1 ONGPATHÜ 8:24 - DAÜLANGPÜ LAIHING (BSI)

²⁴ Nüngi nüngei chongphobü ngelei opa David mü vangpüshuwpü ling; nüngi nüngei jui lah, hatü shinnyih hapayü nüngei laki hingei dükei jiühüteke.

1 ONGPATHÜ 8:24 Referans Kwoze

2 SAMUEL 7:16

Nüngei shem am hatü nüngei ongching ngei touei denden nyuhen; nüngei ong uoshing den den kü nyuhen” shei e.

1 ONGPATHÜ 8:15

Büpai, “Shembüpa, Israel Kahvangei men longtuh; mehenangkü mehe büpalei jui opa David kü lahpa, ha büpalei laki dükei jiühüteke.

2 SAMUEL 7:12

Nüngei hantet kemei dijü nüngü nüngei bühipa mü vüphahen; nüng pheikü nüngei hühiha nüngei büm kübü vamhühen, hatü ngei büpalei ongching ong uoshing denshing linghen.

SHAHPHENBÜTHÜ 13:11

Manoah-i layaongei chenyüha pheikü mü, hatü hapa shennyak touei peiyei büpa kü, “Ngelei shembünyü mü shah eteipeyü nüng hiang?” shei phe. Büpai, “Ngei hih” shei jangei e.

1 ONGPATHÜ 8:23

büpai, “Oh Shembüpa, Israel Kahvang, kahdok hatü vangsho kü nüng keipü Kahvang neshiü! Mechem nanglakthüi mong kempai nüngei ven danei kamhenshang, nüngi jom mü vangteishuwteipü jiüshi düknyüke hatü nüngi bampü hunyüke.

1 ONGPATHÜ 8:25

Hanangkü Oh Shembüpa, Israel Kahvang, ‘Nüngei hühihathüi nüngi dükpü keiha jom kenhingshi kamjema nüng kü jeiyei Israel ong uoshing kü nüngei hühihathü nedoh-i uohen’ shei nüngei chongphobü opa David kü lahpü hapa jiüshi dükshih.

JOSHUA 21:45

Shembüpai Israel am phang kü lahpü meipüthü hükao neshai-i peü jiüei dhaümteke.

MENVIH KESHO 138:2

Ngei nüngei daülangpü phopshem philei aümei shanyeih, hatü nüngi bampü, hatü shahhing epü shingvaishi menvih shuohnyeih; mehenangkü nüngi nüngei men, hatü nüngei shah lemphü shak kü longei anshihteke.