1 ONGPATHÜ 8:23 - DAÜLANGPÜ LAIHING (BSI)

²³ büpai, “Oh Shembüpa, Israel Kahvang, kahdok hatü vangsho kü nüng keipü Kahvang neshiü! Mechem nanglakthüi mong kempai nüngei ven danei kamhenshang, nüngi jom mü vangteishuwteipü jiüshi düknyüke hatü nüngi bampü hunyüke.

1 ONGPATHÜ 8:23 Referans Kwoze

2 SAMUEL 7:22

Oh Shembüpa Kahvang, nüng meshük longpüang! Nüng kei üpayao neshiü; hatü nüng mü lenei lebü kahvang üpayao neshiü shei hamei dhaongi danei nyüpeih.

SHAHKÜP 7:9

Shembüpa, ammei Kahvangü Kahvang nyüke; büpayü hingshangpü Kahvang; büpa kü bampüthü hatü büpalei shah bangpüthü kü denshem haja haja kü büpai lahpü bampü hunyüpeih.

DANIEL 9:4

Ngei, Shembüpa ngelei Kahvang kü phopei hatü mang lahteke: “Oh Shembüpa, longpü hatü nyempühanpü Kahvang. Üami nüng kü bamnya hatü nüngei shahkungnyü ven bangnya, nüngi hathü kü vangpüshuwpü hatü bampü nedoh-i nyunyüke;

NEHEMIAH 1:5

Hahepak kü ngei, “Oh Shembüpa, vangpüshuwpü jiüshangi nopü hatü üami nüng kü bam hatü nüngei shahkung jiüshi düknya, hathü kü bampü hupü longpü hatü nyempühanpü vangsho Kahvang;

NEHEMIAH 9:32

Hanangkü shaang, Oh hamei Kahvang, longpü wong kohpü hatü nyempühanpü Kahvang, nüngi bampü, vangpüshuwpü jiüshi düknyeih; ham kü, hamei ongthü, ngongpathü, thibüthü, bühipathü hatü nanglakthü kü Assyria am ongthülei hepak kübü shinnyih thahshi peipü shanghahthü kü nüngi shangkhah-i tedeih.

1 SAMUEL 2:2

Shembüpa keiha daülangpü üpayao neshiü; nüng mü lenpü üpayao neshiü; Jenei Kahvang kei Yaong üpayao neshiü.

MÜLANGPÜ 15:11

“Oh Shembüpa, kahvangthü khongkü nüng keipü üpa nyüpa? Daülangshemshepü kü nüng keiha den ngoipü, müknyinshekhang kü nyemshihanshi, yashanyale dükpü üpa nyüpa?

LUK SHAHSHA APPÜ 1:72

Hapakei hamei bühipa kü büpai lahpü phahji huteke, hatü büpalei daülangpü vangpüshuwpü deih-ei dangteke.

JEREMIAH 10:16

Jakob Kahvangü hathü kei nevai; mehenangkü büpayü lemphü Lingbü; büpalei mükjüp jat Israel amao omei Shembüpa Kahvangü büpalei men.

JEREMIAH 10:6

Nüng kei üpayao neshiü, Oh Shembüpa, nüngü longpüba, hatü nüngei menü ngan kü wong kohpüba.

ISAIAH 40:25

Amphongi ngei üpa mü sheteiphenhen? nevaijü ngei mü hükkeipü üpa nyüpa? shei Daülangpü Hüki enyüke.

MENVIH KESHO 113:5

Shangei uopü Shembüpa, jenei Kahvang kei üpa nyüpa?

ISAIAH 40:18

Nüngi Kahvangü üpa mü shetteiaokhen? nevaijü büpayü mepa mü sheteiphenaokhen?

MENVIH KESHO 86:8

Kahvangthü khong kü nüng kei hükao nenyu, Oh Shembüpa, nevaijü nüngei douthü kei lebü meheyao neshiü.

MENVIH KESHO 35:10

Ngelei büm kempai, “Oh Shembüpa, nüng keiha üpa nyüpa?” shei ehen. Nüngi jom mü nyeishi wong kohpüthü toueipü wong nekohpüthü, hatü wong nekoh hatü nehahneyingpüthü jom leipü gühlangpüthü leipü yangnyeih.

2 ONGPATHÜ 20:3

“Oh Shembüpa, ngei mekei nüng kü ngelei mongdang kempai hinglemei kampa, hatü nüng touei mehe jiü ha dükei daipa, ha deih-ei dangtuh” shei e, hatü büpai shahyaki thep.

1 ONGPATHÜ 6:12

“Nüngi vepü hapa Phopshem nang keyü nüngi ngelei shahkungthü kü müjema ngei epü hatü kangpüthü peü bangei dükjema, ngei ampa David kü lahpüthü peü nüng homei jiühühen.

1 ONGPATHÜ 3:6

Solomoni jangei, “Nüngi nüng chongphobü opa David kü yahyang shinshang longi hupeih; mehenangkü büpai nüng kü hinglem, hatü mongdang daülangi hatü laülüki nyu. Nüngi nedoh-i büpa kü bam, hatü shinnyih thahshi hapa ong uoshing kü uohen büpa kü hapeü hük shuoh.

1 ONGPATHÜ 2:4

hatü Shembüpai ngei kü lah-ei, ‘Nüngei hühihathüi jomei lem kü lishi nyujema, hatü jomei mongdang hatü laangha kempai ngei touei shahhing kü kamjema, Israel ong uoshing kü uohen shennyak netao-i nyuhen’ ” shei epeih.

MÜLANGPÜ 3:15

Kahvangi Mosa kü, “Nüngi Israel am kü hapakei etuh, Shembüpa, ammei Kahvang, Abraham Kahvang, Isak Kahvang, Jakob Kahvangi am touei ngei shompü khih shei eyeishuoh” shei eteke. Hapayü denden shing ngelei men; hüdenhalenshi ngei deih-ei danghen men nyüke.

KAHBHAO 33:20

Halei büpai moidü hük ling, hatü ha kü El-Elohe Israel shei menteke.

KAHBHAO 17:1

Mechem Abram bong 99 nyupa, Shembüpa büpa touei peiyei, “Ngeiyü Jeiyong Kahvang; ngei touei eela nekoh-i kamtuh.

1 ONGPATHÜ 8:24

Nüngi nüngei chongphobü ngelei opa David mü vangpüshuwpü ling; nüngi nüngei jui lah, hatü shinnyih hapayü nüngei laki hingei dükei jiühüteke.

EZRA 1:3

Amphong khong mü nyupü büpalei nanglak Kahvang jom mü nyute! jom shaang Judah kahdok Jerusalemei Shembüpa, Israel Kahvang, Jerusalemei nyupü Kahvangei phopshem vehen shingvaishi leishihtuh,

SHAHKÜP 7:12

Amphongi hapa shahkungnyüthü bangjema, hatü kenhingei dükjema, Shembüpa, ammei Kahvangi ammei bühipa kü lahpükei büpai am mü lahpü bampü huphahen.