1 ONGPATHÜ 9:25 - DAÜLANGPÜ LAIHING (BSI)

²⁵ Solomoni bong kü jempa büpai Shembüpa kü vepü moidülei jakpü moila, hatü mongjempü moila mü Shembüpa kü ayingshü jakei shuoh. Hapa keiha büpai Phopshem veyei temteke.

1 ONGPATHÜ 9:25 Referans Kwoze

2 SHÜPPÜKENGPÜ 8:16

Hapa keiha phopshem chongnyiam yaong haüpü nyih kübü pangei ha meishi mangtempü thahshi Solomonei douthü peü dükei dai.

SHAHKÜP 16:16

Shembüpa, ammei Kahvangi jepü khümshingei nanglakthü vangbong kü jempa thahshi Hompü Mo, Hahvet Mo hatü Ashakshem Mo hepak kü thaikahen. Üpaiyao Shembüpa touei lakkong nepeihen vongbong.

2 SHÜPPÜKENGPÜ 34:25

Mehenangkü jomphongi ngei yakphong hatü lebü kahvangthü kü moila shuohpai jomi dükpü doui ngei mongshih vamhüteke; ngelei mongshih hapa shing kü khüphühen hatü hapa nedohhen.

2 SHÜPPÜKENGPÜ 29:11

Hapeüthü, shaang nyüshulük kü tenyu; mehenangkü Shembüpai am büpa touei yaonghen, büpa chongphohen, hatü büpa touei ayingshü jakei chongphohen jepeih.”

1 SHÜPPÜKENGPÜ 23:13

Amramei hapeüthü: Aaron hatü Mosa. Aaron hatü hapeüthü peü daülangpü douthü daühen, Shembüpa kü moilathü shuohhen, büpa touei chongphohen hatü büpalei men kü moihiman shingvaishi denshing hayaoha khaatei tuhteke.

1 ONGPATHÜ 6:38

Bong anpühükpabü kü lenyang shetpabü Bul len kü shihhen shei tempü kemei shih-ei veyei tem. Büpai hapa vepü kü bong nyet tük.

MÜLANGPÜ 34:23

Vangbong kü jempa bahathü kemei Shembüpa Kahvang, Israel amei Kahvang touei khümnüng peikei.

MÜLANGPÜ 30:7

Nepjeih, mechem Aaroni awdük haphen peihenshang, büpai hapa moidü shangkü vong meipü ayingshü jakhen.

SHAHPHENBÜTHÜ 11:40

Hanangkü Gilead am Jephthahlei yiükha nebenelakhen shingvaishi Israel nela vangbong ieyei nyih ali daiyei youngeinangpü vanglem chongpangteke.

1 ONGPATHÜ 6:9

Hanangkü hapakei büpai Phopshem veyei tem; büpai cedarpü vetei taukta hatü yithiyü shih-ei adok küpteke.

1 ONGPATHÜ 6:14

Hanangkü Solomoni Phopshem veyei temteke.