1 ONGPATHÜ 8:34 - DAÜLANGPÜ LAIHING (BSI)

³⁴ nüngi vangsho leipü ha bangtuh, hatü nüngei Israel nanglakthülei mang tükeishuoh, hatü nüngi jomei chebü chepa kü shuohpü kahdokei shao müei leituh.

1 ONGPATHÜ 8:34 Referans Kwoze

AMOS 7:2

Mechem jomi kahdok kübü phenha cha-ei hahtüki eepa, ngei eteke, “Jeiyong Shembüpa, mang tükshih! Mekei etü Jakob yemmü nyuaokhen? Jomü ahshi-üng maanpü am nyüke!”

DANIEL 9:25

Hapa nyingtuh: Jerusalem lingei leihen ngeükhüam shuohpü hepak mebü thiteiphutükpü ongpa peipü thahshi hapta nyet nyukahen; hapta pejempünyi kü Jerusalem chingshongthü hatü veyomshing ne-yei linghen shejao hapayü shangpong yakyingpü hepak vaikahen.

DANIEL 9:19

Oh Shembüpa, banglangshih; Oh Shembüpa, mang tükshih; Oh Shembüpa, bangtuh hatü dou dükshih; Oh ngelei Kahvang, tepheidai; mehenangkü nüngei chingnyü, nüngei nanglakthüi nüngei men enyüpeih.”

DANIEL 9:12

Nüngi ham hatü hamei vanglem lembüthü khüei dükhen shei epü shahthü peü ham kü shangpong longpü shuohpai jiüteke, hatü mepa Jerusalem khüei nyüpa, hapa keiha vangsho phangkü mechemao nedükangpih.

JEREMIAH 32:37

Ngei mongshihpai ngei jom changei deishihpü kahmükthü leipü jom thaiyei leilanghen; hapa shingei ngei jom müei leiyei nyiushemmei kü jom chingchingei nyuhühen.

JEREMIAH 31:27

Ngei Israel hatü Judah phang kü hangku hatü yemhimak li chemi haihen hepak ngoikünyüke shei Shembüpai enyüke.

MENVIH KESHO 106:47

Ham yangtuh, Oh Shembüpa, hamei Kahvang, hatü jatthü toueipü ham thailangtuh, shejüang hami nüngei daülangpü men kü menvih shuohhen, hatü nüng kü menvih-ei müknyinshekhanghen.

1 ONGPATHÜ 8:30

Hapa shing philei meetü nüngei chongphobü ngei hatü nüngei Israel nanglakthüi phoppü danlangshih. Nüng nyushing vangsho leipü hami phoppü danei mang tükshih.

JOSHUA 21:43

Hanangkü Shembüpai chebü chepa kü shuohhen shei lahpü kahdok kemei Israel am kü shuoh, hatü jomi hapa kahdok yah-ei ching agei nyu.

MÜLANGPÜ 6:8

Ngei Abraham, Isak, hatü Jakob kü shuohhen shei lahpü kahdokei am müei leihen, hatü denden shing am lompü vaihen ngei am kü shuohhen. Ngeiyü Shembüpa” shei etuh.

KAHBHAO 13:15

Nüngi eepü kahdok kemei ngei nüng hatü nüngei lihilathü kü den shing shuohhen.

1 ONGPATHÜ 8:33

Mechem nüngei nanglak Israel ami nüng khüei mang thahpü nangkü vepathüi neühahtü maanpü leiyei nüng dhüm yemei jomei mang lah-ei hapa Phopshemei peiyei nüng kü phopei phehenshang,

1 ONGPATHÜ 8:35

Mechem nüngei nanglakthüi nüng khüei mang thahpü nangkü vangshoi vang nekeihüi shonglanghen, hatü nüngi jom hanghihüpü nangkü mechem jomi hapa shing philei meeshi phophen, hatü nüngei men kü lahhen, hatü jomei mang kübü mong lephenshang,

MENVIH KESHO 85:2

Nüngi nüngei nanglakthüi pungpü hatü jomei mang peü tükteke.

SHAHKÜP 30:1

Shaang ngei am kü moihiman hük nevaijü thaüvaü hük jehen shuohnyüpeih. Mechem hathü douthü kemei am kü vamkahen hatü Shembüpa, ammei Kahvangi mih jatthü touei am haitüktü am jom mü nyuhenshangkü, ngei am kü jehen shuohpü deih-ei dangtuh.

SHAHKÜP 30:4

Amphong vangsho phangkü tailu kahdokei changtüklangmao, haleipao Shembüpa, ammei Kahvangi thailanghen hatü müei leilanghen.

MENVIH KESHO 106:46

Jom yepei deipü ami jom kü shinshanghen mü büpai leihüpeih.