1 ONGPATHÜ 8:46 - DAÜLANGPÜ LAIHING (BSI)

⁴⁶ Mechem nüngei nanglakthüi nüng khüei mang thahhen– mehenangkü mang nethahpü hükao neshiü, hatü nüngi jom kü mongshih-ei jomei vepalei lak kü shuohjü vepathüi jomei kahdokei wüpküpei deiyei tailuei nevaijü yopailei tuhshingkü,

1 ONGPATHÜ 8:46 Referans Kwoze

CHONGVENBÜ 7:20

Kahdoknyü kü mang nethah-i jiüpü mon dükpü daülangpü shennyak üpayao neshiü.

KANDOK 20:9

“Ngelei mongdang daülangi nyüpeih; ngei daülangi mang neshiüi nyüpeih” shei üpai eaokhen?

ROM SHAHSHA APPÜ 3:23

mehenangkü peüi mang thahteke hatü Kahvang müknyinshekhang nengoinyu;

ISAIAH 64:6

Ham peüi mang thahteke, hatü hamei daülangpü douthü kemei ashakten kei leidai; Ham peü phenlak lei kaudai, hatü vanglüki keiha hamei mangi ham maoei lüdai.

ISAIAH 53:6

Jen peü mi keiha lemnyongei dai, jen peü laophüi mongpü lem kü lüdaikem; hatü Shembüpai jen peüei mang büpai kolang.

MENVIH KESHO 130:3

Oh Shembüpa, nüngi paoh mang nyangei tuhlangmeyü, Oh Shembüpa, üpai nenyongi yaongaokhen?

JAKOB 3:2

Jen peüi longi pungnyüpeih. Üpai epü kü nepung, büpayü changpüshapü, hatü laophülei büm kemei shümei tuhaokpü nyüke.

2 ONGPATHÜ 17:18

Hanangkü Shembüpai Israel am kü mongshih, hatü büpa toueipü jom changtük; Judah jat mü lenei hükao ne-ao.

2 ONGPATHÜ 17:6

Hoshea ong vaipü bong shüpabü kü Assyria ongpai Samaria omei yah, hatü Israel am kemei Assyrialei wüpei deilang. Büpai hathü hanei Habor Yungnyü yopailei Gozan kahdok Halah chingnyülei tuh, hatü haneiyü Media chingnyülei tuhteke.

SHAHKÜP 28:36

Shembüpai am nevaijü ammei bühipai nenyingpü lebü kung kahdokei am hatü ammei ong deishihhen. Halei amphongi yaong hatü pü-i lingpü kahvangthü chongphohen.

GALATIA 3:22

Shejao kahdoknyü kemei mangei khoklat kü küpshi nyüke shei Laihingi enyüke; hanangkü Jisu Khrista kü hinglempü homei mepa lahtepa, hayü hinglempüthü kü shuohhen.

ROM SHAHSHA APPÜ 3:19

Shahkungnyüi mehe enya, hayü shahkung phangkü nyupüthü kü enyeih shei jeni nyingnyüke, shejüang peüei ju nentükhen, hatü kahdoknyü kempü Kahvang touei shahphenhen.

LUK SHAHSHA APPÜ 21:24

Jomphong yani mahhen, hatü jatthü peü touei wüpküpei müei daihen, hatü Jerusalemü Kung amei hepak mangngoi thahshi Kung ami la-i shouptükhen.

MENVIH KESHO 143:2

Nüngei chongphobü shahphenshingei tedei; mehenangkü üpayao nüng touei daülangpü neshiü.

MENVIH KESHO 19:12

Büpai pungpü üpai yepaokhen? Joshi nyupü ngelei mang tükshih.

JOB SHAHSHA APPÜ 14:4

Nedaünelangpü kübü üpai daülangpü ngaiaokhen? Üpaiyao neaokpih!

2 SHÜPPÜKENGPÜ 6:36

Jomi nüng khüei mang thahjema; mehenangkü mang nethahpü üpayao neshiü, hatü nüngi ha nangkü mongshih-ei vepathülei lak kü yopailei hatü tailu kahdokei wüpküpei yah-ei daihen shuohtükjü,

2 ONGPATHÜ 25:21

Hamath kahdok Riblahlei ongpai jom kü üp, hatü jütük. Hanangkü Judah am laophülei kahdok leipü wüpküpei dai.

2 ONGPATHÜ 17:23

hatü Shembüpai büpa chongphopü thibüthü homei epükei Israel am büpa toueipü mangchangtük thahshi hapa mang kübü neyan. Hanangkü Israel amü laophülei kahdok kübü Assyria kahdokei shinnyih thahshi wüpküpei daiyei nyüpeih.

SHAHKÜP 29:28

Shembüpa longi mongshihteke, hatü büpa mongshihpai jom jomei kahdok leipü bhiyei lebü kung kahdokei haitükteke hatü halei jom shinnyih thahshi nyüke” shei eteihen.

1 ONGPATHÜ 8:45

nüngi vangsho leipü jomi phoppü hatü phepü kü bangtuh, hatü jom kü aokpü danghütuh.

MENVIH KESHO 130:4

Shejao nüng mü mang tükpü nyüke, hanangkü nüng kü dhüm shuohnyeih.

LEVI 26:33

Ngei mih jatthü touei am haitükhen, hatü am khüei yan nohen, hatü am kü changhen; ammei kahdok hatü chingnyüthü lavüngtoiyei leitükhen.