1 ONGPATHÜ 8:32 - DAÜLANGPÜ LAIHING (BSI)

³² nüngi vangsho leipü hapa bangtuh, hatü düktuh hatü pungpüba nyonghüei büpai dükpü büpalei shangjing kü kohütuh, hatü jiüpüba kü jiüpü shangshi thintho shuoh-ei dah shakhütuh.

1 ONGPATHÜ 8:32 Referans Kwoze

SHAHKÜP 25:1

Mechem shennyak nyi dehenshang, hapayü shahphen shingei deihen, hatü shahphenbüthüi jiüpü shennyak dah shakei hatü nejiüpü shennyak nyonghüei shahphenhen.

EZEKIEL 18:20

Üpa shennyaki mang thahnya, hapa shennyak-üng dihen. Chehai chepalei mang nangkü nedihen nevaijü chehalei mang nangkü chepa nedihen. Daülangpü shennyak kü mei dükpü shangshi laklei shuohhen, hatü nemeipü shennyakü laophüi dükpü mang nangkü hanghihen.

EZEKIEL 18:13

Büpai nanglei yemei mih kü hang lushuohnyüke, hatü lop longi bhüei yahnyüke. Hapa keipü shennyak yemmü nyuhen je? Büpa nenyuaokhen! Büpai hathü jiühitpü douthü dükpü nangkü, büpa hingmei dihen, hatü büpalei iy büpalei shangjingei kohen.

MÜLANGPÜ 34:7

Denshem haja haja kü bampü lakshing nyupü; Mang hatü pungpü shaipü mang tükpü, shejao nejiüpü am kü hanghi neshuoh-i netuhpü; Büpai hapeüthü hatü jomei hüpeüthü kü chebü chepai thahpü mang shingvaishi denshem jem ali thahshi hanghihünyeih” shei lenei peiteke.

ROM SHAHSHA APPÜ 7:9

Ngei chem shahkungnyü neshiüi yemmü nyupeih, shejao mechem shahkungnyü peipa, mang jatongpeih,

ROM SHAHSHA APPÜ 2:13

Mehenangkü shahkungnyü danpüthü Kahvang touei daülangpü nevai, shejao shahkungnyü noteipüthü dahshakhen.

EZEKIEL 18:30

Oh Israel am phang, ammei lemthü aimü ngei ammei shahphenhen shei Shembüpa Kahvangi enyüke. Mong leptuh! Ammei mang kübü nyokei leituh; shejüang mangi am nevüshihhen.

KANDOK 17:15

Üpai nejiüpü shennyak hük dah shakhünya, hatü üpai jiüpü shennyak-ang nyonghünya, jiji nyiphen Shembüpa touei jiühitbenüng nyüke.

KANDOK 1:31

Ammi ammei betjük danghen; hatü ammi temhahpü küpjani am lomohhen.

BHEI-IE 5:27

Hapa nyüha mih mü mükbongjuyungei chepaha mü shahhing ne-epü vaijema, mechem pinnyüi thaüvaü kohpü shahyak yung yinghenshang, ha pinnyülei büm kü shühen hatü mangshi tünghen; pinnyülei vom poukhen hatü naü uoshing jepdaihen, hatü laophülei nanglak khongkü thaüvaütükpü nyüha leihen.

MÜLANGPÜ 23:7

Ammi shahshemi mih tevüshih; ammi mang neshiüpü nevaijü daülangpü shennyak tejü; mehenangkü ngei henüng mang netükpih.

2 SAMUEL 22:21

Ngei daülangshemshepü aimü Shembüpai ngei kü dükpeih; Ngelei lak daülangpü aimü büpai ngei kü laklei shuohpeih.

MENVIH KESHO 18:25

Hingshangi nyupüthü touei nüngi hingshangi hunyeih, eela neshiüpüthü touei nüngi eela neshiüi hunyüke.

ISAIAH 45:25

Shembüpa kü Israel jat peüi aokpü danghen hatü müknyinshekhanghen.

1 SAMUEL 2:25

Shennyak hüki shennyak hük homei mang thahjema, hapa kü Kahvangi baong kü ithen, shejao shennyak hüki Shembüpa khüei mang thahjema büpa kü üpai baong kü ithen?” shei e. Shejao cheha nyi-i chepai epü nebang; mehenangkü jiji jütükhenü Shembüpai mongpü nyuteke.

1 ONGPATHÜ 2:32

Büpai mih jüpü kü Shembüpai büpa kao ha nyemshemshuoh; mehenangkü büpai büpa mao daülangpü hatü meipü shennyak, Nerlei cheha Abner, Israel amei veshan mübü hatü Jetherlei cheha Amasa, Judah amei veshan mübü nyi opa Davidi nenyingi jütükpeih.

1 ONGPATHÜ 2:33

Jiji jüpü iy kübü pungpü mangü Joab hatü büpalei hühihathü kü denden kü nyemhet. Shejao David hatü büpalei hühihathü, büpalei shem am, hatü ong uoshing kü düngei SHEMBÜPAleipü chingmeivangmei nyuhen” shei e.

ESTHER 9:25

Shejao mechem Estheri ongpa touei peipa, Jehoda am khüei nemeipü küpjan tempü shennyakei shangjing kü kohen shei büpai ngeükhüam shuoh, hatü büpa hi hapeüthü anshai pülüngei bakla kü bheanei dihü.

MENVIH KESHO 7:9

Oh nemeipüthülei douten dohhütuh, shejao daülangpüthü chonglinghütuh, nüngi mongdang hatü sholi doknyeih, Oh daülangpü Kahvang.

EZEKIEL 9:10

Shejao ngei jom kü nephahjihen; jomi mih kü mehe dük, ngei jom kao ha dükhen” shei e.