1 PETER 1:25 - DAÜLANGPÜ LAIHING (BSI)

²⁵ shejao Shembüpalei shah düngei nyuhen, hatü hapayü am kü chongvenpü shah.”

1 PETER 1:25 Referans Kwoze

ISAIAH 40:8

Phenhavunglak kaudainyüpeih, hatü chübongthü laaidainyüpeih, shejao jenei Kahvangei shah denden kü nyuhen” shei baongtuh shei ephüteke.

MATHI 5:18

Hingmeipa ngei am kü enyeih, vangsho hatü kahdok mangpeih thahshi shahkungnyülei nyangpü hatü pinpü shah maanpü hük dangkao mangjiü thahshi ha peih-ei nedaihen.

MENVIH KESHO 119:89

Shembüpa den kü nyunyeih; nüngei shah vangsholei wongshongi lingei nyüke.

1 JOHAN 1:1

Yangnyu shah nang mehe chongpangpülei nyu, mehe hami dan, mehe hamei müki ee, mehe kü hami vei, hatü mehe kü hamei laki dük, ha jung hami am kü baongnyeih.

2 PETER 1:19

Hanangkü jen mü thihivamei shahthü longi lekei nyüpeih. Ammi ha kü meishi mong shuoh-ei dükaokhen; mehenangkü hapayü vangngai vamei nepnüng litha ammei mong kü mangkhang thahshi shangmang shing kü awdük nyapükei nyüke.

MENVIH KESHO 102:12

Shejao Oh Shembüpa, nüngü den kü ong uoshingei nyüke; nüngei men hüdenhalenshi nyunyüke.

LUK SHAHSHA APPÜ 16:17

Shejao shahkungei pinei nyupü hük nedhaümi peihlei meyü vangsho hatü kahdok peihdaihen.

EPHESIA 2:17

Hanangkü büpa peiyei am taishi yandaipüthü hatü yoshi nyupüthü kü chingmei baongpeih;

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

JOHAN 1:1

Chongpangpülei Shah nyu, hatü Shah Kahvang mü nyu, hatü Shah-ü Kahvang nyuteke.

MENVIH KESHO 102:26

Hathü mahdaihen, shejao nüng den kü nyuhen; hathü peü ashak chang kei leidaihen. Nüngi hathüyü owhiai kei jeiteihünyeih, hatü hathü peihdainyeih.

1 JOHAN 1:3

Amao ham mü mongjempü nyuhen shingvaishi mehe hami ee hatü dan, ha hami am kü baongnyeih; hatü hingmei ham mongjempeyü Pa hatü Ha Jisu Khrista mü nyüpeih.

1 PETER 2:2

Naüja keiha daülangpü laangha amma yinghen kentuh, shejüang am yemleipü kü longhen.

1 PETER 1:23

Amphongü mahbenüng nevai, nemahbenüng li Kahvangei yangnyu yem hatü nedohnetenpü shah homei nyipabü angteke.

1 PETER 1:12

Thihivamthüi jom shing chongphonyu nevai, shejao vangsho leipü shompü Laangha Daülangpai am kü shahjangmei chongvenpü ami am kü shaang ephopü douthü jung epai jomi am chongphoteke. Hathü dou vangsho phongshanthüi dangkao veihen ongyangnyüke.

TITUS 1:3

hepak jiüpü kü büpai chongvenpü homei büpalei shah shakei vamhü; ha shingvaishi yemleipü Kahvangei shahkung homei hapa kobü toueipü,

EPHESIA 3:8

Ngei Kahvangei nanglakthü maanpü khongkü ahshi-üng maanpü hük vaijao, Kung am kü yemei neaokpü Khristalei mop jung shahjangmei kohen,

1 KORINT 2:2

Jisu Khrista hatü büpa shophang kü appü jung mü lenei meheyao am kü nenyinghühen deihpeih.

ISAIAH 40:6

Ngeü hüki, “Lentuh!” shei enyüke. “Ngei mehe lenhenang?” shei pheteke. “Hangkuli peü phenhavunglak leangke, hatü jomei müknyinshekhangü kahdoknyü chübongale leangke.

HEBREW 6:5

Kahvangei shah meipü kü hatü ngoikahen denhivan nganthü kü jepei veitü,

SHAKEI VAMPÜ 14:6

Hapheikü ngei lebü vangsho phongshan kahdoknyülei nyupüthü kahmük, jat, shahlem laolao hatü nanglakthü touei baonghen shingvaishi shahjangmei kotü vangsho jiamei piyei ee.