyinshekhang mü shetteihen shangei neshiüpih shei ngei deihnyeih.

1 KORINT 1:21

Mehenangkü Kahvangei kihikonü kahdoknyüi laophülei kihikon homei Kahvang nenyingpü nangkü, ngapükei chongvenpai hinglempüthü yanghen Kahvangi temtükpü nyuteke.

PHILIPPI 4:7

hatü nyingpühingpü peü kü nyeipü Kahvang chingmeilemlingi Khrista Jisu kü ammei mong hatü sholi yomhen.

1 PETER 4:13

Shejao Khrista shangpongpü kü hean yahnyeih shei deihpai mongmeituh; shejüang büpalei müknyinshekhang shakei vamshingkü am mongmeihen hatü mongongpai lenhen.

1 PETER 5:1

Shaang ngei behe hük hatü Khrista shangpongpü kü denbü hük keiha hatü shakei vamkahen müknyinshekhang kü hean yahbü hük keiha, ngei am khong kübü behethü kü mongnang thongnyeih.

2 PETER 1:3

Büpalei müknyinshekhang hatü meipai jen kü nyükpü büpa nyingpü homei yangnyu hatü Kahvang nyinghen shingvaishi napü lemphü büpalei ngan homei jen kü shuohteke.