1 ONGPATHÜ 8:3 - DAÜLANGPÜ LAIHING (BSI)

³ Mechem Israel am behethü thaipa, ngongpathüi Vangpüshuwpü Pela koteke.

1 ONGPATHÜ 8:3 Referans Kwoze

JOSHUA 3:6

Hatü Joshua-i ngongpathü kü, “Vangpüshuwpü Pela paituh hatü nanglakthü shekü kamtuh” shei eteke. Hanangkü jomi Vangpüshuwpü Pela paitü nanglakthü shekü dai.

SHAHKÜP 31:9

Hanangkü Mosai hapa shahkungnyü nyangteke hatü Shembüpalei Vangpüshuwpü Pela kopü Levi am ngongpathü kü hatü Israel am mübüthü peü kü shuohteke.

JOSHUA 3:3

daiyei nanglakthü kü ngeükhüam shuoh-ei e: “Mechem ammi Shembüpalei Vangpüshuwpü Pela Levi am ngongpathüi paitü daiyei eehenshang, ammi laophü nyushing kübü layaongei hapa phei mütuh.

BHEI-IE 4:15

Mechem baümtap shing chaiyei daihen hepak ngoihen, Aaron hatü chehathüi haleipü douhinangthü peü kü jümtükpheikü mon Kohath am phang peiyei hapa daülangpü douthü paiyei daihen. Shejao Kohath am phangi ha daülangpü douthü kü nehonghen, hei nevaijema jom dihen. Ashakshem shing chaiyei daishingkü Kohath am phangi hathü doulemthü dükhen.

1 SHÜPPÜKENGPÜ 15:2

Hapheikü Davidi, “Üpaiyao nevai, shejao Levi ami hapa Kahvangei Vangpüshuwpü Pela kohen; mehenangkü Shembüpai jomü hapa Vangpüshuwpü Pela kohen hatü hapa chongphohen jepeih” shei e.

JOSHUA 6:6

Hanangkü Nunei cheha Joshua-i ngongpathü nyükei jomphong kü, “Amphongi Shembüpalei Vangpüshuwpü Pela paituh, hatü ngongpa nyeti amit nyet notü hapa shekü kamhütuh” shei eteke,

JOSHUA 4:9

Shao Joshua-i Vangpüshuwpü Pela paitü yaongpü ngongpathülei la toueipü yaong anpünyi thaiyei Jordan yung jiamei shüngei tuhteke. Hathü yaong shinnyih thahshi nyüke.

BHEI-IE 7:9

Shejao Mosai Kohath am kü meheyao neshuoh; mehenangkü jomi jungeilangei veipü daülangpü douthü jomei bhagchongei paihen mü nyuteke.

1 ONGPATHÜ 8:6

Hapheikü ngongpathüi Vangpüshuwpü Pela kotü peiyei Phopshemei Longi Daülangpü Shingei cherubimei yang phangkü tuh.

2 SAMUEL 6:12

Kahvangei Vangpüshuwpü Pela tuhpü nangkü Shembüpai Obed-Edom am shem kü hatü büpai angpü lemphüli kü moihimannyüke shei David ongpa kü eshuohpü nangkü Davidi yiüei Obed-Edom am shem leipü Kahvangei Vangpüshuwpü Pela David Chingnyülei longi mongongmongleshi ngetnahcheüi yah-ei anteke.