1 PETER 1:21 - DAÜLANGPÜ LAIHING (BSI)

²¹ Üpai büpa dipü kübü yangei leishih, hatü büpa müknyinshekhanghü, büpa homei ammi Kahvang kü hinglempeih, hanangkü ammi hinglempü hatü monglempü Kahvang kü nyüpeih.

1 PETER 1:21 Referans Kwoze

PHONGSHANTHÜ DOU 2:24

Shejao Kahvangi büpa dipü hanghi kübü bümei leihüei yangei leishih; mehenangkü dipülei ngani büpa shümei netuh-aok.

HEBREW 2:9

Shejao Jisu, üpa kanja shing vangsho phongshanthü mü maani phangpa kü ling, shaang jeni büpa dipü ponghahpü nangkü müknyinshekhang hatü dhümi athen thentü eenyüke; hanangkü Kahvang phahji homei büpai peü shing dipü ponghah.

JOHAN 12:44

Hahepak kü Jisui lenei, “Mechem shennyak hük ngei kü hinglemnya, büpai ngei kü mon hinglemnyu nevai, shejao üpai ngei shom büpa kao hinglemnyeih.

1 PETER 3:22

Büpa vangsholei aongei Kahvangei lakdah philei vangsho phongshanthü, wongthü mü uo, hatü nganthü peü büpa phangkü tuh.

1 PETER 1:11

Khrista shangponghen hatü hapheikü müshi müknyinshekhanghen nang jomi tetshingkü jom kü nyupü Khristalei Laanghai hupü hapa hepak hatü laphen yemei danghen kheteke.

HEBREW 7:25

Hanangkü büpa homei Kahvang touei peipüthü peü den kü yangei tuhhen aoknyüpeih; mehenangkü büpai den kü jom shing phopnyüke.

EPHESIA 1:15

Ammi Jisu Khrista kü hinglempü hatü daülangpüthü peü kü bampü jung ngei dantepih. Ha shojung kü,

1 TIMOTI 1:1

Paul, jen Yemleipüba Kahvang hatü jenei monglem Khrista Jisulei shahkung homei Khrista Jisulei phongshan toueipü,

KOLOSI 1:27

Kahvangi büpalei hapa shahjo müknyinshekhang mop Kung am touei meshük longpa, ha nyinghühen shingvaishi jomphong jepeih; hapayü am kü nyupü Khrista, müknyinshekhangpü monglem.

ROM SHAHSHA APPÜ 10:9

mehenangkü ammei jui Jisu-ü Shembüpa shei lahjema hatü Kahvangi büpa dipü kübü yangei leishihpeih shei ammei mongi hinglemjema, am yanghen.

ROM SHAHSHA APPÜ 4:24

shejao jen shingvaishiyao khih. Büpai Jisu, jenei Shembüpa dipü kübü yangei leishihpeih shei üami büpa kü hinglemhen, jen kao hapakei ieyeilemhen.

PHONGSHANTHÜ DOU 4:10

amphongi shophang kü aptükpü shejao Kahvangi dipü kübü yangei leishihpü Nazareth am Jisu Khristalei men kü hapa shennyak shaang am touei yaongshi nyüpeih shei am peü kü hatü Israel nanglakthü peü kü nyinghünyeih.

PHONGSHANTHÜ DOU 3:15

hatü ammi yangnyu Lingbü jütükpeih, shejao Kahvangi büpa yangei leishihpeih.

PHONGSHANTHÜ DOU 3:13

Abraham Kahvang, Isak Kahvang, Jakob Kahvang hatü jenei bühipalei Kahvangi büpalei ha Jisu, üpa ammi büpa lanei shuoh, hatü Pilati vetükhen ejao ammi nemong, büpa müknyinshekhanghüpü khih.

JOHAN 17:1

Jisui hathü shah epheikü büpai vangsho philei ngangei veitü eteke, “Opa, hepak ngoiteke, Anha-i nüng müknyinshekhanghen shingvaishi Anha müknyinshekhanghütuh.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

JOHAN 14:1

Amphong mongteshang. Kahvang kü hinglemtuh, hatü ngei kao hinglemtuh.

JOHAN 3:34

Büpa üpa Kahvangi shom, büpai Kahvangei shah enyüke, mehenangkü büpai Laangha maei shuoh.

MATHI 28:18

Hahepak kü Jisui jomphong touei heih-ei e, “Vangsho hatü kahdoknyü kü ngan peü ngei kü shuohteke.

JEREMIAH 17:7

Üpa shennyaki Shembüpa kü hinglem, hatü monglemnya, büpa moihimanpü.

MENVIH KESHO 42:5

Oh ngelei laangha, nüng mehekei mongmangnya? Ngelei mongei mehekei hajük mongshangnya? Kahvang kü monglemtuh; mehenangkü ngei büpa vihhen, ngelei sheühbü, ngelei Kahvang.

HEBREW 6:1

Hanangkü jeni Khrista jung lapjai nyuhpüvenpü tuhphongtü behe leipü lemei daishah. Didaipü dou kübü mong lepei Kahvang kü hinglempü,

JOHAN 17:5

Hanangkü shaang, Opa, kahdoknyü lingshekü nüng touei ngei kü nyupü müknyinshekhangi nüng touei ngei müknyinshekhanghütuh.”

JOHAN 17:24

Opa, nüngi ngei kü shuohpüthü ngei melei nyu, halei jomao nyuhen, hatü nüngi ngei kü shuohpü ngelei müknyinshekhang jomi eehen ngei nanyüpeih; mehenangkü nüngi ngei kü kahdoknyü chongnyiam lingshekü ngei kü bampeih.

2 KORINT 6:15

Khrista hatü Belial nyi melei shepshaihen? Nevaijü vaipü ami nevaipü am mü mehe hean nyüpa?

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

1 PETER 1:3

Kahvang hatü jenei Shembüpa Jisu Khristalei Pa moihimantuh! Jisu Khrista dipü kübü yangei leipü homei büpa phahji longpai büpai jen kü yangnyuyem monglempü kü jen kü ja bühpü hük shouhteke,