1 PETER 1:4 - DAÜLANGPÜ LAIHING (BSI)

⁴ hatü nemahnemenpü, nesheihpü, hatü nekaupü mükjüp hük am shing vangsholei jaoshi nyüke;

1 PETER 1:4 Referans Kwoze

SHAKEI VAMPÜ 21:27

Shejao halei nedaünelangpü, nevaijü jiühitnalai dou dükpü nevaijü shahshem meheyao neshüaokhen, shejao Mi Chehalei yangnyu laitap kü men nyangei nyupüthü mon shühen.

HEBREW 9:15

Ha tata kü Kahvangi nyüklangpüthü nedohnetenpü lahtükpü mükjüp danghen shingvaishi Khristayü vangpüshuwpü ja kü lembü leiteke. Shaang shongpü vangpüshuwpü phangkü mang thahpüthü bümei leihühen nangkü ha shemhen büpa diteke.

1 PETER 5:4

Mechem Mi yombü Longpü peihen, mechemao chang neleihen müknyinshekhang athen danghen.

2 TIMOTI 4:8

Shaang mü leitü ngei shingvaishi daülangshemshepü ong athen hük shahhing shahphenpü Shembüpai hapa nyih ngei kü shuohhen temei nyüke, hatü hayü ngei kü mon nevai, shejao büpa yiükahen ongyangei danpüthü peü kü shuohhen.

KOLOSI 1:5

mehenangkü am shingvaishi vangsholei monglemhen tuh-ei nyüke. Ammi hapa monglem jung shelei-üng shahhing shah, shahjangmei,

MATHI 25:34

Hahepak kü ongpai büpalei lakdah philei nyupüthü kü, “Peikei, amphong Opai moihimanpüthü, kahdoknyü chongnyiam lingshingkü am shing tempü ongching mükjüp yahtuh;

EPHESIA 1:18

Shejüang ammei mongdang mük apei mepa monglem shingvaishi büpai am nyük, daülangpüthü khongkü büpalei müknyinshekhang mükjüp mop mepa nyu,

EZEKIEL 47:12

Hapa yungyen yungkung nyiphen kü hahying vaihen pülem longi vamhen. Hathülei lak nekaudaihen, betjük nejüki nenyuhen, shejao hathü shing yungü phopshem leipü yenpü nangkü len ieyei betjük meipü jükhen. Hathülei betjük hahying vaihen, hatü hapalei phenlak meli vaihen.”

EPHESIA 1:14

Kahvangi jelangpü büpalei nanglakthü anglanghen mangngoi thahshi hapayü jeni danghen nyupü mükjüp khüamei vangpüshuwpü hük nyüke. Jeni büpalei müknyinshekhang kü vihshah.

EPHESIA 1:11

Büpalei shahnying hatü mongpü aimü douthü peü jiühüei büpalei mükhong aimü jenphong jeyei yahpai Khrista kü jenphong mükjüp yahpü am leihüteke.

ROM SHAHSHA APPÜ 8:17

hatü hapeüthü vaijema, shejema mükjüp yahpü am, Kahvangei mükjüp hatü Khrista mü chemi mükjüp yahpü am leinyüke– ha vaipü nangkü jenao büpa mü müknyinshekhanghen shingvaishi jeni büpa mü hanghinyüke.

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

PHONGSHANTHÜ DOU 20:32

hatü shaang ngei amphong Kahvang kü hatü büpalei phahji shahjangmei am lingei leiaokhen hatü daütükpüthü khongkü am kü mükjüp shuohhen shahjangmei kü lanei shuohnyeih.

MENVIH KESHO 31:19

Nüng kü nyempüthü shing nüngi jaoei tuhpü meipü, hatü nüng kü loipüthü kü nüngi shuohpü doumeithü meshük thamapüang?

JAKOB 1:11

Mehenangkü nyahpü shaampü kohshi vanghenyü aongnyeih hatü pühivung kautüknyeih; haleipü chüthü vüdainyeih, hatü hapa nethe meipü mahdainyeih. Hapa aihük mü shemmeithüao nyüpeih; nang nekongi yangnyu nyushingkü jom mahdaihen.

KOLOSI 1:12

amphong vangngai ongching kü daülangpüthü mü mükjüp hanteihen mü amphong mükjüp yahpü am leihüpü Pa kü menvih shuohtuh.

GALATIA 3:18

Mükjüpü shahkung leipü peijema, hayü lahpü kübü peipü nevai, shejao hayü lahpü homei Abraham kü Kahvangi shuohpeih.

1 KORINT 9:25

Ngapüthüi longi ungei-aeiyei nyuh-ei mannyüpeih; jomi hapayü mahdaihen chüyük danghen shingvaishi düknyüpeih, shejao jenü nemahbenüng hük danghen shingvaishi düknyüpeih.

1 PETER 3:9

Ammi ten kü ten, thaüvaü kü thaüvaü tekhangtei, shejao ha nang jeiyei moihimaneishuoh. Moihiman mükjüp danghen tata kü amphong nyükpeih.

MENVIH KESHO 47:4

Büpai jen shing kahdoknyü mükjüp jeyei shuoh; büpai bampü laophülei nanglakthü nangkü büpai maühenyeih.

ISAIAH 66:22

Shembüpai enyüke: “Ngei lingpü vangsho jathü, hatü kahdoknyü ja denden kü nyupü keiha ammei men hatü hühihathü denden kü nyuhen.

MARK 10:17

Jisu yen daihen layaong shingkü shennyak hük mokei heih-ei aümei shatü büpa kü, “Nyuhbü meipü, vanyangyem mükjüp danghen shingvaishi ngei mehe dükhenang?” shei phe.

KOLOSI 3:24

Laklei vaishi SHEMBÜPAleipü mükjüp danghen shei ammi nyingei nyüke. Hapayü Shembüpa Khrista amphongi chongphonyeih.

HEBREW 10:34

Ammi khoklatei nyupüthü kü bampü hu, hatü ammei douhinang aetlangjao mongongshi nyupeih; mehenangkü meipüba hatü den den mop nyüpeih shei am nyingi nyingteke.