1 PETER 1:13 - DAÜLANGPÜ LAIHING (BSI)

¹³ Hanangkü dou dükhen nüngei mong shan temtuh; laophü nying ungei-aeituh; büpa shakei vampü nyih Jisu Khristai koei yiükahen phahji kü am monglempü tuhtuh.

1 PETER 1:13 Referans Kwoze

1 PETER 5:8

Am nyingi ungei-aeituh, thaeimaei nyutuh. Ngüngei nyupü mailang keiha ammei vepa Kahshih am shonei hanei am lühnüng longteinyüke.

LUK SHAHSHA APPÜ 12:35

“Dou dükhen temtüktü nyutuh, awdük jakei tuhtuh.

1 PETER 4:7

Dou peü dohhen yopailei nyüke; hanangkü ammi phoppü men kü am nyingi kenhingei ungei-aeiyei nyutuh.

1 PETER 3:15

shejao ammei mongei Khristayü Shembüpa shei deihtuh. Nüng kü nyupü monglem nangkü hanei ami nüng kü nih-ei ehen phephüjema, düngei shahnyok shuohhen temtüktü nyutuh.

HEBREW 9:28

hapa keiha Khrista-ao nanglak longilei mang yah-ei lüdaihen shingvaishi chem mon moila shuohpeih. Büpa nyipabü yiükahen, hayü mangthü mü eteihen nangkü nevai, shejao büpa omdanpüthü kü yemleipü koei yiükahen.

1 JOHAN 3:3

Hapa monglem nyupüthü peüi büpa daülangi nyupükei laophü nyingi daülangi nyutuh.

2 TIMOTI 4:8

Shaang mü leitü ngei shingvaishi daülangshemshepü ong athen hük shahhing shahphenpü Shembüpai hapa nyih ngei kü shuohhen temei nyüke, hatü hayü ngei kü mon nevai, shejao büpa yiükahen ongyangei danpüthü peü kü shuohhen.

EPHESIA 6:14

Hanangkü yaongtuh hatü shahhing shüngshep sheptuh, hatü daülangshemshepü jaküpnyiam küptuh.

1 KORINT 1:7

Hanangkü jenei Shembüpa Jisu Khrista shakei vamküpü omdanpai am laangha thintho mepayao taoei nenyu.

LUK SHAHSHA APPÜ 17:30

Hapa keiha Shennyakei Ha shakei vampü nyih nyukahen.

HEBREW 10:35

Hanangkü am kü nyupü hapa ammei monglem teyakphong; hapai am kü laklei longpü koei peikahen.

HEBREW 6:19

Jen kü hapa monglem nyüpeih, hatü hapayü jenei laangha shing ailüng kei nyüke. Hapayü wong kohshi, lekhingshi hatü jen yangei tuhnyeih, hatü hapa monglemi haenpü ashak homei longi daülangpü shingei shünyüpeih.

HEBREW 3:6

Shejao Khristayü hapeü hük keiha Kahvangei shem am kü mong phenei shuohpeih, hatü jeni ha mong kü pongpü kü hatü jeni monglempü kü mong hah-ei wongshongi shümjema jenü büpalei shem.

2 TIMOTI 4:5

Shejao nüng payü düngei ungei-aeiyei nyutuh, tok vaipü munentuh, chongvenbülei dousho düktuh, nüngei chongphopü dousho den ngoiyei düktuh.

1 KORINT 13:13

Shaang hathü jem aoei nyüpeih: hinglempü, monglempü, hatü bampü, shejao hathü peü mü longpeyü bampü.

ROM SHAHSHA APPÜ 13:13

jeni vangngai kü keiha deiaei meipü kü nyushah; hahngayungpe hatü nükchokyiümok nevai; mükbongjuyung hatü phai mongongmongle nevai; dehilao hatü mükhakmongyung nevai.

JOB SHAHSHA APPÜ 40:7

“Shennyak keiha nüngi shünglok loktuh; ngei nüng kü phehen, hatü nüngi ha kü jangtuh.

2 THESALONIKA 1:7

hatü shangpongpü amphong kü nyiushemmei shuohhen, hatü ha hamphong kao shuohhen, hatü hapayü mechem Shembüpa Jisu vangsho leipü büpalei wong kohpü vangsho phongshanthü mü awlom kei peihenshang ha vamhen.

JEREMIAH 1:17

Shejao nüng payü shünglok loktuh, hatü yaongei ngei nüng kü epü lemphüli jom kü eyeishuoh. Nüngi jom kü tenyem, hei nevaijema jom touei ngei nüng longi nyemhühen.

ISAIAH 11:5

Daülangshemshepeyü büpalei shüngshep, hatü shahhingü büpalei shünglok vaihen.

1 ONGPATHÜ 18:46

Shejao Shembüpalei ngan Elijah kü pei, hatü büpai büpalei ashak shüng kü wongei hintü Jezreel thahshi Ahab she yeiyei mok.

MÜLANGPÜ 12:11

Hapakei ammi phai hahtuh: Shünglok loktuh, lathuh thuhtuh; lenshouh notuh; shülangi hahtuh; hapayü Shembüpa, ngelei Hompü Mo nyüke.

JOB SHAHSHA APPÜ 38:3

Shennyak keiha nüngi shünglok loktuh; ngei nüng kü phehen hatü nüngi ngei kü jangshih.

2 ONGPATHÜ 4:29

Büpai Gehazi kü, “Shünglok loktuh hatü ngelei lenshuoh notü leituh. Lemei nüngi mih heüjü shah eteiyei tenyu; mih-i nüng kü hangphüjü shah teleitei. Ngelei lenshuoh hapa naüei dhe kü haüeishuoh” shei e.

LUK SHAHSHA APPÜ 17:8

Ammi büpa kü, “Ngei shing bhaong howtuh, hatü bhaonghow ow temtü ngei hahying shingkü nemnotuh; haphei küang nüng hahyingtuh” shei ehen.

ROM SHAHSHA APPÜ 8:19

Mehenangkü lingpü douthüi Kahvangei hathü shakei vampü ongyangei dannyüke;

KOLOSI 3:4

Mechem Khrista, ammei yangnyu shakei vamkahen, hahepak kü amphongao müknyinshekhang kü büpa mü shakei vamhen.

1 PETER 1:10

Hapa yemleipü nangkü thihivam üami am touei peihen phahji nang epa, ha kenhingei yem hatü pheteke.

1 PETER 5:12

Hingshangpü jeihinaü shei ngei ieyeilempü Silvanus homei am kü nangthonghen, hatü hapayü hingshangpü Kahvang phahji shei denpü shuoh-ei ngei am kü ha lai shohlohpai nyangnyeih. Hapa kü wong kohshi yaongtuh.

MATHI 20:4

hatü büpai jomphong kü, “Amphongao ngelei nyalingngupai kahlei shatuh, hatü am kao jiüpü aimü nanglat shuohhen” shei e. Hanangkü jomphongao shateke.