1 ONGPATHÜ 9:4 - DAÜLANGPÜ LAIHING (BSI)

⁴ Nüng nang keyü nüngi-üng ngei touei mongdang kangshangi ampa Davidi kei kamjema, hatü ngei kangpü peü dükei hatü ngelei shahkungnyüthü hatü vanglemthü dükjema,

1 ONGPATHÜ 9:4 Referans Kwoze

1 ONGPATHÜ 15:5

Mehenangkü Davidi mepa Shembüpalei mük kü mei, ha dük, hatü Hit am Uriahlei nang mü lenei büpalei den kemei Shembüpalei shahkung neshai-i dük.

1 ONGPATHÜ 3:14

Nüngi ampa Davidi kampükei ngelei lemthü kü kamei ngelei shahkungthü noteijema, ngei nüngei yangnyu shoshoei tuhhen” shei e.

1 ONGPATHÜ 11:6

Hanangkü Solomoni Shembüpa touei mang thah, hatü chepa Davidi müpükei Shembüpa pheikü nemü.

1 ONGPATHÜ 11:4

Mechem Solomon viüei behe leidaipa, büpalei shembünyüthüi büpalei mong lebü kahvangthü lemei mülang, hatü büpalei mong chepa Davidi hinglempü kei Shembüpa büpalei Kahvang kü hingnelem.

KAHBHAO 17:1

Mechem Abram bong 99 nyupa, Shembüpa büpa touei peiyei, “Ngeiyü Jeiyong Kahvang; ngei touei eela nekoh-i kamtuh.

LUK SHAHSHA APPÜ 1:6

Jijinyiphen Kahvang touei daülangi nyu, hatü Shembüpalei shahkung hatü vanglemthü aimü eela neshiüi nyu.

ZEKHARIAH 3:7

Jeiyong Shembüpai hapakei enyüke: “Nüng ngelei lemthü kü kamjema, hatü ngei epü dükjema, nüng ngelei phopshem, hatü ngeihpü shonpü peü kü khei vaihühen, hatü hamü yaongshi nyupüthü khongkü mübü hean yahphahen” shei e.

KANDOK 28:18

Üpai shahhing kü kamnya, büpa yanghen, shejao üpai nejiüpü lem kü kamnya, ngangahük kü mahhen.

MENVIH KESHO 26:11

Shejao ngei payü shahhing kü kamnyeih; ngei angei leituh, hatü ngei kü phahjishih.

1 ONGPATHÜ 14:8

hatü nüng kü shuohhen shingvaishi David am phang kübü ongching shaaktükpeih, shejao nüngü ngelei shahkungthü dükpü, mong kempai ngei phei müpü, hatü ngei touei jiüpü dükpü ngelei chongphobü David kei nevaiang,

1 ONGPATHÜ 11:38

Ngelei chongphobü Davidi dükpü keipü nüngi ngei epü peü dükjema, hatü ngelei lemthü kü kamjema, hatü ngelei shahkung hatü vanglemthü dükei ngei touei mehe jiü, ha dükjema, ngei düngei nüng mü nyuhen. Ngei David kü dükpükei ngei nüng kao den kü longsha ongshem leihühen, hatü ngei nüng kü Israel am shuohhen.

MENVIH KESHO 26:1

Ngei dah shakhütuh, Oh Shembüpa; mehenangkü ngei shahhing kü kamtepih, hatü ngei neleplüki Shembüpa kü hinglempeih.

MENVIH KESHO 15:2

Üpai eela neshiüi kamnya, hatü mehe jiü, ha düknya, mongdang kübü shahhing enya;

1 ONGPATHÜ 8:25

Hanangkü Oh Shembüpa, Israel Kahvang, ‘Nüngei hühihathüi nüngi dükpü keiha jom kenhingshi kamjema nüng kü jeiyei Israel ong uoshing kü nüngei hühihathü nedoh-i uohen’ shei nüngei chongphobü opa David kü lahpü hapa jiüshi dükshih.

SHAHKÜP 28:1

Ammi Shembüpa, ammei Kahvangei ven bangjema hatü shinnyih ngei am kü shuohpü büpalei shahkungthü kenhingei noteijema, kahdok shak kübü jatthü peü shak kü amphong shangei longei anshihhen.

KANDOK 20:7

Daülangpü shennyaki yangnyu kü eela neshiüi nyunyeih; büpa pheikao hühihathüi moihiman dangnyüpeih.

KANDOK 10:9

Üami shahhing kü kamnya, nenyemi kamnyüpeih, shejao üami lemkaok kü kamnya, yephahshasha.

KAHBHAO 20:5

Abrahami, ‘Pinnyü-ü ngelei naüpeü hih’ shei hatü Sarah-iyao, ‘Büpayü ngelei ojei hih’ shei neeangpü je? Ngei hayü jiüpeih shei deih-ei dükpeih, hatü ngei pungei nedükangpih” shei e.

1 ONGPATHÜ 3:3

Moidü shing longilei moila shuohpü, hatü ayingshü jakpü mü lenei Solomoni Shembüpa kü longi bam, hatü chepa Davidi nyuhpü lem kü kam.

1 ONGPATHÜ 3:6

Solomoni jangei, “Nüngi nüng chongphobü opa David kü yahyang shinshang longi hupeih; mehenangkü büpai nüng kü hinglem, hatü mongdang daülangi hatü laülüki nyu. Nüngi nedoh-i büpa kü bam, hatü shinnyih thahshi hapa ong uoshing kü uohen büpa kü hapeü hük shuoh.

1 ONGPATHÜ 6:12

“Nüngi vepü hapa Phopshem nang keyü nüngi ngelei shahkungthü kü müjema ngei epü hatü kangpüthü peü bangei dükjema, ngei ampa David kü lahpüthü peü nüng homei jiühühen.

2 ONGPATHÜ 20:3

“Oh Shembüpa, ngei mekei nüng kü ngelei mongdang kempai hinglemei kampa, hatü nüng touei mehe jiü ha dükei daipa, ha deih-ei dangtuh” shei e, hatü büpai shahyaki thep.

MENVIH KESHO 78:72

Mongdang kangshangpai büpai jom kü jungeilangei yompeih, hatü lahhinlangnyaipü laki jom müpeih.

MENVIH KESHO 101:2

Eela neshiüpü lem ngei yemhen; ngei mechem ha danghen? Ngelei shemei ngei mongdang daülangi nyuhen.

MENVIH KESHO 128:1

Üami Shembüpa kü nyem, hatü büpalei lemthü kü kamnya, moihiman.

2 SAMUEL 22:22

Mehenangkü ngei Shembüpalei lem kü kam; Ngei Kahvang toueipü yanei daiyei douten nedük.

2 SHÜPPÜKENGPÜ 17:4

shejao chepalei Kahvang yem, hatü Israel ami dükpükei nevai-i Kahvangei shahkungthü kü kam.

EZEKIEL 18:9

Büpai ngelei vanglemthü kü, hatü ngelei shahkungthü jiüshi noteinyüke; hapa keipü shennyakü daülangpü, büpayü nedihen shei Shembüpa Kahvangi enyüke.