1 ONGPATHÜ 8:47 - DAÜLANGPÜ LAIHING (BSI)

⁴⁷ jomi jom wüpküpei nyushi mong yeiyaei mong lepei vepa kahdokei nüng kü phopei, “Ham mang thahteke, nejiüi dükteke; hami nemei-i dükteke” shei ejema;

1 ONGPATHÜ 8:47 Referans Kwoze

MENVIH KESHO 106:6

Ham hatü hamei bühipathüi mang thahteke, ham pungteke, nemei-i dükteke.

2 SHÜPPÜKENGPÜ 6:37

jomi wüpküpei yah-ei daipü kahdokei ha deih-ei dangtü mong lepei wüpküpei nyupü kahdokei nüng kü, “Hami mang thahteke, nejiüi dükteke, hatü mang dou dükteke” shei lahjema;

ZEKHARIAH 12:10

Ngei David am phang hatü Jerusalem kü nyupüthü kü phahji laangha hatü phoppü laangha shuohhen; mechem jomi jomei laki jütükpü eehen, halom didaipü kü theppükei, hatü hashongpa jaangdaipü kü youngpükei jom shahyaki thephühen.

HAGGAI 1:7

Jeiyong Shembüpai ha enyüke: “Ammei lemthü meishi deih-ei dangtuh.

EZEKIEL 18:28

Mehenangkü büpai thahpü mangthü peü deih-ei dangpü nangkü hatü haleipü mong lepei leipü nangkü büpa hingmei yemmü nyuhen; büpa nedihen.

EZEKIEL 16:63

Ammi dükpü mang kemei ngei am kü tükhen shejao ammi hathü deih-ei veüpai ju neka-aokhen” shei Shembüpa Kahvangi enyüke.

EZEKIEL 16:61

Shejüang ammei lemthü deih-ei danghen, hatü mechem ammi ammei anya anaü am nyokei yahhenshang veü-ei deihkahen. Hapayü ngei am mü vangpüshuwpü kübü phaihan nevaijao, ngei jomü am kü yiükhathü keiha yahphahen.

1 SAMUEL 7:6

Hanangkü jom Mizpahlei thaiyei yung shoei anei Shembüpa touei langteke. Ha nyih jomi shüaeiyungleyei, “Hami Shembüpa khüei mang thahteke” shei mang lah, hatü Samueli Mizpahlei nyuei Israel am kü vanglem lemteke.

NEHEMIAH 9:2

Israel li kübü vampüthü peü kung shennyak kübü yanei hayaoha yaongtü bühipai thahpü mang lah-ei phop.

ZEKHARIAH 10:9

Ngei jom jatthü touei yantüklangmao, tailu kahdokeiyao jomi ngei deih-ei danghen, jom hatü jomei hapeüthü yangei nyuhen, hatü müeileihen.

1 ONGPATHÜ 8:33

Mechem nüngei nanglak Israel ami nüng khüei mang thahpü nangkü vepathüi neühahtü maanpü leiyei nüng dhüm yemei jomei mang lah-ei hapa Phopshemei peiyei nüng kü phopei phehenshang,