1 ONGPATHÜ 8:11 - DAÜLANGPÜ LAIHING (BSI)

¹¹ hatü phum thihdaipü nangkü ngongpathüi meheyao chongphopü dou nedükaok; mehenangkü Shembüpalei müknyinshekhangi Phopshem madaiteke.

1 ONGPATHÜ 8:11 Referans Kwoze

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

2 KORINT 3:18

Jen peüi dhe kü ashaki nejümi Shembüpalei müknyinshekhang aina kü kei khangei leihünyeih, hatü Shembüpa, üpa Laangha nyu, büpa leipü peipü aihük müknyinshekhangi nyeinya shaopü müknyinshekhang kü büpa lepü kü jen yeiyahünyeih.

EZEKIEL 44:4

Hapheikü büpai ngei apshaphi peshaden homei phopshem chingshe philei deiteke, hatü ngei veishingkü Shembüpalei müknyinshekhangi phopshem maei nyu, hatü ngei dhe aümei sha.

LEVI 9:23

Mosa hatü Aaron nyi ashakshem mongei shüteke. Mechem jiji haleipü vampa, jijinyi-i nanglakthü kü moihiman, hatü Shembüpalei müknyinshekhang shennyak tou mü vam.

SHAKEI VAMPÜ 21:23

hatü hapa chingnyülei vanghenyü nevaijü lennyü nyahen napü neshiü; mehenangkü Kahvang müknyinshekhangü hapalei vangngai, hatü hapalei awdükü Mi Cheha.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

EZEKIEL 43:2

Halei Israel Kahvangei müknyinshekhang heongphi leipü peiteke; hapalei ngeü yungching ngeü kei vam, hatü kahdoknyü kü vangngai khangteke.

SHAKEI VAMPÜ 21:11

Hapa kü Kahvang müknyinshekhang nyu, hatü longi taoshi dangpü douvang yaong kei, jasper kei hatü chüshaü kei daülangi vangngai nyuteke.

PHONGSHANTHÜ DOU 7:55

Shejao Laangha Daülangpai maei büpai vangsholei ngangei veishingkü Kahvang müknyinshekhang hatü Jisu, Kahvangei lakdah philei yaongshi ee.

LEVI 9:6

Hahepak kü Mosai, “Amphong touei Shembüpalei müknyinshekhang vamkahen shingvaishi Shembüpai am kü hapa düktuh shei epeih” shei e.

ROM SHAHSHA APPÜ 9:4

Jomphongü Israel am, hatü hapeü kei ungei yahpü, müknyinshekhang, vangpüshuwpü, shahkungnyü shuohpü, khümpü hatü lahpüthü peü jomphongei;

MÜLANGPÜ 40:34

Hahepak kü ashakshem kü phumi jüm, hatü halei Shembüpalei müknyinshekhangi ma.

MÜLANGPÜ 40:35

Mosai ashakshem mongei neshüaok; mehenangkü hapa kü phumi jümlang, hatü Shembüpalei müknyinshekhangi hapa ashakshem madai.

1 ONGPATHÜ 8:10

Mechem ngongpathüi Daülangpü Shing leipü vamdaipa, phumi Shembüpalei Phopshem mateke,

1 ONGPATHÜ 8:12

Hahepak kü Solomoni, “Shembüpai büpayü phumnyak kü nyuhen hih shei epeih.

2 SHÜPPÜKENGPÜ 5:14

hatü phumi jümlangpü nangkü ngongpathüi dou nedükaok; mehenangkü Shembüpalei müknyinshekhangi phopshem madaiteke.

MENVIH KESHO 90:16

Nüngei chongphobüthü kü nüngei douthü, hatü jomei hapeüthü kü nüngei dhemeilaüma hushih.

HAGGAI 2:7

Jatthülei mophimo peü peihen shingvaishi ngei jatthü peü jenhühen, hatü ngei hapa shem müknyinshekhangi mahühen shei Jeiyong Shembüpai enyüke.

MÜLANGPÜ 29:43

Halei ngei am mü pongteihen, hatü ngelei müknyinshekhangi hapa shing daülangi leihühen.

ISAIAH 6:1

Uzziah ongpa dipü bong, Shembüpa ong uoshing longi shaopü kü uoshi ee, hatü büpalei ashak maijung Phopshem maei yaüshi nyu.

EZEKIEL 10:4

Hahepak kü Shembüpalei müknyinshekhang cherubim toueipü phopshem shaden thahshi vam; phopshemü phumi maei nyu, hatü shemshe thahshi Shembüpalei müknyinshekhang nyapai maei nyu.