1 ONGPATHÜ 8:27 - DAÜLANGPÜ LAIHING (BSI)

²⁷ Shejao hingmei, Kahvangü kahdoknyülei nyuhen je? Vangsho dangkao hapa keiha peü mü shaopü vangsho kü dangkao nüng necha-ükhih; shejema mekei etü hajük maanpü ngei vepü Phopshem kü nüng chahenang!

1 ONGPATHÜ 8:27 Referans Kwoze

ISAIAH 66:1

Shembüpai hapakei enyüke: “Vangsho-ü ngelei ong uoshing, kahdoknyü-ü ngelei la shoupshing. Menüng keipü shem amphongi ngei kü melei vephahenang? Ngei nyiumeihen shing melei nyüpa?

2 SHÜPPÜKENGPÜ 2:6

Shejao üpai büpa shing shem hük veaokhen, mehekei shejü büpayü vangsho, hakei-üng shaopü vangsho kao büpa nechapih. Büpa kü moila shuohhen shing mü lenei büpa shing shem vehen ngei üpaang?

JEREMIAH 23:24

Ngei ne-eeaokhen mü hanei joaokhen je? shei Shembüpai enyüke. Ngei vangsho hatü kahdoknyü maei nenyupü je? shei Shembüpai enyüke.

2 SHÜPPÜKENGPÜ 6:18

Shejao hingmei Kahvangü shennyak mü kahdoknyülei nyuhen je? Vangshothü, hei-üng shaopü vangshothü kü dangkao nüng nechajü hajük maanpü ngei vepü shem kü nüng chahen je?

SHAHKÜP 10:14

Vangshothü hatü peü mü shaopü vangshothü, kahdoknyü hatü haleipü lemphüli Shembüpa, ammei Kahvangei nyüke.

MENVIH KESHO 113:4

Shembüpayü jatthü peü shak kü, hatü büpalei müknyinshekhang vangshothü shak kü nyüke.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

1 JOHAN 3:1

Jenphong kü Kahvang hathü shei nyükhen mü Opai mekeipü bampü jen kü shuohpa veituh, hatü jenphongü hakei-üng vaitei. Kahdoknyüi jen nenyingpeyü jomi büpa nenyingpü nangkü nyüke.

PHONGSHANTHÜ DOU 17:24

Kahvangi kahdoknyü hatü halei nyupü lemphü lingpeih; büpayü vangsho hatü kahdoknyü Shembüpa; büpai hangkulei laki lingpü khümshingei nenyunyih,

2 KORINT 12:2

Bong anpüali daiteke, Khrista kü shennyak hük jempabü vangsholei yepei anteke– hapayü büm kü hi manghkhang kü shangkü ngei nenying; Kahvangi nyingnyeih.

2 KORINT 6:16

Kahvang phopshem mü lajei melei shepshaihen? Mehenangkü jenphongü vanyangyem Kahvangei phopshem; Kahvangi ha eteke: “Ngei jom kü nyuhen hatü jom mü kamhen; ngei jomei Kahvang vaihen, hatü jomphongü ngelei nanglak vaihen.

MENVIH KESHO 68:33

Oh aivang den mebü vangshothü kü longteipü, büpai laophülei wong kohpü ngeü annyüke, bangtuh.

MENVIH KESHO 148:4

Shaopü vangshothüi büpa vihtuh; hatü vangshothü dok kübü yungthüi büpa vihtuh.

2 SHÜPPÜKENGPÜ 2:5

Ngei vehen shei tempü phopshemü longshi nyukahen; mehenangkü hamei Kahvangü lebü kahvangthü mü longpüba.