1 ONGPATHÜ 9:9 - DAÜLANGPÜ LAIHING (BSI)

⁹ Shennyakthüi jangei, “Mehenangkü jomi Shembüpa jomei Kahvang, üpai jomei chebü chepa Ijip leipü müei leipa, ha yakphongtü lebü kahvangthü kü shongtü hapa kü khümei chongphopü nangkü Shembüpai jom kü hapa shanghah vongshüh yahshuohpü khih” shei ehen.

1 ONGPATHÜ 9:9 Referans Kwoze

JEREMIAH 2:19

Ammei mangi am kü hanghi shuohhen, hatü am ngaümpheilei shinei leidaipai am nyonghühen. Shembüpa, ammei Kahvang yakphongpeyü mang, hatü shahyaki nyukahen shei nyingtuh; Ngei kü nyempü ammei mongkü neshiü shei Jeiyong Shembüpa Kahvangi enyüke.

JEREMIAH 5:19

Mechem ammei nanglakthüi, “Mehekei Shembüpa, jenei Kahvangi jen kü hathü dou dükphünya?” shei ehen; ha kü ammi, “Ammi ngei yakphongtü ammei kahdokei kung amei kahvang chongphopü nangkü hapa kahdokei ammi nenyingpü kung am chongphohen” shei etuh.

2 SHÜPPÜKENGPÜ 7:22

Hahepak kü jomi-üng, “Jom Ijip kahdok leipü müei leipü Shembüpa chebü chepalei Kahvang yakphongtü lebü kahvangthü yah-ei hapa chongphoei khümpü nangkü büpai hapa shanghah vongshüh peü shuohpüja” shei eteihen.

JEREMIAH 50:7

Üami jom heü, hathüi jom lühtükpeih; jomei vepathüi, “Hami pungpü nevai; mehenangkü jomü Shembüpa, hingshangpü jomei phenni, jomei bühipai monglempü Shembüpa khüei mang thahpeih” shei eteke.

1 ONGPATHÜ 18:18

Elijah-i jangei, “Ngei Israel kü shanghah neshuoh-angpih, shejao ampa anji-i khihma; mehenangkü nüngi Shembüpalei shahkungthü yakphongtü Baal kahvang phei müteke.

JEREMIAH 22:8

Jat longi kübü hapa chingnyü peih-ei daipü shennyakthüi hüki hük mü, “Hapa chingnyü kü mehekei Kahvangi henüng keipü dou dükshuohpa yo?” shei phehen,

JEREMIAH 44:23

Ammi ayingshü jakei Shembüpa khüei mang thah hatü büpalei shah nebang nevaijü büpalei shahkung hatü vanglem kü nemüpü nangkü ammi shaang ponghahpü shanghah am kü peipeih” shei e.

SHAHKÜP 29:23

Kahdok bahiyang kemei kü hüm hatü awkaong meli kü kei aw bah-ei kong leidaihen; meheyao nesheiaokhen; meheyao nekohkahen. Hapayü Shembüpai mongshih-ei Sodom hatü Gomorrah, Admah hatü Zeboiim mahtükpükei nyukahen.

2 ONGPATHÜ 22:17

Mehenangkü jomi ngei yakphongtü lebü kahvangthü kü moila shuoh-ei khümpeih, hatü jomei laki lingpü lajeithüi ngei mongshihhüpeih; hanangkü ngei mongshihpü aw kei bahhen, hatü hapa nemethen.

2 SHÜPPÜKENGPÜ 29:8

Hanangkü Shembüpalei mongshih Judah hatü Jerusalem kü peipeih; büpai hathüyü nyemhivüng hatü ne-ienelem dou hük leitükpeih, hatü ha ammei müki eenyüke.

YOUNG LAI 2:15

Ammei ching peih-ei longteipüthüi, “Hapayü dendoh nethe meipü, hatü kahdoknyü peüei mongongmongle chingnyü je?” shei peüi lak apei ngaüm dhiyei Jerusalem kü nyinyüke.