1 ONGPATHÜ 8:57 - DAÜLANGPÜ LAIHING (BSI)

⁵⁷ Shembüpa jenei Kahvang, jenei bühipa mü nyupü keiha jen mao nyukahen; büpai jen netuhphongpih nevaijü neyakphongpih.

1 ONGPATHÜ 8:57 Referans Kwoze

JOSHUA 1:5

Nüngei yangnyu den kemei üamiyao am khüei neyaongaokpih. Ngei Mosa mü nyupükei ngei nüng mü nyuhen; ngei nüng kü neshaiphapih nevaijü nüng netuhphongpih.

SHAHKÜP 31:6

Am wongkoh monglongtuh. Ammi jom kü tenyem nevaijü tehan; mehenangkü Shembüpa, ammei Kahvang am mü daikahen; büpai am netuhphongpih.”

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

JOSHUA 1:9

Nüng wongkoh monglonghen shingvaishi ngei nüng kü etepih. Nüng tenyem nevaijü mong temaan; mehenangkü Shembüpa, nüngei Kahvang nüng dailem peü kü nyukahen.”

SHAHKÜP 31:8

Shembüpa, büpa nyingi am shekü daihen hatü am mü nyuhen; büpai mechemao am netuhphonghen. Hanangkü am tenyem, tehan.”

ROM SHAHSHA APPÜ 8:31

Shejema hathü nangkü jeni mehe ehenang? Kahvang jen shing nyujema, jen khühen üpa nyüpa?

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

MATHI 1:23

“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

1 SAMUEL 12:22

Mehenangkü Shembüpai laophülei nanglak büpalei men longpü men kü neyakphongpih; mehenangkü amphongü büpalei nanglak leihühenü Shembüpai monghahpü dou hih.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

ISAIAH 8:10

Küpjanthü lingtuh shejao aokpü nedangpih; aokpüshük shah shükteituh, shejao yahlak neshiü; mehenangkü Kahvang jen mü nyüke.

MENVIH KESHO 46:11

Jeiyong Shembüpa jen mü nyüke; Jakob Kahvangü jenei penyüsha.

MENVIH KESHO 46:7

Jeiyong Shembüpa jen mü nyüpeih; Jakob Kahvangü jenei penyüsha.

SHAHKÜP 31:17

Ha nyih ngei jom kü mongshihhen hatü jom yaktükhen; ngelei dhe jom toueipü jodaihen hatü jom mahtükhen. Shanghah longi jom kü peihen hatü hapa nyih ngei, jomei Kahvang, jom mü nenyupü nangkü hapa shanghah peipü khih shei nyinghen.

JOSHUA 24:23

Joshua-i, “Shejema shaangüng am toueipü kung amei kahvangthü yaktüktuh, hatü Shembüpa, Israel amei Kahvang kü ammei mongdang shuohtuh” shei e.