1 ONGPATHÜ 8:40 - DAÜLANGPÜ LAIHING (BSI)

⁴⁰ Shejüang nüngi jomei bühipa kü shuohpü kahdokei nyuyang kemei kü jomi nüng kü nyemhen.

1 ONGPATHÜ 8:40 Referans Kwoze

MENVIH KESHO 130:4

Shejao nüng mü mang tükpü nyüke, hanangkü nüng kü dhüm shuohnyeih.

SHAKEI VAMPÜ 19:5

Hahepak kü ong uoshing leipü ngeü hük vamei hapakei e: “Jenei Kahvang vihtuh, amphong büpa chongphopüthü peü, hatü büpa kü nyempü longpü maanpü peü.”

SHAKEI VAMPÜ 15:4

Shembüpa, üpai nenyemhen, hatü nüngei men kü müknyinshekhang neshuohhen? Mehenangkü nüng monha daülangpü. Jatthü peü peiyei nüng kü khümhen, mehenangkü nüngei shahphenpü shakei vamteke.”

HEBREW 12:28

Hanangkü jenphongü nejenbenüng ongching hük dangnyu vütei-i jeni menvih shuohshah, hatü dhüm shuoh-ei nyempai yah-aokbenüng mü Kahvang kü khümshah;

PHONGSHANTHÜ DOU 10:2

Büpayü Kahvang kü hinglempü shennyak; büpa hatü jom shem kemei Kahvang kü nyempü shemong nyuteke. Büpai shennyakthü kü nekaungi shuoh, hatü Kahvang kü düngei phophamteke.

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

MENVIH KESHO 115:13

Shembüpa kü nyempü longpü, maanpü peü kü büpai moihimanhen.

1 SAMUEL 12:24

Shembüpa kü mon nyemtuh, hatü mong kempai hinglemei büpa chongphotuh, hatü büpai am shing mehe dou longpü dükpa ha deih-ei dangtuh.

SHAHKÜP 6:13

Shembüpa, ammei Kahvang kü dhüm shuohtuh hatü büpa kü mon khümtuh, hatü büpalei men kü mon vangeishuwtuh.

SHAHKÜP 6:2

Ammi hapa kahdokei luangi nyuaokhen shingvaishi am hatü ammei hapeüthü halei nyupü thahshi Shembüpa, ammei Kahvang kü dhüm shuohtuh hatü ngei am kü shuohpü büpalei shahkungnyüthü bangtuh.

MÜLANGPÜ 20:20

Mosai nanglakthü kü, “Am tenyem, Kahvangi am dokhen shingvaishi mon yüpü khih, hajü mon ammi büpalei ven bangei nyuhen hatü mang nethahhen” shei eteke.

KAHBHAO 22:12

Büpai, “Nüngi naü kü lak teshih nevaijü büpa kü meheyao tedük; mehenangkü nüngi Kahvang kü nyemnyüke, hatü laophülei halom hük mon nyupü dangkao ngei kü moilahen kaungei nenyu shei ngei nyingteke” shei e.

PHONGSHANTHÜ DOU 9:31

Ha vangpan mü Judea, Galil hatü Samarialei nyupü attoithü chingmei kü nyu hatü wong koh. Shembüpa nyempü kü nyuei hatü Laangha Daülangpülei nyiushemmei kü nanglak bhei-ie dateke.

SHAHKÜP 12:1

Hapayü Shembüpa, ammei bühipa amei Kahvangi am kü shuohpü kahdokei nyupü thahshi ammi kenhingei dükhen shahkungnyüthü nyüke.

1 ONGPATHÜ 8:39

nüng nyushing vangsho leipü nüngi bangtuh, hatü mang tüktü dou düktuh. Shennyak ieyei mü büpai dükpü aimü dükeishuoh; mehenangkü nüngi büpalei mong nyingei nyüke, nüngi mon hangkulei mongdangei mehe nyu, ha nyingei nyüke.

1 ONGPATHÜ 8:41

Hapa keiha mechem nüngei nanglak nevaipü kungpa shennyak hük nüngei men danei tailu kahmük leipü peihen;

JOSHUA 4:24

Büpai hapayü kahdoknyü kübü hangkuli peüi Shembüpayü wong longpü shei nyinghen, hatü ammi Shembüpa, ammei Kahvang kü düngei dhüm shuohhen shingvaishi dükpü khih” shei ehen eshuohteke.