1 ONGPATHÜ 8:44 - DAÜLANGPÜ LAIHING (BSI)

⁴⁴ Mechem nüngei nanglakthü vehokei daihen, nüngi jom melemei shomhen, hatü mechem jomi nüngi jepü chingnyü hatü nüngei men kü ngei vepü shem philei meetü nüng kü phophenshang,

1 ONGPATHÜ 8:44 Referans Kwoze

2 SHÜPPÜKENGPÜ 32:20

Hahepak kü Hezekiah ongpa hatü Amozlei cheha Isaiah thibü nyi-i hapa nang eshi vangsho am kü lenei phop,

2 SHÜPPÜKENGPÜ 18:31

Hanangkü mechem jomi Jehoshaphat ongpa eepa, jomi, “Hapayü Israel ong khih” shei deih. Hanangkü jomi büpa jününg leijashingkü Jehoshaphati len, hatü Shembüpai büpa kü sheüh. Kahvangi hathü büpa toueipü deitük;

2 SHÜPPÜKENGPÜ 6:34

Mechem nüngei nanglakthü vehok kü daihen, jom melemei daihenshang mechem jomi nüngi jepü chingnyü hatü ngei nüng kü vepü phopshem philei meetü phophenshang,

1 ONGPATHÜ 8:16

Ngei ngelei Israel nanglakthü Ijip kahdok leipü müei leipü nyih kübü shinnyih thahshi ngei kü khümhen shingvaishi ngelei men kü Israel kahdok kü chingnyü hükao Phopshem vehen nejeangpih shejao nanglak shak kü ong vaihen ngei David jepeih” shei e.

2 SAMUEL 5:23

Davidi Shembüpa kü pheshingkü büpai, “Nüngi jiüshangi te-aong; shejao jomei ngaümphei lemei shinei aongtuh hatü balsam püying yopailei hükpa lemeipü heih-ei hoktuh.

2 SAMUEL 5:19

Davidi Shembüpa kü, “Philistia am mü hokhen ngei daihen hiang? Nüngi jom ngelei lak kü yahpha-üla?” shei phe. Shembüpai David kü, “Aongtuh, hingmei ngei nüngei lak kü Philistia am yahphahen hih” shei e.

1 SAMUEL 30:8

hatü Davidi Shembüpa kü, “Hapa vepathü phei changei ngei dai-üla? Ngei jom yep-üla? shei phe. Büpai büpa kü, ‘Nüngi jom phei changei daituh, hatü hingmei nüngi jom phei thah-aokhen, hatü nüngi wüpküpei deilangpüthü yangaokhen hih’ ” shei e.

1 SAMUEL 15:18

Hatü büpai nüng kangpü dousho hük kü, ‘Daituh, hatü Amalek am jütüktuh, jom hep shei mangmahkem thahshi hoktuh’ shei etü shompeih.

1 SAMUEL 15:3

Shaang daituh hatü Amalek am hahtuh, hatü jomi angpü lemphüli chemjalak kü mangtüktuh. Meheyao aoei tetuh; nyüha, baha, hashihnaüha, mohoh, mi, ut hatü gaduthü kemei jütükkemtuh” shei e.

SHAHPHENBÜTHÜ 6:14

Hahepak kü Shembüpai büpa kü, “Nüngei wong kempai daiyei Midian amei lak kübü Israel am yangtuh; ngei nüng kü hapa kangpü shuohnyüpeih” shei e.

SHAHPHENBÜTHÜ 4:6

Nyih hük pinnyüi Naphtali kü nyupü Kadesh chingnyü leipü Abinoamei cheha Barak kü nyükei büpa kü, “Shembüpa, Israel amei Kahvangi nüng kü, ‘Daituh, hatü Naphtali hatü Zebulun jat nyi kübü shennyak haja an mütuh, hatü Tabor Kahshang lemei aongei show lingtuh’ shei Shembüpai enyüke shei eteke.”

1 ONGPATHÜ 8:45

nüngi vangsho leipü jomi phoppü hatü phepü kü bangtuh, hatü jom kü aokpü danghütuh.

DANIEL 6:10

Shaang, mechem Danieli shahkungnyü yanteke shei danpa, büpa shemei leiyei büpai düngei phopteipükei shem jaandokei aongei Jerusalem phi kübü ümha shadenthü aptü nyih kü jempa jempa aümei shaei büpalei Kahvang kü phop hatü menvih shuohteke.

2 SHÜPPÜKENGPÜ 20:5

Hahepak kü Jehoshaphati phopshem chingshe shing japalei thaipü Judah hatü Jerusalem am touei yaongtü,