1 ONGPATHÜ 8:13 - DAÜLANGPÜ LAIHING (BSI)

¹³ Ngei nüng shing müknyinshekhangpü shem hük, nüng düngei nyuhen shing shem hük vetepih” shei e.

1 ONGPATHÜ 8:13 Referans Kwoze

2 SAMUEL 7:13

Büpai ngelei men kü shem hük vehen, hatü ngei büpalei ongching ong uoshing den kü chonglingei tuhhen.

HEBREW 9:24

Mehenangkü Khristayü hingshangpü hük nyuh-ei hangkulei laki lingpü Longi Daülangpü Shingei neshü, shejao büpa vangsholei shüpeih; shaang jenei men kü Kahvang touei nyüke.

MÜLANGPÜ 15:17

Nüngi jom müei lei, hatü jom nüngei kahshangei, Oh Shembüpa, nüng nyupü shingei, Oh Shembüpa, nüngei laki lingpü daülangpü shingei nüngi jom chongkhenei tuhphong.

PHONGSHANTHÜ DOU 6:14

mehenangkü hapa Nazareth am Jisui hapa shing mangtükhen hatü Mosai jen kü shuohpü vanglem yeiyatükhen shei büpai epü hami dantepih” shei eteke.

2 SHÜPPÜKENGPÜ 6:2

Nüng düngei nyuhen shingvaishi ngei longi nethe meipü phopshem hük vetepih” shei e.

1 SHÜPPÜKENGPÜ 28:20

Davidi cheha Solomon kü, “Wong kohtuh hatü monglongtuh hatü dou düktuh. Nüng tenyem nevaijü mongtemaan; mehenangkü Shembüpa Kahvang, üpa ngei chongphonya, büpa nüng mü nyüke. Hapa Phopshem dou mangtem thahshi büpai nüng kü neshaiphapih nevaijü netuhphongpih.

1 SHÜPPÜKENGPÜ 28:10

Hanangkü nüng kenhingtuh; mehenangkü daülangpü shem hük vehen Shembüpai nüng jeteke; nüng wong kohtuh hatü dou düktuh” shei eteke.

1 SHÜPPÜKENGPÜ 28:6

Büpai ngei kü, ‘Anha Solomoni ngelei shem hatü ngei nyushing vehen; mehenangkü büpayü ngelei hapeü, ngei büpalei pa vaihen ngei büpa jetepih.

1 SHÜPPÜKENGPÜ 17:12

Büpai-üng ngei shing shem vehen, hatü ngei büpalei ong uoshing linghen.

MATHI 23:21

Üami phopshem men kü vangnya, phopshem hatü halei nyupü Kahvang men kü vangnyeih;

EZEKIEL 43:7

Büpai ngei kü, “Shennyak ha, hapayü ngelei ong uoshing hatü ngelei la shoupshing. Hatouei ngei ngelei nanglak Israel am mü düngei nyuhen. Israel phangi nevaijü jomei ongthüi mükbongjuyungpai nevaijü jomei ongthü dipü mahng homei ngelei daülangpü men nesheihhen.

EZEKIEL 43:9

Shaang jomi lajei khümpü jomei ongthülei mahng ngei toueipü taishi nyemdeilang; shejüang ngei jom mü düngei nyuhen” shei eteke.