1 PETER 1:22 - DAÜLANGPÜ LAIHING (BSI)

²² Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.

1 PETER 1:22 Referans Kwoze

1 TIMOTI 1:5

Shejao hapakei nyuhpüvenpü mükhongü daülangpü mongdang, mongdeih meipü hatü kenhingei vaipü kübü vampü bampü nyüpeih.

HEBREW 13:1

Nedoh-i hüki hük mü bamteipü nyutuh.

1 JOHAN 4:12

Üpaiyao Kahvang ne-ee; jen hüki hük mü bamteijema Kahvang jen kü nyunyeih, hatü büpa bampai jen kü changeishaei leihünyeih.

1 JOHAN 4:7

Bampü küphüthü, jen hüki hük mü bamteishah; mehenangkü bampeyü Kahvang leipü nyüke; hatü üpai bamnya, büpayü Kahvangi bühpü hatü Kahvang nyingnyüke.

1 PETER 3:8

Dohpülei, am peü kü, laangha kü mongjempü, shinshangteipü, hüki hük mü bamteipü, bampü mongdang jükpü, hatü nenteiaokpü chudeih nyutuh.

JAKOB 4:8

Kahvang yopailei peikei hatü büpa am yopailei peikahen. Ammei lak daütüktuh, am mang shennyakthü, hatü ammei mongdang daütüktuh, am mong nyi kohpüthü.

1 JOHAN 3:23

Hapayü büpalei shahkungnyü: büpai jen kü shahkung shuohpükei jeni Cheha Jisu Khristalei men kü hinglemhen hatü hüki hük mü bamteihen vongbong.

2 THESALONIKA 1:3

Jeihinaü hatü nyahinaüthü, am shingvaishi hami düngei Kahvang kü menvih shuohhen vongbong nyüke, hatü ha jiüphei; mehenangkü am hinglempü nyeinya nyeinya longnyüke, hatü am hüki hük kü bamteipü nyeinya danyüke.

1 THESALONIKA 3:12

Hami am kü bampükei Shembüpai am bamteipü hüki hük mü, hatü peü mü aüh-ei yenshi nyemlonghü.

1 JOHAN 4:20

Üami, “Ngei Kahvang kü bamnyeih” shei etü laophülei jeihinaü hatü nyahinaüthü kü jiühitnya, hathüyü shahshem; mehenangkü jomi eepü jeihinaü hatü nyahinaüthü kü nebamjema, jomi ne-eepü Kahvang kü bamnüng neaok.

1 PETER 2:17

Peü kü jiüshangi dhüm hutuh. Vaipü küphüthü kü bamtuh; Kahvang kü nyemtuh hatü ongpa kü dhüm hutuh.

PHONGSHANTHÜ DOU 15:9

hatü hinglempai jomei mong daühüei büpai jom hatü jen aa kü meheyao baong hanei nenoang.

1 JOHAN 3:11

Mehenangkü jen hüki hük mü bamteihen vongbong shei chongpangpülei ammi hapa shahjang danteke.

2 PETER 1:7

Kahvang nyingpü mü jeihinaü bamteipü, hatü jeihinaü bamteipü mü bampü nyutuh.

PHILIPPI 1:9

Ngei phoppeyü nyingpühingpü hatü yao-aokpü koni maei am bamteipü aüh-ei yenhen,

EPHESIA 4:3

hatü chingmei kü shepei shapai Laangha kü mongjemshi nyuhen kentuh.

GALATIA 5:5

Mehenangkü Laangha homei hinglempai jeni daülangshemshepü monglem omdanei nyunyeih.

SHAKEI VAMPÜ 2:4

Shejao ngei am khüei ha nyüpeih; am kü shongei nyupü bampü yaktükteke.

1 PETER 4:17

Mehenangkü Kahvangei shem am kü shahphenpü chongpanghen hepak ngoiteke; hapayü jen mü pangjema, Kahvangei shahjangmei nebangpüthü dohpü mekei nyuhen?

1 PETER 4:8

Peü shak kü hüki hük mü bamteishi nyutuh; mehenangkü bampai mang longi küptüknyeih.

HEBREW 11:8

Hinglempai Abrahami ven danei büpai mükjüp vaishi danghen shei epü shingei nyükshingkü layaongei dai; büpa melei dainya, nenyingi layaongei dai.

HEBREW 9:14

nedohnetenpü Laangha homei laophü nyingi Kahvang kü kawhikang neshiüpü moila shuohpü Khristalei iy homei didaipü douthü kübü vanyangyem Kahvang kü khümhen shingvaishi jenei chudeih mongdang meshük nyeishi daütükphahen!

