1 ONGPATHÜ 8:21 - DAÜLANGPÜ LAIHING (BSI)

²¹ Mechem Shembüpai jom Ijip leipü müei leipa, hahepak kü Shembüpai jenei bühipathü mü lingpü Vangpüshuwpü Pela tuhhen shing hük lingtepih” shei e.

1 ONGPATHÜ 8:21 Referans Kwoze

1 ONGPATHÜ 8:9

Hapa Vangpüshuwpü Pela mongeiyü Israel am Ijip leipü vamei daishingkü Shembüpai jom mü vangpüshuwpü lingpü shahkung yaongshung nyi Mosai Sinai Kahshangei tuhpü ha shihpü mü lenei meheyao neshiü.

SHAHKÜP 31:26

Hapa shahkungnyü laitap yahtuh hatü Shembüpa, ammei Kahvangei Vangpüshuwpü Pela touei haütuh. Hatouei hapayü am khüei denpü hük nyuhen.

SHAHKÜP 9:11

Nyih pinyi ya pinyi dohpü lemei Shembüpai ngei kü vangpüshuwpü nyangpü yaongshung nyi yahphüteke.

SHAHKÜP 9:9

Shembüpai am mü lingpü vangpüshuwpü shahkungnyü yaongshung yahhen shingvaishi ngei kahshangei aongei meheyao nehahneyingi nyih pinyi ya pinyi halei nyuteke.

MÜLANGPÜ 34:28

Mosai nehahneyingi hatouei Shembüpa mü nyih pinyi ya pinyi nyu, hatü büpai yaongshung kü vangpüshuwpü shahthü, Shahkungnyü An nyangteke.

1 SHÜPPÜKENGPÜ 22:19

Shaang, ammei mongdang, laangha kempai Shembüpa, ammei Kahvang yemtuh. Ammi Shembüpalei Vangpüshuwpü Pela koei leihen hatü Shembüpalei men kü vehen phopshemei Kahvangei daülangpü douhinangthü leiyei tuhhen shingvaishi daülangpü shem vehen chongpangtuh” shei e.

MÜLANGPÜ 24:8

Hahepak kü Mosai chilimji kü iy shihtü nanglakthü kü haitü eteke, “Ha shahthü aimü Shembüpai am mü lingpü vangpüshuwpü iy kü veituh.”