HEBREW 6:10

Mehenangkü Kahvangü shahhing ne-epü nevai; ammi shaang thahshi dükpükei ammei dou hatü daülangpüthü chongphoei büpalei men kü bampü hupü kü büpai am hei-üng nebetükpih.

2 KORINT 6:6

daülangpai, danaokpai, inyainyempai, shinshangpai, laangha kü daülangpai, hingshangi bampai,

JOHAN 15:17

Am hüki hük mü bamteihen shingvaishi ngei hathü shahkung shuohnyeih.

1 PETER 3:1

Nyühathü, ha aihük mü amphongi laophülei baha phangkü nyutuh; shejüang jom hanei Kahvangei shah kü hingnelemjao, shah ne-e-i ammei dükhiling meipü homei jom mong lepei leiaokhen;

HEBREW 5:9

hatü büpa changpüshapü leihütü, büpayü büpalei ven danpüthü peü shing nedohnetenpü yemleipü shuohbü lei,

2 TIMOTI 1:14

Jen kü nyupü Laangha Daülangpai sheühpai nüng kü nangei tuhpü doumei yomtuh.

1 TIMOTI 5:2

nyüyongthü kü laophülei nyü kü kei, hatü nelathü kü laophülei naüpeü kü kei daülangshemshepai etuh.

1 TIMOTI 4:12

Nüngei nethe yangnyu kü üpaiyao ne-ienelemi tenohah, shejao epü kü, dükpü kü, bampü kü, hatü daülangshemshepü kü lappü hük nyutuh.

1 TIMOTI 1:3

Nyuhpüvenpü lebü meheyao nenyuhhen shingvaishi nüngi shennyak hanei kü nyuhhen nangkü ngei Macedonia lemei daishingkü ngei nüng kü epükei nüng Ephesialei nyutuh shei ngei enyüpeih,

2 THESALONIKA 2:13

Shejao Shembüpai bampü jeihinaü nyahinaüthü, hami düngei am shingvaishi Kahvang kü menvih shuohhen vongbong nyüke; mehenangkü Kahvangi amphongü daühüpü Laangha dou homei hatü shahhing kü hinglempü homei yemleihen shingvaishi shongpü betjük vaihen jelangpeih.

GALATIA 3:1

Am Galatia am ngapathü! Üpai am nganlangpa? Jisu Khrista shophang kü appü ammei müki lekei eeshi huteke.

GALATIA 5:7

Amphongü mokpü meipü hük mokei nyuteke. Shahhing ven danhen kübü üpai am kü lem bangphopa?

ROM SHAHSHA APPÜ 8:13

Mehenangkü amphong phai-i mongpükei nyujema, am dihen, shejao ammi Laanghai büm douthü jütükjema, am yemmü nyuhen.

ROM SHAHSHA APPÜ 2:8

shejao üami laophü shing mon yemnya, hatü shahhing yaktüktü mang phei münya, Kahvangi büpalei mongshih hatü mongpuk show laihen.

ROM SHAHSHA APPÜ 1:5

büpalei men kü Kung am peü hinglempai ven danpü touei mühen shingvaishi büpa homei jeni phahji hatü phongshan vaihen dangteke,

JOHAN 17:17

Shahhing kü jom daühütuh; nüngei shah-ü shahhing nyüke.

JOHAN 15:3

Ngei am kü epü shah-i am daüdaiteke.

PHONGSHANTHÜ DOU 6:7

Kahvangei shah da khan da; Jerusalemei nanglak bhei-ie longi da, hatü ngongpathü longi ha vaipü kü ven bangei leiteke.

JOHAN 17:19

Jomao shahhing kü daühühen shingvaishi jomei men kü ngei nyingi daütüknyeih.

JAKOB 1:21

Hanangkü nedaünelangpü hatü ten dükpü peü yaktüktuh hatü inyainyempai nüngei laangha yanghen ngan kohpü mongdangei sheipü shah yahtuh.

1 PETER 1:2

Pa Kahvangi jelangpüthü hatü Jisu Khrista kü ven danhen hatü büpalei iy-i haiyei Laanghai daütükpüthü touei: Phahji hatü chingmei am mü bhashahshi nyute.

1 PETER 3:20

Hathüyü Noah-i jahas lingpü nyihthü kü Kahvangi nenteiaokei danpü hepak kü ven nedanpüthülei laanghathü nyüke; hapa kü maani mon– shennyak shet mon yung kübü yangteke.